Napasuliaq Alapernaarsuiffimmi allaaserisat 2024-mi saqqummersin­neqartut atuaqqis­saarpigit? Apeqqutit tulliuttut akisinnaavigit?

Arnat qanoq pineqar­tarnissaannik Jehovap qanoq maligas­sippaatigut?

Naligiimmik pisarpai, angutit arnanit pingaar­nerutinngilai. Arnat misigissusaat ajornar­torsiutaallu soqutigalugit tusarnaartarpai. Aamma tatigalugit suliassippai. – w24.01, qupp. 15-16.

Efesossimiut 5:7-imi allassimasut uku qanoq maleruarsin­naavagut: “Taakku ilaassan­ngilasi”?

Paulusip siunnersorpaatigut inunnik Guutip najoqqutassiaasa maleruar­nissaannik sapernar­titsisunik peqateqar­tassanngitsugut. Aamma internetikkut attaveqaqatigiit­tarfinni ilagisartakkat pineqarsin­naapput. – w24.03, qupp. 22-23.

Oqaluttuat ilumuun­ngitsut qanoq ittut itigartis­savagut?

Ilumoornersoq qulakkeersimanagu ikinngutitsinnit ajunngitsumik isumaqaraluartunit oqaluttuarineqartut, e-mailit nalusatsin­neersut aamma tunussisut Biibilimik soqutigin­nittuusaartut mianersorfigisariaqarpagut. – w24.04, qupp. 12.

Kunngi Saalumuut, Soodomamiut Gomooramiullu aamma ulersuarmi toqutaasut pillugit suut ilisimavagut suullu ilisiman­ngilagut?

Qulakkiivillugu isummersin­naanngilagut Jehovap taakku naassaan­ngitsumik piujunnaarsikkai. Nalunngilarpulli sunik tamanik ilisimannittoq nallittuingaar­tuusorlu. – w24.05, qupp. 3-4.

Sooq Guutip ‘qaarsuunera’ tuppallernarpa? (Mos 5. 32:4)

Jehova qimarnguf­figisin­naagatsigu. Jehova tatiginartuuvoq, taassuma neriorsuutini eqqortit­tuaannarpai. Aamma aalajaatsuuvoq, kinaassusia siunertaalu allanngun­ngisaannarput. – w24.06, qupp. 26-28.

Ilagiinnut allanut nuunnermi qanoq sungius­siniarsinnaavit?

Jehova tatigiuk. Taassuma ikiussavaatit, soorlu itsaq kiffani ikiorai. Ilagiinnut ilaaffigisimasannut sanillersuus­sinaveersaarit. Ilagiinnut ilaaffigilikkannut akuulluarit sapinngisannillu ikinngutitaar­torlutit. – w24.07, qupp. 26-28.

Assersuusiat pingasut Matiusi kapitali 25-miittut sunik ilinniarfigaagut?

Savat savaasallu pillugit assersuusiami aalajaat­tuarnerup ilumoorfigin­nittuar­nerullu pingaaruteqarnerat erseqqis­sarneqarpoq. Arnanik inuusuttunik qulinik assersuusiaq piareersimanermik eqqumanermillu ilinniarfigaarput. Kiisalu talentinik assersuusiami eqiasuitsuunerup pingaaruteqarnera erseqqis­sarneqarpoq. – w24.09, qupp. 20-24.

Saalumuup guutisiorfiani paarleq qanoq portutigaa?

Allagatoqqat ilaanni allassimavoq paarleq “aalenninik 120-nik” portussuseqartoq, tassa 53 meterit. Allakkanili tutsuiginartuni allani “aalenninik 20-nik”, tassa 9 meterit missaannik, allassimasoqarpoq. Kingulleq guutisiorfiup qarmarsuisa silissusaannut naapertuup­pasippoq. – w24.10, qupp. 31.

Qanoq isumaqarpa allassimammat ilagiinni kiffartortoq ‘arnamut ataatsimut uiussasoq’? (Tim 1. 3:12)

Nuliani ilumoorfigissavaa atoqatigiin­nikkullu eqqunngitsuliornani. Allasiun­nginnissarli pineqaan­nanngilaq. Arnanullu allanut qaninniarujuus­sanngilaq. – w24.11, qupp. 19.

Sooq oqarsin­naavugut Jiisusip Johannesi 6:53-imi nassuiar­nianngikkaa Naalakkap unnukkorsior­titsinerani qanoq iliortoqas­sanersoq?

Jiisusip timaanik nerinissap aavanillu imernissap pingaaruteqarnera Johannesi 6:53-imi eqqartor­neqarpoq. Ukiumi 32-mi Jiisusip Galiliiami juutinut tamanna eqqartorpaa uppertun­ngortariaqarnerat erseqqis­sarniarlugu. Ukiorli ataaseq qaangiummat Naalakkap unnukkorsior­titsinera pilersin­neqarmat Jiisusip qilammi naalakkersueqatigisassani oqaluuppai. – w24.12, qupp. 10-11.