КИЕЛІ КІТАПТЫҢ АЙТАРЫ: “[Құдай] аспаннан жауын жаудырып, мезгілімен мол өнім берді және көл-көсір ас-су сыйлап, жүректеріңді қуанышқа толтырып келді” (Елшілердің істері 14:17).

МӘНІ: Осы өмірде жүрегіңізді қуанышқа толтырып жүрген нәрселердің бәрі — Жаратушының сыйы. Жомарт Құдай сізді қаншалықты жақсы көретінін түсінген кезде, осы сыйлардың бәрін одан сайын бағалап кетесіз.

КИЕЛІ КІТАПТЫҢ АЙТАРЫ: “Әділдік, әділет пен туралықтың не екенін ұғасың, Жақсылық атаулыны түсінесің” (Нақыл сөздер 2:9).

МӘНІ: Бізді жаратқан Құдай болғандықтан, бақытты болуымыз үшін ненің қажет екенін ол жақсы түсінеді. Киелі кітапты оқып, зерттейтін болсаңыз, ішіндегі құнды кеңестердің пайдасын қазірдің өзінде көре аласыз.

КИЕЛІ КІТАПТЫҢ АЙТАРЫ: “Құдай туралы білімді табасың” (Нақыл сөздер 2:5).

МӘНІ: Жаратушының бар екеніне көзіңіз жеткен соң, сіз адамдарды үнемі мазалайтын сұрақтардың жауабын табасыз. Мысалы, өмірдің мәні неде? Неге жаманшылық пен қайғы-қасірет соншама көп? Адам өлген соң қайда барады? Осылардың көңілді орнықтыратын жауабы Киелі кітапта бар.

КИЕЛІ КІТАПТЫҢ АЙТАРЫ: “Ехоба былай дейді: —Сендерге қатысты ой-ниетім өзіме аян. Сендерге апат жіберуді емес, тыныштық беруді, жарқын болашақ пен үміт сыйлауды ойлап жүрмін” (Еремия 29:11).

МӘНІ: Құдай болашақта зұлымдықты, қайғы-қасіретті, тіпті өлімді түп-тамырымен жоямын деп уәде етіп отыр. Құдайдың осы уәделеріне сенген кезде, сізде үміт пайда болады. Ал бұл үміт сізге күн сайын болатын қиындықтарды қайыспай көтеруге көмектеседі.