Ikaar­tarfiup Krimimiit Ruslandimut atasup qaar­tar­tumeer­neqar­nerani ullut marluk qaangiut­tut ataasin­ngor­nermi ullaak­kut oktobarip qulinganni 2022-mi rus­sit akiniaal­lutik qaar­tar­tut mis­silit atorlugit Ukrainemi illoqarfiit ilaat saas­sup­paat. Politikerit Harmagedon­nip nal­liutingajaler­nis­saa pil­lugu mianersoq­qusinerisa kingunin­ngua taamatut pisoqar­poq.

•   “[USA-mi John F.] Ken­nedyp præsidentiunerata nalaani Cubami sorsut­toqangajas­simanera eqqaas­san­ngik­kaanni Harmagedon­neratarsin­naanera aatsaat taama ilimanar­tigaaq. … Isumaqar­punga atombombit atorlugit sorsut­toqalis­sap­pat Harmagedonni aal­lar­tis­sasoq.” – USA-mi præsidenti Joe Biden, oktobarip arfer­ngat, 2022.

•   “Isumaqataavunga Harmagedonni aal­lar­teq­qajaasoq taman­nalu nunarsuarmut tamarmut navianar­torsior­titsisoq.” – Ukrainemi præsidenti Volodymyr Zelenskyj atombombit ator­neqalis­sap­pata suna kingunerisin­naagaa pil­lugu aperineqarami taama oqar­poq. BBC News, oktobarip arfineq-pingajuat, 2022.

 Atombombit ator­neqaleratarsin­naanerat Harmagedon­nimik kinguneqas­sava? Biibilimi qanoq allas­simasoqarpa?

 Naamik. Biibilimi oqaaseq “Harmagedon­ni” taamaal­laat Saq­qum­mersitat 16:16-imi eqqaaneqar­poq. Inuiaqatigiit immin­nut sorsun­neran­nut attuumas­suteqan­ngilaq. Guutilli ‘nunarsuarmi tamarmi kun­nginut’ sorsun­nerivaa. (Saq­qum­mersitat 16:14) Sorsun­nermi Harmagedon­nimi Guuti inun­nik naalak­kersuisoqarun­naarsitsis­saaq. – Danieli 2:44.

 Harmagedonni pil­lugu paasisaqar­nerorusuk­kuit allaaserisaq Harmagedonimi sorsun­neq suua? atuaruk.

 Naamik. Inuit naalak­kersuisut atombombit atus­sagaluar­patigit Guutip nunarsuup suujun­naarsin­neqar­nis­saa akuerinavian­ngil­luin­nar­paa. Biibilimimi ima allas­simavoq:

•   ‘Nunarsuaq ataan­nar­tus­saavoq.’ – Oqaluus­sisar­tup oqaasii 1:4, Testamentitoqaq 1990-imi naqitigaq.

•   “Iluar­tut nuna kingor­nutis­savaat najugaqas­sal­lutillu tas­sani naas­saan­ngitsumik.” – Tus­siaat 37:29.

 Biibilimili siulit­tuutit pis­sutsillu ersersip­paat inuiaat oqalut­tuarisaaneranni nunarsuarmi allan­ngor­toqalersoq. (Matiusi 24:3-7; Timuutiusimut 2. 3:1-5) Akeqan­ngitsumik Biibilimik pik­koris­sar­nik­kut siunis­saq pil­lugu Biibilimi qanoq allas­simasoqar­nersoq paasisin­naavat.