شەجىرەلەر 2-جازبا 6:1—42
6 سوندا سۇلەيمەن: «ەحوبا، قارا بۇلت ىشىندە مەكەندەيتىنىڭدى ٶزىڭ ايتقان ەدىڭ+.
2 مىنە، مەن ساعان ارناپ سالتاناتتى ٷي، ٶزىڭ ماڭگى تۇراتىن مىزعىمايتىن تۇراق سالدىم+»،— دەدى.
3 سوسىن پاتشا حالىققا بۇرىلىپ، الدىندا تۇرعان كۇللى يسرايل قاۋىمىنا باتاسىن بەردى+.
4 ول بىلاي دەدى: «اكەم داۋىتكە ٶز اۋزىمەن ۋادە بەرىپ، ونى ٶز قولىمەن ورىنداعان يسرايلدىڭ قۇدايى ەحوبا ماداقتالسىن!
5 ول: —حالقىم يسرايلدى مىسىردان الىپ شىققان كۇننەن باستاپ ٶز ەسىمىم+ ورنىعۋ ٷشىن كيەلى ٷي سالىنسىن دەپ، يسرايل رۋلارىنىڭ ەشبىر قالاسىن تاڭداعان جوقپىن. حالقىم يسرايلدى باسقارۋعا دا ەشكىمدى تاڭداماعان ەدىم.
6 ٴبىراق ەندى ەسىمىم سوندا ورنىقسىن دەپ يەرۋساليمدى+، ال حالقىم يسرايلدى باسقارۋعا ٴداۋىتتى تاڭدادىم+،— دەگەن ەدى.
7 اكەم ٴداۋىت يسرايلدىڭ قۇدايى ەحوبانىڭ ەسىمىنە ارناپ كيەلى ٷي سالۋدى بار جۇرەگىمەن قالادى+.
8 ال ەحوبا وعان: —مەنىڭ ەسىمىمە ارناپ ٷي سالۋدى بار جۇرەگىڭمەن قالايدى ەكەنسىڭ. مۇنىڭ وتە جاقسى.
9 ٴبىراق ونى سالاتىن ادام — سەن ەمەسسىڭ. مەنىڭ ەسىمىمە ارنالعان ٷيدى سەنىڭ بەل بالاڭ سالادى+،— دەدى.
10 ەحوبا وسى سوزدەرىن جۇزەگە اسىردى: مەن اكەم ٴداۋىتتىڭ ورنىن باسىپ، ەحوبانىڭ ۋادەسىنە ساي+، يسرايلدىڭ تاعىنا وتىردىم+؛ يسرايلدىڭ قۇدايى ەحوبانىڭ ەسىمىنە ارناپ ٷي سالدىم؛
11 ونىڭ ىشىنە كەلىسىم ساندىعىن قويدىم. ال ساندىقتا ەحوبانىڭ يسرايل حالقىمەن جاساسقان كەلىسىمى جازىلعان ەكى تاقتاشا+ ساقتاۋلى تۇر».
12 بۇدان كەيىن سۇلەيمەن ەحوبانىڭ قۇرباندىق وشاعىنىڭ الدىنا كەلىپ تۇردى دا، كۇللى يسرايل قاۋىمىنىڭ كوز الدىندا قولىن جايدى+.
13 (سۇلەيمەن ۇزىندىعى مەن ەنى بەس، ال بيىكتىگى ٷش شىنتاق* مىس مىنبە جاساپ، ونى اۋلانىڭ+ ورتاسىنا قويعان ەدى؛ پاتشا سول مىنبەدە تۇردى.) سۇلەيمەن كۇللى يسرايل قاۋىمىنىڭ الدىندا تىزەرلەپ تۇردى دا، قولىن كوككە قاراي جايىپ+،
14 بىلاي دەدى: «ۋا، يسرايلدىڭ قۇدايى ەحوبا، جەر مەن كوكتە ساعان تەڭ كەلەر قۇداي جوق! سەن كەلىسىمىڭە ادالسىڭ، ٵرى وزىڭە بار جۇرەگىمەن قىزمەت ەتىپ جۇرگەندەرگە اينىماس سۇيىسپەنشىلىك تانىتاسىڭ+.
15 سەن ٶز قىزمەتشىڭ — مەنىڭ اكەم داۋىتكە بەرگەن ۋادەڭنەن تايمادىڭ+. ٶز اۋزىڭمەن ۋادە ەتكەن ەدىڭ، بۇگىن سونى ٶز قولىڭمەن جۇزەگە اسىردىڭ+.
16 ال ەندى، يسرايلدىڭ قۇدايى ەحوبا، قىزمەتشىڭ داۋىتكە «ەگەر ۇلدارىڭ الدىمدا سەن سياقتى، باسقان قادامدارىنا مۇقيات بولىپ جۇرسە، وندا يسرايل تاعىندا ٵردايىم سەنىڭ ۇرپاعىڭ وتىراتىن بولادى»+ دەپ بەرگەن ۋادەڭدى ورىنداي كور+.
17 ۋا، يسرايلدىڭ قۇدايى ەحوبا، ەندى ٶز قىزمەتشىڭ داۋىتكە بەرگەن ۋادەڭدى جۇزەگە اسىرا كورشى.
18 ٴبىراق قۇداي شىنىمەن-اق جەر بەتىندە ادامدارمەن بىرگە تۇراتىن با ەدى+؟ سەنى كوكتىڭ ٶزى، ٴتىپتى كوكتەردىڭ كوگى سيعىزا الماعاندا+، مەن سالعان مىنا ٷي قالاي سيعىزسىن+؟!
19 ۋا، قۇدايىم ەحوبا، قىزمەتشىڭنىڭ دۇعاسى مەن ىقىلاسىڭدى ٴتۇسىرۋدى سۇراعان وتىنىشىنە قۇلاق اسىپ، الدىڭدا تۇرىپ جالبارىنعان ٷنى مەن ٴمىناجاتىن ەستي كور.
20 «مەنىڭ ەسىمىم سول جەردە بولادى»+ دەگەن سوزىڭە ساي، كۇندىز-ٴتۇنى وسى ۇيگە كوز قىرىڭدى سالىپ، قىزمەتشىڭنىڭ وسى جەرگە قاراپ ايتقان دۇعاسىنا قۇلاق اسساڭ ەكەن.
21 قىزمەتشىڭ مەن حالقىڭ يسرايل جۇزدەرىن وسى جەرگە بۇرىپ، كومەك سۇراپ وتىنگەندە، نازار سالعايسىڭ+. كوكتەگى تۇراعىڭنان ەستىگەيسىڭ+. ٴيا، بىزگە قۇلاق سالىپ، كەشىرە كور+.
22 ەگەر بىرەۋ وزگەگە قارسى كۇنا جاساپ قويعاندىقتان انت بەرسە*، ٵرى بەرگەن انتىن ورىنداۋعا تۋرا كەلسە، سودان انتپەن بايلانعان ول وسى ۇيدەگى قۇرباندىق وشاعىڭنىڭ الدىنا كەلسە+،
23 كوكتەن قۇلاق اسىپ، قىزمەتشىلەرىڭە تورەلىك ەتشى: زۇلىمنىڭ ٸسىن ٶز باسىنا كەلتىرە كور+، ال ٵدىلدى كىناسىز دەپ تاۋىپ، ادىلدىگىنە ساي قارىمتاسىن بەرە كور+.
24 حالقىڭ يسرايل ساعان قارسى كۇنا جاساي بەرگەندىكتەن جاۋلارىنان جەڭىلىپ قالعاندا+، وزىڭە قايتا ورالىپ، ەسىمىڭدى ماداقتاسا+، ٵرى الدىڭدا تۇرىپ، وسى ۇيدە وزىڭە دۇعا ەتىپ+، ىقىلاسىڭدى ٴتۇسىرۋدى جالبارىنا سۇراسا+،
25 ولاردى كوكتەن ەستىگەيسىڭ+. كۇنالارىن كەشىرىپ، حالقىڭ يسرايلدى ٶزىڭ سولارعا جانە اتا-بابالارىنا سيلاعان جەرگە قايتارعايسىڭ+.
26 حالقىڭ ساعان قارسى كۇنا جاساي بەرگەندىكتەن+، جاڭبىر جاۋعىزباي اسپاندى جاۋىپ قويعانىڭدا+، ولار وسى جەرگە قاراپ دۇعا ەتىپ، ەسىمىڭدى ماداقتاسا، ٵرى ٶزىڭ جۋاسىتقاندىقتان، كۇنا جاساۋدى دوعارسا+،
27 كوكتەن ولارعا قۇلاق اسا كور. قىزمەتشىلەرىڭنىڭ، حالقىڭ يسرايلدىڭ، كۇنالارىن كەشىرىپ، جۇرۋلەرى ٴتيىس اق جولمەن قالاي ٴجۇرۋدى ٶزىڭ ۇيرەتە كور+؛ مۇرالى يەلىك رەتىندە ٶز حالقىڭا بەرگەن جەرىڭە جاڭبىر جاۋعىزا كور+.
28 وسى جەر قانداي پالەگە ۇشىراپ، قانداي اۋرۋعا شالدىقپاسىن+ — مەيلى، اشتىق+ نە ىندەت+ جايلاسىن، اپتاپ جەل تۇرسىن، ەگىن كوگەرىپ ٴشىرىسىن+، كوشپەلى شەگىرتكە نە وبىر شەگىرتكە باسىپ كەتسىن+، قالالارى جاۋ قورشاۋىندا قالسىن+ —
29 الدەكىم نە كۇللى يسرايل حالقى قانداي دا ٴبىر ماسەلەمەن ساعان دۇعا ەتسە+ ياكي ىقىلاسىڭدى ٴتۇسىرۋدى ٶتىنىپ+ (سەبەبى اركىمنىڭ ٶز باقىتسىزدىعى مەن ازابى وزىنە ايان+)، وسى ۇيگە قاراي قولىن جايسا+،
30 ولاردى كوكتەن، ٶز تۇراعىڭنان+، ەستي كور. ولاردى كەشىرە كور+، ٴارقايسىسىنا ىسىنە ساي قارىمتاسىن قايتارا كور، ويتكەنى سەن ولاردىڭ جۇرەكتەرىندە نە بارىن بىلەسىڭ (ٵر ادامنىڭ جۇرەگىندە نە بارى وزىڭە عانا ايان عوي+).
31 سوندا ولار ٶزىڭ اتا-بابامىزعا بەرگەن وسى جەردە تۇرىپ جاتقان كەزدەرىنىڭ بارىندە سەنىڭ جولدارىڭمەن جۇرەتىن ٵرى سەنەن قورقاتىن بولادى.
32 سونداي-اق حالقىڭ يسرايلگە جاتپايتىن جاتجەرلىك بىرەۋ سەنىڭ ۇلى ەسىمىڭ تۋرالى جانە كومەكتەسۋ ٷشىن سوزىپ تۇرعان قۇدىرەتتى قولىڭ تۋرالى ەستىپ، شالعاي جەردەن كەلسە+، ٵرى وسى ۇيگە قاراپ دۇعا ەتسە+،
33 كوكتەن، ٶز تۇراعىڭنان، جاتجەرلىك كىسىنى ەستىپ، تىلەكتەرىنىڭ ٴبارىن ورىنداي كور. سوندا جەرجۇزىندەگى كۇللى حالىقتار سەنىڭ ەسىمىڭدى ٴبىلىپ+، ٶز حالقىڭ يسرايل سياقتى سەنەن قورقاتىن بولادى جانە مەن سوققان مىنا ٷيدىڭ سەنىڭ ەسىمىڭمەن اتالاتىنىن بىلەتىن بولادى.
34 حالقىڭ ٶزىڭ جىبەرگەن جولمەن دۇشپاندارىمەن سوعىسۋعا اتتانعاندا+، ٶزىڭ تاڭداپ العان قالاعا جانە مەن سەنىڭ ەسىمىڭە ارناپ سوققان وسى ۇيگە قاراپ وزىڭە سيىنسا+،
35 كوكتەن ولاردىڭ دۇعالارى مەن ىقىلاسىڭدى ٴتۇسىرۋدى سۇراعان وتىنىشتەرىن ەستىپ، ادىلدىك ورناتا كور+.
36 ولار ساعان قارسى كۇنا جاساعاندىقتان (ويتكەنى كۇنا جاسامايتىن ادام جوق+)، سەن قاھارلانىپ، ولاردى جاۋ قولىنا بەرگەنىڭدە، جاۋ ولاردى الىس نە جاقىن ٴبىر ەلگە تۇتقىنعا اكەتسە+،
37 ولار سول ەلدە ٴجۇرىپ ەستەرىن جيىپ، وزىڭە بەت بۇرىپ: —ٴبىز كۇناعا باتتىق، قاتەلەسىپ، زۇلىم ىستەر جاسادىق،— دەپ، ىقىلاسىڭدى ٴتۇسىرۋدى سۇراپ جالبارىنسا+
38 جانە تۇتقىندا جۇرگەن ەلدە+ ساعان بار جۇرەكتەرىمەن+، بار جان-تاندەرىمەن بەت بۇرىپ، ٶزىڭ اتا-بابالارىنا بەرگەن جەرگە جانە ٶزىڭ تاڭداپ العان قالاعا، سونداي-اق مەن سەنىڭ ەسىمىڭە ارناپ سوققان وسى ۇيگە قاراپ دۇعا ەتسە+،
39 كوكتەن، ٶز تۇراعىڭنان، ولاردىڭ دۇعالارى مەن ىقىلاسىڭدى ٴتۇسىرۋدى سۇراعان وتىنىشتەرىن ەستىپ، ادىلدىك ورناتا كور+. ساعان قارسى جاساعان كۇنالارى مەن بارلىق قىلمىستارىن كەشىرە كور.
40 ال ەندى، ۋا، قۇدايىم، وسى جەردە دۇعا ايتىلعاندا، كوز قىرىڭدى سالىپ، قۇلاق تۇرە كورشى+!
41 ۋا، ەحوبا قۇداي، ەندى تۇراعىڭا+ كوتەرىلشى، كۇشىڭدى بەينەلەيتىن ساندىعىڭ دا سوندا بولسىنشى. ۋا، ەحوبا قۇداي، لايىم ٴدىني قىزمەتكەرلەرىڭ قۇتقارىلۋدىڭ سەنەن كەلەتىنىن پاش ەتسىن، لايىم ادال قىزمەتشىلەرىڭ ىزگىلىگىڭە قۋانسىن+.
42 ۋا، ەحوبا قۇداي، مايلانعانىڭنان باس تارتا كورمە+. قىزمەتشىڭ داۋىتكە دەگەن اينىماس سۇيىسپەنشىلىگىڭدى ۇمىتا كورمە+».
سىلتەمەلەر
^ 1 شىنتاق 5.44 سانتيمەترگە تەڭ. B14 قوسىمشاسىن قاراڭىز.
^ نەمەسە «جابىرلەنۋشى وعان انت-سۋ ىشكىزىپ قارعانتسا». انت-سۋ ٸشىپ قارعانعان ادام جالعان انت بەرگەن بولسا نە انتىن ورىنداماسا، قارعانىپ ايتقان سوزدەرى جۇزەگە اساتىن بولعان.
