Omapulo opambibeli a nyamukulwa
Ohatu dulu ngoo okukala mounyuni muhe na oluhepo?
Ongahelipi Kalunga ta ka eta ounyuni u he na oluhepo? — Mateus 6:9, 10.
Omudo keshe, ovanhu omamiliyona ohava fi komanyutu nokomikifi omolwoluhepo linene. Nonande oitukulwa imwe mounyuni oya hepuluka, ihapu oyo hai kala ovanhu oya hepa neenghono. Ombibeli oya ulika kutya oluhepo oupyakadi oo wa li tau ka twikila mokati kovanhu. — Lesha Johannes 12:8.
Opo oluhepo li xulifwe po, opa pumbiwa epangelo lomounyuni aushe. Epangelo olo oli na okukala li na eenghono dokutukula oyuuyemo younyuni pauyuki nokuxulifa po oita oyo unene hai eta oluhepo. Kalunga okwa udaneka kutya ota ka eta epangelo la tya ngaho. — Lesha Daniel 2:44.
Olyelye ta dulu okuxulifa po oluhepo?
Kalunga okwa hoolola Omona waye, Jesus, opo a pangele ovanhu aveshe. (Epsalme 2:4-8) Jesus ota ka xupifa epongo, okuxulifa po mafininiko nelongifo leenghono. — Lesha Epsalme 72:8, 12-14.
Ngaashi sha xunganekwa “Ohamba yombili,” Jesus, ota ka eta ounyuni wombili nowa amenwa. Opo nee aveshe ovo tava ka kala kombada yedu otava ka kala momaumbo avo vene, tava hafele oilonga ishambula nokukala nelooloo loikulya. — Lesha Jesaja 9:5, 6; 65:21-23.
