ەلشىلەردىڭ ىستەرى 5:1—42
-
اناني مەن ٴزاپيرا (1—11)
-
ەلشىلەردىڭ كوپتەگەن بەلگىلەر كورسەتۋى (12—16)
-
تۇتقىندالۋ مەن بوساتىلۋ (17—21ا)
-
تاعى دا جوعارعى كەڭەستىڭ الدىنا اپارىلۋ (21ا—32)
-
«ادامعا ەمەس، قۇدايعا مويىنسۇنۋىمىز كەرەك» (29)
-
-
گاماليەلدىڭ كەڭەسى (33—40)
-
ۇيدەن ۇيگە ۋاعىزداۋ (41، 42)
5 اناني ەسىمدى ٴبىر كىسى ايەلى زاپيرامەن بىرگە مەنشىگىندەگى جەرىن ساتىپ،
2 تۇسكەن اقشانىڭ ٴبىر بولىگىن جاسىرىپ قويدى. ايەلى دە مۇنى ٴبىلدى. اناني قالعان اقشانى ەلشىلەرگە اكەلىپ بەرگەندە+،
3 پەتىر وعان بىلاي دەدى: «اناني، نەگە شايتاننىڭ ىقپالىنا بەرىلدىڭ؟ تاناپتى ساتقاننان تۇسكەن اقشانىڭ ٴبىر بولىگىن جاسىرىپ، كيەلى رۋحقا نەگە وتىرىك+ ايتتىڭ+؟
4 بۇل تاناپ سەنىكى بولاتىن، سوندىقتان ودان تۇسكەن اقشانى قالاي قولدانساڭ دا، ٶز ەركىڭدە ەمەس پە ەدى؟ مۇنداي زۇلىم ىسكە بارۋ قالاي عانا ويىڭا كەلدى؟ سەن ادامدارعا ەمەس، قۇدايدىڭ وزىنە وتىرىك ايتتىڭ».
5 وسىنى ەستي سالا، اناني قۇلاپ ٴتۇسىپ، كوز جۇمدى. مۇنى ەستىگەندەردىڭ ٴبارى قاتتى قورىقتى.
6 سوندا جىگىتتەر ورىندارىنان تۇرىپ، ونى كەبىنگە ورادى دا، اپارىپ جەرلەدى.
7 شامامەن ٷش ساعات وتكەن سوڭ، بولعان جايتتان بەيحابار ايەلى كەلدى.
8 پەتىر ودان: «جەردى ساتقاننان تۇسكەن بار اقشا وسى ما، ايتشى؟»— دەپ سۇرادى. «ٴيا، وسى»،— دەدى ول.
9 سوندا پەتىر: «ەكەۋىڭ كەلىسىپ، ەحوبانىڭ رۋحىن نەگە الداماق بولدىڭدار؟ مىنە، كۇيەۋىڭدى جەرلەگەندەر ەسىك الدىندا تۇر، ولار سەنى دە الىپ شىعادى»،— دەدى.
10 سول ساتتە الگى ايەل پەتىردىڭ الدىنا قۇلاپ ٴتۇسىپ، كوز جۇمدى. ىشكە كىرگەن جىگىتتەر ايەلدىڭ ٶلىپ قالعانىن كوردى. ٴسۇيتىپ، ونى الىپ شىعىپ، كۇيەۋىنىڭ جانىنا قويدى.
11 بۇل وقيعادان كەيىن بۇكىل قاۋىمدى جانە وسى جايلى ەستىگەندەردىڭ بارلىعىن قاتتى ۇرەي بيلەدى.
12 ەلشىلەر حالىق اراسىندا كوپتەگەن بەلگىلەر مەن كەرەمەتتەر كورسەتتى+، سونداي-اق سۇلەيمەن باعانالارى دەپ اتالاتىن جەردە+ ٴبىر كىسىدەي جينالىپ ٴجۇردى.
13 كەيبىرەۋلەر ولارعا قوسىلۋعا قورىققانىمەن، جۇرت ولاردى ماداقتاۋمەن بولدى.
14 كوپتەگەن ەرلەر مەن ايەلدەر يەمىزگە سەنىپ، شاكىرتتەردىڭ قاتارىنا قوسىلىپ وتىردى+.
15 پەتىر جاندارىنان وتكەندە، ەڭ بولماعاندا، كولەڭكەسى ٴتۇسسىن دەپ، جۇرت ناۋقاستاردى زەمبىلدەر مەن توسەنىشتەرگە جاتقىزىپ، ۇلكەن كوشەلەردىڭ بويىنا اكەلدى+.
16 يەرۋساليمنىڭ ماڭايىنداعى قالالاردان دا جۇرت اعىلىپ، اۋرۋ جانە جىن قيناعان ادامداردى اكەلىپ جاتتى. سولاردىڭ بىرەۋى دە شەت قالماي ساۋىعىپ كەتتى.
17 الايدا باس ٴدىني قىزمەتكەر مەن ونىڭ قاسىنداعى ساددۋكەيلەر سەكتاسىنىڭ مۇشەلەرى قىزعانىشقا بۋلىعىپ، قارسى كوتەرىلدى.
18 ولار ەلشىلەردى تۇتقىنداپ، قالاداعى تۇرمەگە قامادى+.
19 الايدا ٴتۇن ورتاسىندا ەحوبانىڭ پەرىشتەسى تۇرمە ەسىكتەرىن اشىپ+، ولاردى تىسقا شىعاردى دا:
20 «عيباداتحاناعا بارىپ، حالىققا ماڭگىلىك ٶمىر جايلى ايتۋدى جالعاستىرا بەرىڭدەر»،— دەدى.
21 سودان ولار تاڭ اتا عيباداتحاناعا كىرىپ، ٴتالىم بەرە باستادى.
سول ۋاقىتتا باس ٴدىني قىزمەتكەر مەن ونىڭ قاسىنداعىلار جوعارعى كەڭەستى جانە يسرايلدىڭ بۇكىل اقساقالدار قاۋىمىن جينادى. سوسىن قاماۋدا جاتقان ەلشىلەردى الىپ كەلۋگە ساقشىلاردى جىبەردى.
22 الايدا ولار ەلشىلەردى تاپپاي، قايتا ورالدى دا، بىلاي دەپ ەسەپ بەردى:
23 «تۇرمە قاقپالارى مىقتاپ جابىلعان، اۋزىندا ساقشىلار تۇر. ٴبىراق ىشىنەن ەشكىمدى تاپپادىق».
24 جوعارعى ٴدىني قىزمەتكەرلەر مەن عيباداتحانانىڭ باس ساقشىسى وسىنى ەستىگەندە، ەندى نە بولار ەكەن دەپ، ابدىراپ قالدى.
25 سول كەزدە ٴبىر كىسى كەلىپ: «سىزدەر تۇرمەگە جاپقان ادامدار عيباداتحانادا ٴتالىم بەرىپ ٴجۇر!»— دەپ حابارلادى.
26 سوندا باس ساقشى قاسىنا ادامدارىن ەرتىپ، ەلشىلەردى الىپ كەلدى. ٴبىراق ولارعا كۇش كورسەتپەدى، ويتكەنى حالىق تاسپەن ۇرىپ ولتىرەر دەپ قورىقتى+.
27 ولار ەلشىلەردى جوعارعى كەڭەستىڭ الدىنا اكەلدى. باس ٴدىني قىزمەتكەر ەلشىلەردى تەرگەپ،
28 بىلاي دەدى: «ٴبىز سەندەرگە بۇل كىسىنىڭ اتىنان ٴتالىم بەرمەڭدەر دەپ قاتاڭ ەسكەرتكەن ەدىك قوي+! ال سەندەر تالىمدەرىڭدى بۇكىل يەرۋساليمگە تاراتتىڭدار، ٵرى بۇل كىسىنىڭ قانىن ٴبىزدىڭ موينىمىزعا ارتپاقسىڭدار+!»
29 بۇعان پەتىر مەن وزگە ەلشىلەر بىلاي دەپ جاۋاپ قاتتى: «بيلەۋشى رەتىندە ٴبىرىنشى كەزەكتە ادامعا ەمەس، قۇدايعا مويىنسۇنۋىمىز كەرەك+.
30 اتا-بابالارىمىزدىڭ قۇدايى وزدەرىڭ بورەنەگە ٸلىپ ولتىرگەن يسانى قايتا ٴتىرىلتتى+.
31 قۇداي ونىڭ مارتەبەسىن كوتەرىپ، وڭ جاعىنا وتىرعىزدى+ دا، باس جەتەكشى*+ ٵرى قۇتقارۋشى+ ەتتى. وسىلايشا يسرايل كۇنالارىنا وكىنىپ، كەشىرىمگە يە بولا الادى+.
32 بۇلارعا ٶزىمىز دە، قۇداي وزىنە بيلەۋشى رەتىندە مويىنسۇناتىندارعا بەرگەن كيەلى رۋح+ تا كۋا+».
33 مۇنى ەستىگەندە، ولار اشۋعا ٴمىنىپ، ەلشىلەردى ولتىرگىسى كەلدى.
34 سوندا ەل قۇرمەتىنە بولەنگەن زاڭ* ٴمۇعالىمى، گاماليەل+ ەسىمدى پارىزشىل*، جوعارعى كەڭەستە ورنىنان تۇرىپ، ەلشىلەردى سىرتقا شىعارا تۇرۋدى بۇيىردى.
35 سوسىن بىلاي دەدى: «يسرايلدىكتەر، بۇل كىسىلەرگە نە ىستەگەلى جاتقاندارىڭ تۋرالى جاقسىلاپ ويلانعاندارىڭ ٴجون.
36 وسىدان ٴبىراز ۋاقىت بۇرىن تەۋدا دەگەن كىسى شىعىپ، ٶزىن پايعامبارمىن دەپ جاريالادى. وعان 400 گە جۋىق ادام قوسىلعان ەدى. ٴبىراق ونى ٶلتىرىپ كەتتى، ال سوڭىنان ەرگەندەردىڭ ٴبارى جان-جاققا بىتىراپ، جوق بولدى.
37 بۇدان كەيىن حالىق ساناعى كەزىندە عاليلەيالىق ياھۋدا دەگەن تاعى بىرەۋ شىعىپ، جۇرتتى ەلىكتىردى. الايدا ونىڭ كوزى قۇرىعاندا، سوڭىنان ەرگەندەردىڭ بارلىعى تاراپ كەتتى.
38 سونىمەن، سەندەرگە ايتارىم، بۇل ادامداردى جايىنا قالدىرىڭدار. ويتكەنى بۇل ٴتالىم نە ٸس ادامداردىكى بولسا، قۇرىپ كەتەدى،
39 ال قۇدايدىكى بولسا، مۇنى قۇرتا المايسىڭدار+. بايقاڭدار، قۇدايدىڭ وزىنە قارسىلاسىپ جۇرمەڭدەر+».
40 ولار وسى سوزدەرگە قۇلاق استى. سودان ەلشىلەردى شاقىرتىپ، دۇرە سوقتىردى دا+، بۇدان بىلاي يسانىڭ اتىنان سويلەمەۋدى بۇيىرىپ، بوساتىپ جىبەردى.
41 جوعارعى كەڭەستەن شىققان ەلشىلەر ونىڭ اتى ٷشىن قورلىق كورۋگە لايىق سانالعاندارىنا قۋاندى+.
42 ولار كۇن سايىن عيباداتحانادا، سونداي-اق ۇيدەن ۇيگە ٴجۇرىپ+، ٴماسىح يسا تۋرالى ىزگى حاباردى جاريالاۋدى جانە ٴتالىم بەرۋدى دوعارمادى+.
