يشايا 60:1—22
60 «ۋا، ايەل، ورنىڭنان تۇرىپ+، جارقىرا!
سەبەبى نۇرعا بولەنەتىن كەزىڭ كەلدى.
ەحوبانىڭ سالتاناتى ساعان نۇرىن شاشتى+.
2 مىنە، جەر بەتىن قاراڭعىلىق جاۋىپ،ۇلتتاردى قارا تۇنەك باسادى.
ال ساعان ەحوبا نۇرىن شاشادى،سەنەن ونىڭ سالتاناتى كورىنەدى.
3 سەنىڭ ساۋلەڭە ۇلتتار اعىلىپ+،نۇرلى شۇعىلاڭا پاتشالار+ كەلەدى+.
4 ەڭسەڭدى كوتەرىپ، اينالاڭا قارا!
ولار جينالىپ، ساعان كەلە جاتىر.
شالعاي جەرلەردەن ۇلدارىڭ اعىلادى+،قىزدارىڭدى دا الپەشتەپ كوتەرىپ اكەلەدى+.
5 مۇنى كورگەندە، ٴجۇزىڭ جايناپ+،جۇرەگىڭ اتتاي تۋلاپ، شات-شادىمان بولاسىڭ.
ويتكەنى تەڭىزدىڭ بايلىعى ساعان اعىلادى،ۇلتتاردىڭ قازىنالارى سەنىكى بولادى+.
6 جەرىڭدى ٷيىر-ٷيىر تۇيە،ماديان مەن ەفا+ ەلىنىڭ تايلاقتارى قاپتايدى.
شەبا تۇرعىندارىنىڭ ٴبارى كەلەدى.
ولار ساعان التىن مەن لادان اكەلەدى.
ەل الدىندا ەحوبانى دارىپتەيدى+.
7 كەداردىڭ+ كۇللى وتارلارى ساعان كەلەدى،نابايوتتىڭ+ قوشقارلارى قىزمەت ەتەدى.
ولار قۇرباندىق وشاعىما كوتەرىلگەندە، ماعان ۇنامدى بولادى+،وسىلاي مەن سالتاناتتى ٷيىمدى كوركەيتەمىن+.
8 بۇلتتاي قاپتاپ،كەپتەرحاناسىنا ۇشىپ كەلە جاتقان كەپتەرلەردەي بۇلار كىمدەر؟
9 ارالدار ماعان ٷمىت ارتادى+،تارسيس كەمەلەرى ٴبىرىنشى بولىپ كەلەدى،التىن-كۇمىستەرىمەن قوسا، شالعايدان ۇلدارىڭدى اكەلەدى+.
ولار ەحوبانىڭ، يسرايلدىڭ كيەلى قۇدايىنىڭ ەسىمىن دارىپتەۋ ٷشىن كەلەدى.
ويتكەنى ول سەنى ۇلىلىققا بولەيدى+.
10 دۋالدارىڭدى جاتجەرلىكتەر تۇرعىزادى،پاتشالارى دا ساعان قىزمەت ەتەتىن بولادى+.
قاھارلانىپ، سەنى جازالاعان ەدىم،ەندى ىقىلاسىمدى ٴتۇسىرىپ، مەيىرىم تانىتامىن+.
11 قاقپالارىڭ كۇنى-ٴتۇنى جابىلماي، ٵردايىم اشىق تۇرادى+.
سولار ارقىلى ۇلتتار قازىنالارىن الىپ كىرەدى،ولاردى پاتشالارى باستاپ جۇرەدى+.
12 ال ساعان قىزمەت ەتپەيتىن ۇلت پەن پاتشالىق اتاۋلى قۇرىپ كەتەدى.
مۇنداي ۇلتتار مۇلدەم جويىلادى+.
13 ساعان ليۆاننىڭ باعالى اعاشتارى —ارشا، شاعان مەن كيپاريس بىرگە تاسىلادى+.
سولارمەن مەنىڭ عيباداتحانام كوركەمدەلەدى؛مەن تابان تىرەنىشىمدى سالتاناتقا بولەيمىن+.
14 ساعان قىسىم كورسەتكەندەردىڭ ۇلدارى الدىڭا كەلىپ، باس ۇرادى.
قورلىق كورسەتكەندەر اياعىڭا جىعىلادى.
ولار سەنى ەحوبانىڭ قالاسى،يسرايلدىڭ كيەلى قۇدايىنىڭ سيونى دەپ اتايدى+.
15 سەن تاستالىپ، جەككورىنىشتى بولىپ ەڭ، سەن ارقىلى ەشكىم وتپەيتىن+.
ەندى مەن سەنى ماڭگىلىك ماقتان تۇتاتىن،ۇرپاقتان ۇرپاققا قۋانىش سيلايتىن جەرگە اينالدىرامىن+.
16 سەن ۇلتتاردىڭ ٴسۇتىن ەمىپ+،پاتشالاردىڭ ٴتوسىن سوراسىڭ+.
سوندا مەنىڭ، ەحوبانىڭ، قۇتقارۋشىڭ ەكەنىن،جاقىپتىڭ قۇدىرەتتى قۇدايى قۇنىڭدى وتەۋشى ەكەنىن بىلەتىن بولاسىڭ+.
17 مەن ساعان مىس ورنىنا التىن،تەمىر ورنىنا كۇمىس،اعاش ورنىنا مىس،ال تاس ورنىنا تەمىر اكەلەتىن بولامىن.
تىنىشتىقتى باقىلاۋشىڭ، ادىلدىكتى جەتەكشىڭ ەتىپ تاعايىندايمىن+.
18 بۇدان بىلاي ەلىڭدە زورلىق-زومبىلىق جايلى،جەرىڭدە قيراتىلۋ مەن تالقاندالۋ جايلى ەستىمەيسىڭ+.
قايتا، دۋالدارىڭدى «قۇتقارىلۋ»+، قاقپالارىڭدى «داڭق» دەپ اتايتىن بولاسىڭ.
19 بۇدان بىلاي ساعان كۇندىز كۇن نۇرىن شاشپايدى،تۇندە اي ساۋلەسىن توكپەيدى.
سەبەبى ەحوبانىڭ ٶزى ماڭگىلىك نۇرىڭ+،قۇدايىڭنىڭ ٶزى كوركىڭ بولادى+.
20 كۇنىڭ بۇدان بىلاي باتپايدى،ايىڭ دا كەمىمەيدى.
سەبەبى ەحوبانىڭ ٶزى ماڭگىلىك نۇرىڭ بولادى+،قايعىرعان كۇندەرىڭ اياقتالادى+.
21 كۇللى حالقىڭ ٵدىل بولىپ،وسى جەردى ماڭگى يەلىككە الادى.
ولار ٶزىم وتىرعىزعان وركەن،ماعان كورىك بەرەتىن، ٶز قولىمنىڭ جاراتىلىسى+.
22 ازعانتاي ادامنان مىڭ ادام،كىشكەنتاي حالىقتان مىقتى حالىق شىعادى.
مەن، ەحوبا، ٶز ۋاقىتىندا مۇنى تەزدەتەمىن».
