ناقىل سوزدەر 10:1—32
10 سۇلەيمەننىڭ ناقىل سوزدەرى+.
اقىلدى بالا — اكەسىنىڭ ٴسۇيىنىشى+،اقىماق بالا — اناسىنىڭ كۇيىنىشى.
2 ارام بايلىقتىڭ ەش پايداسى بولمايدى،ال ادىلدىك ولىمنەن ساقتايدى+.
3 ەحوبا ٵدىل جاندى اش قالدىرمايدى+،ال زۇلىمدارعا اڭساعانىن بەرمەيدى.
4 جالقاۋدىڭ قولى جوقشىلىققا جەتكىزەر+،ىنتالىنىڭ قولى داۋلەتكە كەنەلتەر+.
5 تۇسىنىگى بار ۇل جازدا استىق جينار،ال ارسىز ۇل وراق كەزىندە شىرت ۇيقىدا جاتار+.
6 ٵدىلدىڭ باسىنا باتا قونار+،زۇلىمنىڭ اۋزى زورلىقتى جاسىرار.
7 ٵدىلدىڭ جاقساتى* باتاعا لايىق+،زۇلىمنىڭ بولسا اتى وشەر+.
8 جۇرەگى دانا وسيەتكە قۇلاق اسار+،ٴجون-جوسىقسىز سويلەيتىن زارداپ كورەر+.
9 ٴمىنسىز جۇرگەن قاۋىپسىز جۇرەر+،قيسىق جولعا تۇسكەن اشكەرەلەنەر+.
10 قۋلانا كوز قىساتىن ازاپ شەككىزەر+،ٴجون-جوسىقسىز سويلەيتىن زارداپ كورەر+.
11 ٵدىلدىڭ اۋزى — ٶمىر قاينارى+،زۇلىمنىڭ اۋزى جاسىرار+ زورلىقتى.
12 جەككورۋشىلىك ۇرىس-جانجال تۋدىرار،ال سۇيىسپەنشىلىك بارلىق كۇنانى جابار+.
13 تۇسىنىگى باردىڭ اۋزىنان دانالىق شىعار+،پارىقسىزدىڭ* ارقاسىنان تاياق كەتپەس+.
14 دانا ادام ٴبىلىم جينايدى+،اقىماقتى ٶز ٴتىلى قۇردىمعا كەتىرەدى+.
15 بايدىڭ داۋلەتى — بەكىنىستى قالاسى،جارلىنىڭ جوقشىلىعى — باسىنىڭ سورى+.
16 ٵدىلدىڭ ٸسى ومىرگە باستار،زۇلىمنىڭ تابىسى كۇناعا اپارار+.
17 تاربيەگە دەن قويعان جان ومىرگە جول باستار*،ال تۇزەتۋدى ەلەمەگەن جولدان تايدىرار.
18 جەك كورەتىنىن جاسىرعاننىڭ ٴسوزى جالعان+،بىرەۋدى جامانداپ، ٴسوز تاسيتىن — اقىماق جان.
19 كوپ سويلەگەن كۇنادان قۇتىلمايدى+،اۋزىنا يە بولعان اقىلمەن ارەكەت ەتەدى+.
20 ٵدىلدىڭ ٴتىلى — تازا كۇمىس+،زۇلىمنىڭ جۇرەگى تۇككە تۇرعىسىز.
21 ٵدىلدىڭ اۋزى كوپتى اسىرايدى*+،ناداننىڭ پارىقسىزدىعى تۇبىنە جەتەدى+.
22 ەحوبانىڭ باتاسى ادامدى بايىتادى+،بۇعان ول ەش قايعى-قاسىرەت قوسپايدى.
23 زەردەسىزگە سوراقى* قىلىق — ويىن،پارىقتى ادامعا دانالىق ٴتان+.
24 زۇلىمنىڭ باسىنا قورىققانى كەلەر،ٵدىلدىڭ تىلەگەنى ورىندالار+.
25 داۋىل سوعىپ وتكەندە، زۇلىمنان تۇك قالماس+،ال ٵدىلدىڭ ىرگەتاسى ماڭگى مىزعىماس+.
26 تىسكە تيگەن سىركەسۋ يا كوزگە كىرگەن ٴتۇتىن قانداي بولسا،جالقاۋ دا ٶزىن جۇمساعان ادام ٷشىن سونداي بولار.
27 ەحوبادان قورقۋ عۇمىردى ۇزارتار+،جاماننىڭ ٶمىر جاسى قىسقارتىلار+.
28 ٵدىلدىڭ كۇتكەنى قۋانىشقا بولەر+،زۇلىمنىڭ ٷمىتى بەكەر بولار+.
29 ەحوبانىڭ جولى — كىناراتسىزدار ٷشىن بەرىك قورعان+،ال زۇلىمدىق جاسايتىندار ٷشىن ويران+.
30 ٵدىل جان قۇلاتىلماس+،زۇلىمدار جەر بەتىندە تۇراقتاماس+.
31 ٵدىلدىڭ اۋزىنان دانالىق شىعار،ٴتىلى جاماندار قۇرىپ جوق بولار.
32 ٵدىلدىڭ اۋزىنان جاعىمدى ٴسوز شىعار،زۇلىمنىڭ اۋزىنان شىرىگەن ٴسوز شىعار.
سىلتەمەلەر
^ سوزبە-ٴسوز «ەستەلىگى».
^ سوزبە-ٴسوز «جۇرەگى جوق».
^ مۇمكىن: «ٶمىر جولىندا».
^ نەمەسە «جەتەلەيدى».
^ نەمەسە «ۇياتسىز».
