سالونيكالىقتارعا 1-حات 4:1—18
4 باۋىرلاستار، ٴبىز سەندەرگە قالاي ٴجۇرىپ-تۇرۋلارىڭ كەرەكتىگىن جانە قۇدايعا ۇنامدى بولۋدى ۇيرەتكەن ەدىك+، سەندەر سوعان ساي ارەكەت ەتىپ جۇرسىڭدەر. ەندى يەمىز يسانىڭ اتىنان وسى جاعىنان ٵرى قاراي دا جاقسارا بەرۋگە شاقىرىپ ٵرى ٶتىنىپ وتىرمىز.
2 ويتكەنى يەمىز يسانىڭ اتىنان وزدەرىڭە قانداي بۇيرىقتار بەرگەنىمىزدى بىلەسىڭدەر.
3 قۇداي سەندەردىڭ قاسيەتتى بولعاندارىڭدى قالايدى+، سوندىقتان ازعىندىقتان* اۋلاق بولىڭدار+؛
4 ٴارقايسىسىڭ ٶز ٴتانىڭدى* قاسيەتتى ساقتاپ+، قادىرلەپ، جۇگەندەي بىلىڭدەر+،
5 قۇدايدى بىلمەيتىن حالىقتار سياقتى+ اشكوزدىككە، ٴناپسىقۇمارلىققا سالىنباڭدار+.
6 ەشكىم شەكتەن شىعىپ، بۇل ماسەلەدە پايداكۇنەمدىكپەن باۋىرلاسىنا زياندىق جاساماسىن! سەبەبى سەندەرگە الدىن الا ايتىپ، قاتاڭ ەسكەرتكەنىمىزدەي، ەحوبا مۇنداي كۇنالاردىڭ ٴبارى ٷشىن جازالايدى.
7 قۇداي ٴبىزدى ارام ىستەرمەن اينالىسۋعا ەمەس، كيەلى بولۋعا شاقىردى+.
8 سوندىقتان مۇنى ەلەمەيتىن كىسى ادامدى ەمەس، سەندەرگە كيەلى رۋحىن بەرەتىن+ قۇدايدى ەلەمەيدى+.
9 ال باۋىرلاستارعا دەگەن سۇيىسپەنشىلىك+ تۋرالى سەندەرگە جازۋدىڭ دا قاجەتى جوق، ويتكەنى ٴبىر-ٴبىرىڭدى ٴسۇيۋدى سەندەرگە قۇداي ۇيرەتىپ جاتىر عوي+.
10 ٴيا، سەندەر بۇكىل ماكەدونياداعى بارلىق باۋىرلاستارعا سۇيىسپەنشىلىك كورسەتىپ جۇرسىڭدەر. ٴبىراق، باۋىرلاستار، ٴبىز سەندەردى وسى جاعىنان ٵرى قاراي دا جاقسارا بەرۋگە شاقىرامىز.
11 وزدەرىڭە بۇيىرعانىمىزداي، تىنىش ٶمىر ٴسۇرىپ+، وزگەنىڭ ىسىنە ارالاسپاي+، ٶز قولدارىڭمەن ەڭبەك ەتۋدى ماقسات ەتىڭدەر+.
12 وزگە جۇرتتىڭ الدىندا ادەپتى ٶمىر سۇرۋلەرىڭ+ جانە ەش مۇقتاجدىق كورمەۋلەرىڭ ٷشىن وسىلاي ەتىڭدەر.
13 باۋىرلاستار، ٷمىتى جوق باسقالار سياقتى قايعىرماۋلارىڭ ٷشىن، سەندەردى ٶلىم ۇيقىسىندا جاتقاندار+ تۋرالى دا بەيحابار قالدىرعىمىز كەلمەيدى+.
14 يسانىڭ ٶلىپ، قايتا تىرىلگەنىنە سەنسەك+، ونىڭ جولىندا ٶلىم ۇيقىسىنا كەتكەندەرگە ونىمەن بىرگە بولۋ ٷشىن قۇدايدىڭ ٶمىر بەرەتىنىنە دە سەنەمىز+.
15 ٴبىز ەحوبانىڭ سوزىنە ساي مىنانى ايتامىز: يەمىز وسىندا بولاتىن كەزدە ٵلى ٴتىرى جۇرەتىندەرىمىز ٶلىم ۇيقىسىنا كەتكەندەردەن ەش وزبايمىز.
16 سەبەبى يەمىزدىڭ ٶزى كوكتەن باس پەرىشتەنىڭ+ داۋسىمەن بۇيرىق بەرىپ، قۇدايدىڭ كەرنەيىمەن تۇسەدى، سوندا ٴماسىح جولىندا ولگەندەر ٴبىرىنشى بولىپ تىرىلەدى+.
17 سوسىن ٴبىز — ٴتىرى جۇرگەندەر — سولارمەن بىرگە يەمىزبەن اۋادا كەزدەسۋ+ ٷشىن بۇلت ىشىندە اكەتىلەمىز+، ٴسۇيتىپ، ۇنەمى يەمىزبەن بىرگە بولامىز+.
18 ەندەشە ٴبىر-ٴبىرىڭدى ٵردايىم وسى سوزدەرمەن جۇباتىڭدار.
