كيەلى كىتاپ اتلاسى
«جاقسى جەرگە قاراڭدار» — كيەلى كىتاپتى جەكە زەرتتەگەندە، تەرەڭىرەك ۇڭىلۋگە كومەكتەسەتىن اتلاس. كيەلى جازبالاردا كوپتەگەن جەرلەردىڭ، قالالاردىڭ اتاۋلارى كەزدەسەدى. ال «جاقسى جەرگە قاراڭدار» اتلاسىنان سول جەرلەردى تاۋىپ، سوندا ورىن العان وقيعالاردى كوز الدىڭىزعا ەلەستەتە الاسىز. سونداي-اق جەردىڭ گەوگرافيالىق ەرەكشەلىكتەرى سول وقيعالاردىڭ بارىسىنا قالاي اسەر ەتكەنىن دە كورەسىز. وسىلاي كيەلى كىتاپتى وقىپ-زەرتتەۋ ودان دا قىزىقتى بولا تۇسەدى.
«جاقسى جەرگە قاراڭدار» اتلاسىندا كيەلى كىتاپ جازىلعان زامانداعى جەرلەردىڭ ٴتۇرلى-ٴتۇستى كارتالارى مەن سىزبالارى بار. ىشىندەگى دياگراممالار، كومپيۋتەرلىك رەكونسترۋكسيامەن جاسالعان بەينەلەر، تاعى باسقا ماتەريالدار ىزدەنىسىڭىزدى جانداندىرا تۇسەدى.
ماسەلەن، وسى اتلاس ارقىلى نەنى كەڭىرەك تۇسىنۋگە بولادى؟
ىبىرايىمنىڭ، ىسقاقتىڭ، جاقىپتىڭ شەككەن ساپارىن
يسرايل حالقى مىسىردان شىعىپ، ۋادە ەتىلگەن جەرگە دەيىن قانداي جول جۇرگەنىن
ٴيسرايلدىڭ ورنالاسقان جەرى مەن ونىڭ جاۋلارىنىڭ ورنالاسقان جەرىن
يسانىڭ قاي جەرلەردە ۋاعىزداعانىن
كيەلى كىتاپتا ايتىلعان بابىل، گرەكيا، ريم سياقتى يمپەريالاردىڭ قول استىنداعى اۋماقتاردىڭ كولەمىن
بۇل اتلاستى ورىس تىلىندە «كۇزەت مۇناراسىنىڭ ونلاين كىتاپحاناسىنان» تەگىن قولدانا الاسىز.
قىزىقتى بولار مالىمەتتەر
كيەلى كىتاپتى زەرتتەۋ قۇرالدارى
ٵر كۇنگە ارنالعان كيەلى كىتاپ ٷزىندىسى
«كيەلى جازبالاردى كۇندەلىكتى زەرتتەۋ» كىتاپشاسىندا ٵربىر كۇنگە كيەلى كىتاپتان ٴبىر قىسقا ٷزىندى مەن سونى تۇسىندىرەتىن ابزاس بەرىلەدى.
كيەلى كىتاپتى زەرتتەۋ قۇرالدارى
كيەلى كىتاپ ەنسيكلوپەدياسى
«كيەلى جازبالاردى ٴتۇسىنۋ» ەنسيكلوپەدياسىندا مىڭداعان تاقىرىپ تۇسىندىرىلەدى. وندا ادامدار، جەرلەر، وسىمدىكتەر، جانۋارلار، ەلەۋلى وقيعالار مەن كيەلى كىتاپتاعى بەينەلى تىلمەن ايتىلعان تىركەستەر جايلى مالىمەت بار. جۇكتەۋگە بولاتىن نۇسقاسىندا كارتالار، فوتوسۋرەتتەر، سۋرەتتەر، كيەلى كىتاپ تارماقتارى مەن تاقىرىپتارىنىڭ يندەكسى بار.
كيەلى كىتاپتى زەرتتەۋ قۇرالدارى
كيەلى كىتاپتىڭ قىسقاشا مازمۇنى
«كيەلى كىتاپتا قانداي حابار جازىلعان؟» دەپ اتالاتىن كىتاپشادا كيەلى كىتاپتىڭ مازمۇنىنا شولۋ جاسالادى ٵرى ونىڭ نەگىزگى تاقىرىبى تۇسىندىرىلەدى.