فىلىپىلىكتەرگە 4:1—23
4 سونىمەن، باۋىرلاستارىم، سەندەردى جاقسى كورەمىن، ساعىنىپ تا ٴجۇرمىن. مەنىڭ قۋانىشىم ٵرى ٴتاجىم سەندەرسىڭدەر+. قىمباتتىلارىم، جاڭا عانا ايتىپ كەتكەنىمدەي، يەمىزبەن بايلانىستارىڭدا بەرىك تۇرىڭدار+!
2 ەۋوديانى دا، سينتيحەنى دە يەمىزدىڭ جولىندا جۇرگەندەر رەتىندە ٴبىر ويدا بولۋعا شاقىرامىن+.
3 ٴيا، ٶزىمنىڭ ادال سەرىكتەسىم رەتىندە سەنەن دە وتىنەمىن، سول ايەلدەرگە كومەكتەسشى. ولار كلەمەنت جانە ەسىمدەرى ٶمىر كىتابىنا جازىلعان+ باسقا دا قىزمەتتەستەرىممەن قوسىلا، مەنىمەن بىرگە ىزگى حابار ٷشىن يىق تىرەسە كۇرەستى.
4 ٵردايىم يەمىزگە قۋانىڭدار! تاعى دا ايتامىن، قۋانىڭدار+!
5 سەندەردىڭ ەستى* ەكەندەرىڭدى+ جۇرتتىڭ ٴبارى كورەتىن بولسىن. يەمىز جاقىن.
6 ەش نارسەنى ۋايىمداماڭدار+، بارلىق وتىنىشتەرىڭدى دۇعا ەتىپ، جالبارىنىپ، ريزاشىلىقپەن قۇدايعا بىلدىرىڭدەر+.
7 سوندا قۇدايدىڭ ادام اقىلىنان اسقان تىنىشتىعى+ جۇرەكتەرىڭ+ مەن وي-سانالارىڭدى ٴماسىح يسا ارقىلى ساقتايدى.
8 سونىمەن، باۋىرلاستارىم، كۇللى شىنايى دا كوڭىل قويۋعا لايىق، ٵدىل دە تازا، سۇيىسپەنشىلىك وياتاتىن، جىلى لەبىز ايتىلاتىن، يگى ٵرى ماقتاۋعا تۇراتىن نارسەلەر جونىندە ۇنەمى ويلانىڭدار+.
9 مەنەن نەنى ۇيرەنىپ، نەنى قابىلداساڭدار، نەنى ەستىپ، نەنى كورسەڭدەر — سونى ىسكە اسىرا بەرىڭدەر+. سوندا تىنىشتىقتىڭ قۇدايى سەندەرگە جار بولادى.
10 تاعى دا مەنىڭ قامىمدى ويلاي باستاعاندارىڭا يەمىزدىڭ قىزمەتشىسى رەتىندە قاتتى قۋانامىن+. سەندەر بۇرىن دا مەنىڭ قامىمدى ويلاعانسىڭدار، ٴبىراق مۇنى كورسەتۋگە مۇمكىندىكتەرىڭ بولمادى.
11 بۇنى مۇقتاجدىق كورگەندىكتەن ايتىپ تۇرعان جوقپىن، مەن قانداي جاعدايدا بولمايىن قولدا بارعا قاناعات ەتۋدى ۇيرەندىم+.
12 مەن جوقشىلىقتا دا+، مولشىلىقتا دا ٶمىر ٴسۇرۋدىڭ نە ەكەنىن بىلەمىن. بارلىق جاعىنان ٵرى بارلىق جاعدايدا توق ٴجۇرۋدىڭ نە اش ٴجۇرۋدىڭ، مولشىلىقتا نە مۇقتاجدىق كورىپ ٶمىر ٴسۇرۋدىڭ قۇپياسىن ٴبىلىپ الدىم.
13 سەبەبى ماعان كۇش-قۋات بەرۋشىنىڭ ارقاسىندا ٴبارىن دە ىستەي الامىن+.
14 سويتسە دە قيىن شاقتا ماعان كومەكتەسىپ، جاقسى ىستەدىڭدەر.
15 فىلىپىلىكتەر، مىنانى دا بىلەسىڭدەر: سەندەر ىزگى حاباردى العاش ەستىگەننەن كەيىن، مەن ماكەدونيا ولكەسىنەن كەتكەنىمدە، وزدەرىڭنەن باسقا ەشبىر قاۋىم ماعان كومەكتەسپەدى، كومەگىمدى دە قابىلدامادى+.
16 سالونيكادا بولعان كەزىمدە دە سەندەر ماعان ەكى رەت قاجەتىمدى جىبەردىڭدەر.
17 جوق، سەندەردەن سي-تارتۋ دامەتىپ وتىرعان جوقپىن، قايتا، يگى ىستەرىڭ كوبەيىپ، مولىنان پايدا كورگەندەرىڭدى قالايمىن.
18 مەندە كەرەگىمنىڭ ٴبارى بار، ٴتىپتى جەتىپ ارتىلادى. ەندى ەشتەڭەگە مۇقتاج ەمەسپىن، ويتكەنى ەپافروديت+ ارقىلى جىبەرگەندەرىڭدى الدىم. ولار حوش ٴيىستى+، قۇدايعا ۇنامدى ٵرى جاعىمدى قۇرباندىق ىسپەتتى.
19 ال زور بايلىقتىڭ يەسى — مەنىڭ قۇدايىم بولسا ٴماسىح يسا ارقىلى سەندەردىڭ قاجەتتەرىڭنىڭ ٴبارىن تولىقتاي قامتاماسىز ەتەدى+.
20 قۇداي اكەمىز ماڭگى باقي داڭقتالا بەرسىن! اۋمين.
21 ٴماسىح يسامەن بايلانىستاعى قاسيەتتىلەردىڭ بارىنە مەنەن سالەم ايتىڭدار. قاسىمداعى باۋىرلاستار دا سەندەرگە سالەم جولداۋدا.
22 بارلىق قاسيەتتىلەر، اسىرەسە پاتشا* سارايىنداعىلار+، سالەم ايتىپ جاتىر.
23 يەمىز يسا ٴماسىحتىڭ راقىمى جاقسى رۋح تانىتىپ جۇرگەن سەندەرمەن بولا بەرسىن!
