Mika 5:1-15
5 “Rĩu nĩ gwĩtemenga ũretemenga,Wee mwarĩ ũyũ ũũkĩrĩirũo;Nĩ tũrigicĩirio.+
Magũthaga mũtuanĩri ciira wa Isiraeli ikai na rũthanju.+
2 Nawe, Bethilehemu Efiratha,+O wee mũnini mũno wa gũkorũo gatagatĩ-inĩ ka makiri ma Juda,Kuuma harĩ wee nĩ gũkooimĩra ũrĩa ũgaathana thĩinĩ wa Isiraeli nĩ ũndũ wakwa,+Ũrĩa kĩhumo gĩake nĩ kuuma mahinda ma tene, kuuma matukũ marĩa ma tene.
3 Nĩ ũndũ ũcio, nĩ akaamatiganĩriaNginya rĩrĩa mũtumia ũrĩa ũragĩa mwana agaaciara.
Na ariũ acio angĩ a ithe nĩ magaacoka kũrĩ andũ a Isiraeli.
4 Nĩ akaarũgama arĩithie rũũru na hinya wa Jehova,+Na ũnene wa rĩĩtwa rĩa Jehova Ngai wake.
Na magaaikara marĩ na ũgitĩri,+Tondũ ũnene wake ũgaakinya o nginya ituri cia thĩ.+
5 Na nĩ akaarehe thayũ.+
Mũashuri angĩgaatharĩkĩra bũrũri witũ na arangĩrĩrie nyũmba citũ iria ndaya na igũrũ irĩ na ũgitĩri,+Nĩ tũkaamwarahũrĩra arĩithi mũgwanja mamũũkĩrĩre, ĩni, anene* anana a andũ.
6 Nao nĩ makaarĩithia bũrũri wa Ashuri na rũhiũ rwa njora,+Na bũrũri wa Nimurodi+ ihingo-inĩ ciaguo.
Na nĩ agaatũhonokia kuuma harĩ Mũashuri,+Rĩrĩa agaatharĩkĩra bũrũri witũ na arangĩrĩrie itũũra ritũ.
7 Andũ arĩa magaatigara a Jakubu magaakorũo gatagatĩ-inĩ ka ikundi nyingĩ cia andũMatariĩ ta ime kuuma kũrĩ Jehova,Matariĩ ta mbura ĩroirĩra mĩmeraĨrĩa ĩterĩgagĩrĩra mũndũKana ĩgeterera ariũ a andũ.
8 Andũ arĩa magaatigara a Jakubu magaakorũo gatagatĩ-inĩ ka ndũrĩrĩ,Gatagatĩ-inĩ ka ikundi nyingĩ cia andũ,O ta mũrũthi ũrĩ gatagatĩ-inĩ ka nyamũ cia gĩthaka,O ta mũrũthi mwĩthĩ* ũrĩ gatagatĩ-inĩ ka ndũũru cia ng’ondu,Ũrĩa ũtuĩkanagia ũgatharĩkĩra na ũgatambura tũcunjĩ tũcunjĩ;Na gũtirĩ mũndũ ũngĩcihonokia.
9 Guoko gwaku nĩ gũkaambarario igũrũ rĩa thũ ciaku,Nacio thũ ciaku ciothe nĩ ikaanangwo.”
10 Jehova ekuuga ũũ, “Mũthenya ũcio,Nĩ ngaaniina mbarathi ciaku ciehere gatagatĩ-inĩ gaku na nyanange ngaari ciaku cia mbarathi.
11 Nĩ ngaananga matũũra ma bũrũri wakuNa momore kũndũ gwaku guothe kũrĩa kũrĩ na ũgitĩri.
12 Nĩ ngaaniina maũndũ ma ũrogi marĩa wĩkaga,*Na gũtirĩ mũndũ wĩkaga maũndũ ma ũgo ũgaatigara gatagatĩ-inĩ gaku.+
13 Nĩ ngaananga mĩhianano yaku ya gwacũhio na itugĩ ciaku ciehere gatagatĩ-inĩ gaku,Na ndũgaacoka kũinamĩrĩra wĩra wa moko maku rĩngĩ.+
14 Nĩ ngaamunya mĩtĩ yaku ya kũhoywo*+ yehere gatagatĩ-inĩ gakuNa niine matũũra maku.
15 Nĩ ngerĩhĩria ndĩ na marakara na mang’ũrĩHarĩ ndũrĩrĩ iria itanjathĩkĩire.”
Tũũhoro twa magũrũ-inĩ
^ Kana “atongoria.”
^ Kana “mũrũthi mwĩthĩ wa njamba.”
^ Ũkk., “kuuma guoko-inĩ gwaku.”
^ Rora Ũthathaũri wa Ciugo.
