كيەلى كىتاپتا تاتۋيروۆكا جايلى نە ايتىلعان؟
كيەلى كىتاپتىڭ جاۋابى
كيەلى كىتاپتا تاتۋيروۆكا جايلى ٴبىر-اق جەردە عانا جازىلعان. مۇسانىڭ 3-جازباسى 19:28 دە: «تەرىلەرىڭە ينەمەن تاڭبا سالماڭدار»،— دەلىنگەن. ويتكەنى سول ۋاقىتتا يسرايلدىكتەردىڭ اينالاسىنداعى حالىقتار قۇدايلارىنىڭ ەسىمدەرى مەن تاڭبالارىن ٶز دەنەلەرىنە سالاتىن. سول حالىقتاردان ەرەكشەلەنۋ ٷشىن، ەحوبا ٶز حالقىنا وسى زاڭدى بەردى (مۇسانىڭ 5-جازباسى 14:2). بۇگىندە ماسىحشىلەر مۇسا زاڭىن ۇستانبايدى، ٴبىراق بۇل زاڭنىڭ استىندا جاتقان پرينسيپ نازار اۋدارۋعا تۇرارلىق.
ٴماسىحشى ٶز دەنەسىنە تاتۋيروۆكا نە بودي-ارت سالدىرعانى دۇرىس پا؟
تومەندە كەلتىرىلگەن كيەلى كىتاپ تارماقتارى وسى سۇراق جايلى وي جۇگىرتۋگە كومەكتەسەدى:
«ايەلدەر ارلەنىپ-ساندەنگەندە... قاراپايىم بولسىن» (تىموتەگە 1-حات 2:9). بۇل جەردەگى پرينسيپ ەر ادامدارعا دا قاتىستى. ٴبىز وزگەلەردىڭ سەزىمىن ەسكەرۋىمىز كەرەك جانە باسقالاردىڭ نازارىن وزىمىزگە اۋدارۋعا تىرىسپاۋىمىز قاجەت.
كەيبىرەۋلەر وزدەرىنىڭ تاۋەلسىز ەكەنىن دالەلدەۋگە تىرىسادى، ال باسقالارى ٶز دەنەلەرىنىڭ قوجايىنى ەكەنىن جاريا ەتكىسى كەلەدى. كيەلى كىتاپ ماسىحشىلەردى مىناعان شاقىرادى: «دەنەلەرىڭدى ٴتىرى، قاسيەتتى، قۇدايعا ۇنامدى قۇرباندىق رەتىندە ۇسىنىڭدار. وسىلاي ەتكەندەرىڭ اقىل-ويلارىڭدى ىسكە قوسىپ اتقارعان قاسيەتتى قىزمەتتەرىڭ بولماق» (ريمدىكتەرگە 12:1). اقىل-ويىڭىزدى ىسكە قوسىپ، نە ٷشىن تاتۋيروۆكا جاساعىڭىز كەلەتىنى جايلى ويلانىپ كورىڭىز. ەگەر ماقساتىڭىز مودادان قالماۋ نەمەسە قانداي دا ٴبىر توپتىڭ مۇشەسى ەكەنىڭىزدى كورسەتۋ بولسا، قالاۋىڭىز بەن سەزىمىڭىز ۋاقىتشا ەكەنىن، ال تاتۋيروۆكا وشپەي قالۋى مۇمكىن ەكەنىن ەستە ۇستاڭىز. نيەتىڭىزدى تەكسەرگەنىڭىز دانا شەشىم قابىلداۋعا كومەكتەسەدى (ناقىل سوزدەر 4:7).
«ىنتالىنىڭ جوسپارلارى تابىسقا جەتەلەر، ال اسىعاتىن ادام جوقشىلىققا ۇشىرار» (ناقىل سوزدەر 21:5). كوبىسى تاتۋيروۆكا جاساعاندا، ۇزاق ويلانىپ جاتپايدى، ٴبىراق ونىڭ سالدارى ۇزاق ۋاقىتقا قالۋى مۇمكىن. بۇل ولاردىڭ وزگەلەرمەن قارىم-قاتىناسىنا جانە جۇمىس تابۋلارىنا اسەر ەتىپ جاتادى. سونىمەن قاتار تاتۋيروۆكانى وشىرۋگە كوپ اقشا كەتەدى جانە بۇل قاتتى اۋىرتادى. زەرتتەۋلەر مەن تاتۋيروۆكانى ٶشىرۋ بيزنەسى دامىپ جاتقانىنا قاراپ، تاتۋيروۆكا جاساعانداردىڭ كوبىسى كەيىنىرەك بۇعان وكىنەتىنىن كورۋگە بولادى.
قىزىقتى بولار مالىمەتتەر
كيەلى كىتاپ. سۇراقتار مەن جاۋاپتار
كيەلى كىتاپتا بويانۋ، اشەكەي تاعۋ جايلى نە ايتىلعان؟
كيەلى جازبالاردا ارلەنىپ-ساندەنۋ ايىپتالا ما؟
قۇرداستارىڭ نە دەيدى؟
سىرت كورىنىس جايلى جاستار نە دەيدى؟
جاستار سىرت كورىنىستەرىن تىم كوپ ۋايىمدايدى. بۇل ماسەلەدە ولارعا ەستىلىكتى جوعالتپاۋعا نە كومەكتەسەدى؟
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.