Jiisusip inuit eqqis­seqatigeeq­qul­lugit ilin­niar­tip­pai. Apustilinili ima oqarfigai: “Isumaqas­san­ngilasi tikiut­tunga nunarsuarmi eqqis­sisitsiar­torlunga, tikiup­pungali avis­saar­tuutsitsiar­torlunga. Erneriit, panigiit aamma ukuaq sakialu arnaq avis­saar­tuutsik­kiar­torlugit tikiup­punga.” (Mat 10:34, 35) Jiisusip suna pivaa?

Jiisusip ilaqutariit immin­nut alar­nis­saat kis­saatigin­ngilaa, nalun­ngilaali ilin­niar­titsis­sutini pis­sutigalugit ilaqutariit ilaat avis­saar­tuutilis­sasut. Taamaat­tumik Kristusimik malin­nit­tun­ngorusut­tut imermullu morsutsitaarusut­tut aalajangik­kamik kingunis­saat eqqumaf­figisariaqar­paat. Aap­parmin­nit ilaqut­tamin­nil­luun­niit akerlilersor­neqar­ner­tik pis­sutigalugu Kristusip ilin­niar­titsis­sutaanut aalajaat­tuar­nis­sar­tik saper­nar­tilersin­naavaat.

Biibilimi kristumiut ima kajumis­saar­neqar­put: “Inuit tamaasa eqqis­seqatiginiar­tarsigit.” (Rom 12:18) Jiisusilli ilin­niar­titsis­sutai ilaqutariit ilaanni ‘avis­saar­tuutsitsisin­naap­put’. Taama pisoqar­tar­poq ilaqutaasoq Jiisusip ilin­niar­titsis­sutaanik upperin­nileraangat ilaali taak­kunin­nga upperin­nin­natil­luun­niit akerlilersuileraangata. Tassa ilumoor­toq pil­lugu ilin­nialersup ilaqutai, najugaqatigisai, ‘akeq­qius­sisun­ngor­tar­put’. – Mat 10:36.

Kristusimik malin­nit­tut allanik upperisalin­nik najugaqatigisamin­nik ilaqutal­lit aalajanger­tariaqar­tar­put Jehova Jiisusilu imaluun­niit ilaqut­tatik nuan­naar­tin­niar­nerlugit. Assersuutigalugu ilaqut­tamin­nit allamik upperisalin­nit upperisarsior­nik­kut nal­liut­torsior­nis­samik kimigiiserfigineqarsin­naap­put. Misilin­neqar­nermi kik­kun­nik nuan­naar­titsis­sap­pat? Jiisusi oqar­poq: “Kinaluun­niit uan­nik asan­nin­nerminit annerusumik ataataminik anaanaminil­luun­niit asan­nit­toq malitsigisin­naan­ngilara.” (Mat 10:37) Jiisusip malin­nitsimi angajoq­qaamin­nik asan­nip­pal­laarun­naar­nis­saat soorunami pin­ngilaa. Inuunermin­nili sunik pingaar­ner­paatitsinis­saan­nik ilin­niar­tip­pai. Ilaqut­tagut Jehovamik guutisior­nitsin­nik akerlilersuisut asajuar­pagut, nalun­ngilar­pulli Guutimik asan­nin­ner­put pingaar­nerusoq.

Ilaqut­tanit akerlilersor­neqar­neq anner­nangaarsin­naavoq. Jiisusilli oqaasii uku eqqaamajuar­tariaqar­pagut: “Malil­lunga qisum­mik naal­liutsitsiviliamik nam­mak­kuman­ngitsoq malitsigisin­naan­ngilara.” (Mat 10:38) Tassa kristumiut ilaqut­tanit akerlilersor­neqar­neq Kristusimik malin­nit­tut piner­tusaarlutik ator­tagaasa ilaat­tut isigaat. Neriuutigaalli pis­suserin­ner­tik pis­sutigalugu ilaqut­tatik saam­mas­sasut Biibilillu oqariar­tuutaanik misis­suerusulis­sasut. – Pet 1. 3:1, 2.