AL­LAASERISANI matuma siuliini ersersin­neqar­poq kingunerlutsitsineq qanoq ar­tor­nar­tigisin­naasoq. Piner­tusaar­niar­nin­ni im­maqa eq­qarsaatigaat inuuneq ilumut naleqar­nersoq soqutigineqar­nersutil­luun­niit. Guutil­li an­nikil­lior­nerit soqutigaa. Taas­sumun­nga naleqangaar­tuuvutit.

Tus­siaat 86-imik tus­siaasior­tup Guuti tatigalugu ima taal­lior­poq: “Ul­lormi an­nikil­liorfin­ni torlorfigis­savak­kit, akiumaaram­ma.” (Tus­siaat 86:7) Im­maqali eq­qarsaatigaat Guutip “ul­lormi an­nikil­liorfin­ni” qanoq akis­saneraatit.

Guutip ajor­nar­torsiutitit ingerlaan­naq aaq­qin­ngik­kaluarlugit naam­magit­tarsin­naaq­qul­lutit eq­qis­sisin­naaq­qul­lutil­lu Biibilimi ima neriorsor­paatit: “Sumil­luun­niit isumakuluuteqar­naveeritsi, kis­saatigisasili qanoq it­tuk­kul­luun­niit Guutimut saq­qum­miut­tarsigit qinul­lusi torlulal­lusilu qujal­lusilu. Taava eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai.” (Filip­pimiut 4:6, 7) Guutip asan­nit­tumik isumas­suinera Biibilimeersunit ukunan­nga qanoq ersersin­neqar­toq eq­qarsaatigiuk.

‘Taamaat­toq taak­kua [qupaloraarsuit] ilaat ataaserluun­niit Guutimit puior­neqan­ngilaq. Erseqinasi, qupaloraarsup­pas­suar­nit pingaar­neruvusi.’ – Lukasi 12:6, 7.

EQQARSAATIGIUK: Tim­miaaq­qat inun­nit amerlaner­nit soqutigineqar­piar­neq ajor­put, Guutil­li soqutigai. As­sersuutigalugu qupaloraarsun­nguit tamarluin­narmik Guutimit malugineqar­tar­put, tamarmik pin­ngor­titaap­put uumas­susil­lit naleqar­tut. Guutip inuit qupaloraarsun­nit pingaar­tin­nerungaar­pai. Inuit tas­saap­put Guutip ‘im­minik as­silil­luni’ pin­ngor­titai nunamiit­tunit tamanit im­mik­kuul­larin­ner­paajusut. Taas­suma pis­susiinik qutsis­sunik ineriar­tor­titsisin­naal­lutil­lu ersersitsisin­naap­put. – 1 Mosesi 1:26, 27.

“Naalagaq, il­lit misis­suif­figisimavarma, nalunangalu. ... Paasereer­tar­pat qanoq eq­qarsar­tunga. Misis­suif­figin­nga ... eq­qarsaatik­ka ilisimaniak­kit.” – Tussiaat 139:1, 2, 23.

EQQARSAATIGIUK: Guutip inut­tut ilisarisimal­luar­paatit. Misigis­sutsitit ilorler­paat isumakuluutitil­lu ilisimavai. Inuit al­lat an­nikil­lior­nerit paasil­luarsin­naan­ngik­kaluaraat Guutip soqutigalutil­lu ikiorusup­paatit. Taman­na pis­sutigalugu inuunerit naleqar­poq.

“Naalagaq, tusaruk qin­nutiga! Ikioq­qul­lunga nil­lianera ilin­nut an­ngul­li. Kiin­nat uan­nut iser­toqinagu an­nikil­lioraangama.” – Tussiaat 102:2, 3, 18.

EQQARSAATIGIUK: Inuit naal­liut­taleq­qaarmatali Jehovap qul­lilisut tamarluin­naasa, aam­ma il­lit qul­lilinerit, eq­qumaf­figisarsimavai. (Tus­siaat 56:9) Guutip pingaar­tik­kamisit an­nikil­liuutitit qul­lilinitil­lu tamaasa eq­qaamavai.

‘Erseqinak, uangaagama il­lit Guutit. Nakus­satsip­pak­kit ikiorlutil­lu. Uangami tas­saagama Naalagaq Guutit oqarfigis­savak­kit: Siooraqinak, ikior­tigaarma.’ – Esaja 41:10, 13.

EQQARSAATIGIUK: Guutip ikioriaan­naavaatit. Orluguit nikuitis­savaatit.

‘Guutip silarsuaq ima asatigaa er­nituani tun­nius­simal­lugu taas­sumun­nga up­per­toq kinaluun­niit tam­maq­qunagu naas­saan­ngitsumil­li inooq­qul­lugu.’ – Johannesi 3:16.

EQQARSAATIGIUK: Guutip asangaaramitit er­nituani Jiisusi il­lit pil­lutit pil­liutigaa. Taamatut pil­liuteqarmat inuuneq pil­luar­nar­toq siuner­taqarluar­torlu neriuutigisin­naavat. *