Thoma Atiirĩrĩri Bũrũri 11:​30-40 nĩguo wĩrute kuumana na rũgano rwa Jefitha na mũirĩtu wake igũrũ rĩgiĩ kũhingia mĩĩhĩtwa.

Thuthuria ũhoro ũrĩa ũthiũrũrũkĩirie. Aisiraeli ehokeku moonaga atĩa mĩĩhĩtwa ĩrĩa meehĩtaga harĩ Jehova? (Ndar. 30:2) Jefitha na mũirĩtu wake moonanirie atĩa atĩ maarĩ na wĩtĩkio harĩ Jehova?—Atiir. 11:​9-11, 19-24, 36.

Rikĩra makĩria. Jefitha eerĩire Jehova ũndũ ũrĩkũ, na eendaga kuuga atĩa? (w16.04 7 kĩb. 12) Nĩ maũndũ marĩkũ Jefitha na mũirĩtu wake meeimire nĩguo mahingie mwĩhĩtwa ũcio? (w16.04 7-8 kĩb. 14-16) Nĩ mĩĩhĩtwa ta ĩrĩkũ Mũkristiano angĩĩhĩta ũmũthĩ?—w17.04 5-8 kĩb. 10-19.

Wĩcũranie maũndũ marĩa weruta. Wĩyũrie:

• ‘Nĩ kĩĩ kĩngĩndeithia gũtũũria mwĩhĩtwa wakwa wa kwĩyamũrĩra Jehova?’ (w20.03 13 kĩb. 20)

• ‘Nĩ maũndũ marĩkũ ingĩima nĩguo ndungatĩre Jehova makĩria?’

• ‘Nĩ kĩĩ kĩngĩndeithia gũthiĩ na mbere gũtũũria mwĩhĩtwa wakwa wa kĩhiko?’ (Mat. 19:​5, 6; Ef. 5:​28-33)