Kũguũrĩrio kwa Johana 3:1-22
3 “Kũrĩ mũraika wa kĩũngano kĩrĩa kĩrĩ Sadisi andĩka atĩrĩ: Maya nĩmo maũndũ marĩa ũrĩa ũrĩ na maroho marĩa mũgwanja ma Ngai+ na njata iria mũgwanja ekuuga:+ ‘Nĩ njũĩ ciĩko ciaku, ũkoragwo na rĩĩtwa* atĩ ũrĩ muoyo, no ũrĩ mũkuũ.+
2 Ikara wĩiguĩte,+ na wĩkĩre hinya maũndũ marĩa matigarĩte o macio makuhĩrĩirie gũkua, nĩ gũkorũo ndionete ciĩko ciaku irĩkĩte biũ mbere ya Ngai wakwa.
3 Nĩ ũndũ ũcio, ririkanaga ũndũ ũrĩa waamũkĩrire na ũkĩigua, na ũthiĩ na mbere kũũtũũria na wĩrire.+ Hatarĩ nganja ũngĩaga kwarahũka, ngooka o ta mũici+ na ndũkaamenya o na hanini ithaa rĩrĩa ngaagũkorerera.+
4 “‘O na kũrĩ ũguo, kũu Sadisi ũrĩ na andũ* maigana ũna arĩa matarĩ mathahia nguo ciao,+ na nĩ megũtwarana na niĩ marĩ na cia rangi mwerũ,+ nĩ gũkorũo nĩ magĩrĩire.
5 Nĩ ũndũ ũcio, ũrĩa ũgũtooria+ nĩ akaahumbwo nguo cia rangi mwerũ,+ na gũtirĩ hĩndĩ ngaahuura* rĩĩtwa rĩake ibuku-inĩ rĩa muoyo,+ no nĩ ngaamenyithania rĩĩtwa rĩake mbere ya Awa na mbere ya araika ake.+
6 Ũrĩa ũrĩ na gũtũ nĩ aigue ũrĩa roho ũrera ciũngano.’
7 “Kũrĩ mũraika wa kĩũngano kĩrĩa kĩrĩ Filadefia andĩka atĩrĩ: Maya nĩmo maũndũ marĩa ũrĩa mũtheru ekuuga,+ o we wa ma,+ ũrĩa ũrĩ na cabi ya Daudi,+ o ũcio ũhingũraga na gũtigĩe mũndũ wa kũhinga na akahinga gũtarĩ mũndũ ũngĩhingũra:
8 ‘Nĩ njũĩ ciĩko ciaku—atĩrĩrĩ, nĩ njigĩte mũrango mũhingũre+ mbere yaku, ũrĩa gũtarĩ mũndũ ũngĩhota kũũhinga. Na nĩ njũĩ atĩ ũrĩ na hinya mũnini, na nĩ ũrũmĩtie kiugo gĩakwa na ũkoretwo ũrĩ mwĩhokeku harĩ rĩĩtwa rĩakwa.
9 Atĩrĩrĩ, andũ acio a thunagogi ya Shaitani o acio meĩtaga Ayahudi no tiguo marĩ,+ ĩndĩ nĩ kũheenania maheenanagia-rĩ, acio nĩ ngaatũma moke mainamĩrĩre magũrũ-inĩ maku na ndũme mamenye atĩ nĩ ngwendete.
10 Tondũ nĩ ũrũmĩtie kiugo kĩgiĩ ũkirĩrĩria wakwa,*+ o na niĩ nĩ ngaakũmenyerera hĩndĩ ya ithaa rĩa kũgerio,+ rĩrĩa rĩgooka igũrũ rĩa thĩ yothe ĩrĩa ĩikaragwo, nĩ ũndũ wa kũgeria arĩa matũũraga thĩinĩ wa thĩ.
11 Nĩ ngũka o narua.+ Ikara ũrũmĩtie kĩrĩa ũrĩ nakĩo, nĩguo mũndũ o na ũrĩkũ ndakanoe thũmbĩ yaku.+
12 “‘Mũndũ ũrĩa ũgũtooria—nĩ ngaamũtua gĩtugĩ thĩinĩ wa hekarũ ya Ngai wakwa, na ndagaacoka kuuma kuo rĩngĩ, na nĩ ngaamwandĩka rĩĩtwa rĩa Ngai wakwa+ na rĩĩtwa rĩa itũũra rĩa Ngai wakwa, Jerusalemu Njerũ+ ĩrĩa ĩraikũrũka yumĩte igũrũ kũrĩ Ngai wakwa, na rĩĩtwa rĩakwa mwene rĩrĩa rĩerũ.+
13 Ũrĩa ũrĩ na gũtũ nĩ aigue ũrĩa roho ũrera ciũngano.’
14 “Kũrĩ mũraika wa kĩũngano kĩrĩa kĩrĩ Laodikia+ andĩka atĩrĩ: Maya nĩmo maũndũ marĩa Ameni+ ekuuga, o we mũira+ ũrĩa mwĩhokeku na wa ma,+ o ũcio kĩambĩrĩria kĩa ũũmbi wa Ngai:+
15 ‘Nĩ njũĩ ciĩko ciaku, atĩ wee ndũrĩ mũhehu na ndũrĩ mũhiũ. Na arĩ korũo ũrĩ mũhehu kana ũgĩkorũo ũrĩ mũhiũ.
16 Kwoguo tondũ ũrĩ mũraru no ndũrĩ mũhiũ+ na ndũrĩ mũhehu,+ nĩ ngũgũtahĩka uume thĩinĩ wa kanua gakwa.
17 Tondũ uugaga ũũ, “Niĩ ndĩ mũtongu+ na nĩ ngĩĩte na ũtonga na ndirabatara kĩndũ o na kĩ,” no ndũĩ atĩ wee ũrĩ na kĩeha na ũrĩ wa kũiguĩrũo tha na mũthĩni na mũtumumu na ũrĩ njaga,
18 ndĩragũtaara ũgũre harĩ niĩ thahabu ĩrĩa ĩtheretio na mwaki nĩgetha ũtonge, na ũgũre nguo cia rangi mwerũ wĩhumbe nĩguo gĩconoko kĩa njaga yaku gĩtikaguũrio,+ na ndawa ya maitho ũhake maitho maku+ nĩguo wone.+
19 “‘Arĩa othe nyendete, nĩ ndĩmarũngaga na ngamaherithia.+ Nĩ ũndũ ũcio, gĩa na kĩyo na wĩrire.+
20 Atĩrĩrĩ, niĩ ndũgamĩte mũrango-inĩ ngĩringaringa. Mũndũ o wothe ũkũigua mũgambo wakwa na ahingũre mũrango, nĩ ngũingĩra thĩinĩ wa nyũmba yake na ndĩanĩre nake irio cia hwaĩ-inĩ nake arĩanĩre na niĩ.
21 Mũndũ ũrĩa ũgũtooria+ nĩ ngaamwĩtĩkĩria aikare thĩ hamwe na niĩ gĩtĩ-inĩ gĩakwa kĩa ũnene,+ o ta ũrĩa na niĩ ndatooririe na ngĩikara thĩ+ hamwe na Awa gĩtĩ-inĩ gĩake kĩa ũnene.
22 Ũrĩa ũrĩ na gũtũ nĩ aigue ũrĩa roho ũrera ciũngano.’”
Tũũhoro twa magũrũ-inĩ
^ Kana “ngumo.”
^ Ũkk., “marĩĩtwa.”
^ Kana “ngaatharia.”
^ Kana hihi, “nĩ ũrũmĩrĩire kĩonereria kĩa ũkirĩrĩria wakwa.”
