Ишая 33:1—24
33 Ей, өзі әлі жойылмаған қырып-жоюшы+,Өзіне әлі опасыздық жасалмаған опасыз, сен қасіретке қаласың!
Қырып-жойып біткеніңде, өзің де жойыласың+.
Опасыздық жасап біткеніңде, өзіңе де опасыздық жасалады.
2 Уа, Ехоба, ықыласыңды түсіре көрші+,Біз саған үміт артамыз.
Күнде таңертең күш-қуатымыз болшы+,Иә, қиын шақтарда құтқарушымыз болшы+.
3 Күркіреген даусыңнан халықтар қаша жөнеледі,Түрегелгеніңде, ұлттар бытырап кетеді+.
4 Халқыңның олжасы обыр шегірткелер жалмағандай талан-таражға салынады;Жұрт оған үйірлі шегірткедей лап қояды.
5 Ехоба асқақтайды,Себебі заңғар көкте мекендейді.
Ол Сионда әділдік орнатады.
6 Құдай сенің заманыңда тұрақтылық сыйлайды,Оның қазынасы*: зор құтқарылу+, даналық, білім және Ехобадан қорқу+.
7 Міне, олардың батырлары көшеде айқайлап жатыр,Бітім жасасуға жіберілген хабаршылары зар илеп жатыр.
8 Даңғыл жолдар бос қалды,Жолдарда ешқандай жолаушы жоқ.
Жау келісімді бұзды,Қалаларды менсінбеді.
Ол ешкімді адам құрлы көрмейді+.
9 Ел зар илеп жоқтап жатыр*, әбден титықтады.
Ливан масқара болды+, құрып кетті.
Сарон құла түзге ұқсады,Башан мен Кармил жапырақтарын тастады+.
10 Ехоба былай дейді: “Енді мен түрегелемін,Енді мен асқақтаймын+, даңқымды асырамын.
11 Сендер қураған шөпке жүкті болып, дүниеге сабан әкелесіңдер.
Өз пиғылдарың от іспетті сендерді жалмап қояды+.
12 Халықтар күйдірілген әктастай болады.
Олар шауып тасталған тікендей, отқа жағылады+.
13 Ей, алыстағылар, менің не істейтінімді тыңдаңдар!
Ей, жақындағылар, менің құдіретімді мойындаңдар!
14 Сиондағы күнәкарларды үрей биледі+,Құдайдан безгендер дірдек қағып:
—Арамызда кім жалмайтын оттың жанында өмір сүре алады+?
Кім сөнбейтін оттың қасында өмір сүре алады?— дейді.
15 Мұны әділдік жолынан таймайтын+,Туралықты айтатын+,Арам пайдадан бас тартатын,Пара алу үшін қолын созбайтын+,Қантөгіс жайлы әңгімені тыңдамай, құлағын бітейтін,Жаман нәрсені көрмеу үшін көзін жұматын адам істей алады.
16 Ол биік тауларда өмір сүреді,Жартастағы қамалды өзіне пана етеді,Ол жейтін нансыз қалмайды,Ішетін суы еш сарқылмайды+”.
17 Сенің көздерің сән-салтанатқа кенелген патшаны,Шалғайдағы елді көретін болады,
18 Сен бойыңда үрей тудырған жайтты еске алып:
“Хатшы қайда?
Алым төлейтін адам қайда+?
Мұнараларды санайтын адам қайда?”— дейсің.
19 Сен бұдан былай тілдері түсініксіз,Сөздерін ұғыну қиын, өрескел халықты көрмейсің+.
20 Мейрамдарымызды тойлайтын Сион қаласына қарашы+!
Сен Иерусалимді, жайбарақаттық орнаған мекенді,Ешқашан қозғалмайтын шатырды өз көзіңмен көресің+.
Оның қазықтары ешқашан суырылмайды,Жіптерінің ешқайсысы үзілмейді.
21 Айбынды Құдай Ехоба біз үшінӨзендері мен шалқар салалары бар өлке іспетті болады.
Ол жерден бірде-бір әскери кеме керуені де,Ешқандай алып кемелер де жүзіп өтпейді.
22 Өйткені Ехоба — Төрешіміз+,Ехоба — Заң шығарушымыз+,Ехоба — Патшамыз+.
Бізді құтқаратын — сол+.
23 Жау кемелерінің арқандары босап кетеді,Діңгектерін де мықтап ұстай алмайды, желкендері де жайылмай қалады.
Сол кезде ағыл-тегіл олжа бөліске түседі;Тіпті ақсақтар да мол үлес алады+.
24 Ешкім*: “Мен науқаспын”,— демейтін болады+.
Ел тұрғындарының күнәлары кешіріледі+.
