Jesus okwa popya eenghatu odo wa pumbwa okukatuka opo u ninge Ondombwedi yaJehova muMateus 28:19, 20. Omushangwa oo owa popya osho omunhu a pumbwa okuninga opo a ninge omuhongwa waKristus, osho osha kwatela mo okupopya ile okuyandja oundombwedi kombinga yaJehova.

 Onghatu 1: Shiiva osho Ombiibeli tai hongo. Jesus okwa lombwela ovashikuli vaye va ka ‘ninge ovanhu ovalongwa, noku va honga.’ (Mateus 28:19, 20) Omunhu ngeenge omuhongwa, osha yela kutya oku na okukala ha hongwa. Ombiibeli oi na omayele ta kwafa, ngaashi omahongo aJesus otae ku kwafele u kale wa hafa nowa wanenwa. (2 Timoteus 3:16, 17) Ohatu ka kala twa hafa oku ku kwafela u lihonge osho Ombiibeli tai hongo; nonghedi oyo ohai ifanwa ekonakonombiibeli loshali. — Mateus 10:7, 8; 1 Ovatessaloniki 2:13.

 Onghatu 2: Tula moilonga osho to lihongo. Jesus okwa ti ovo ve lihonga ove na yo okukala hava ‘diinine ashishe osho e va lombwela.’ (Mateus 28:20) Osho osha hala kutya ekonakonombiibeli loye kali fi ashike oshinima shongahenya, ndele otali ke ku kwafela u lundulule okudiladila nomikalo doye. (Oilonga 10:42; Ovaefeso 4:22-29; Ovaheberi 10:24, 25) Ovo hava diinine omalombwelo aJesus ohashi ve linyengifa ve liyapulile Jehova onghalamwenyo vayo, ashike osho oshi li etokolo lomunhu mwene. — Mateus 16:24.

 Onghatu 3: Okuninginifwa. (Mateus 28:19) Mombiibeli, eninginifo ola yelekanifwa nepako. (Yelekanifa nOvaroma 6:2-4.) Eninginifo oli li edidiliko kutya owa efa po onghedi yoye ikulu yokukalamwenyo nokuhovela nonghalamwenyo ipe. Ou na okuninginifwa moipafi yovanhu konima eshi wa wanifa po onghatu yotete nonhivali odo da popiwa kuJesus nokupula Kalunga e ku pe eliudo la koshoka. — Ovaheberi 9:14; 1 Petrus 3:21.

 Popya novakulunhuongalo. Otava ka kundafana naave opo va shilipaleke kutya ou udite ko osho sha kwatelwa mo, ngeenge oto tula moilonga osho we lihonga nowe liyapulila Kalunga okupita meilikano. — Oilonga 20:28; 1 Petrus 5:1-3.

 Heeno. Ohatu tekula ounona vetu ‘meduliko nomekumaido lOmwene,’ ngaashi ashike Ombiibeli ye tu lombwela. (Ovaefeso 6:4) Eshi tava kulu, ove na okuninga omatokolo avo vene, okutambula ko nokutula moilonga osho ve lihonga mOmbiibeli fimbo inava wana okuningifwa. (Ovaroma 12:2) Xuuninwa, keshe umwe oku na okuninga etokolo laye mwene ngeenge okwa hala okulongela Kalunga ile hasho. — Ovaroma 14:12; Ovagalati 6:5.