Taman­na pil­lugu siun­nersuuter­pas­suaqar­poq. Ilaal­li iluaqutaaneq ajor­put. As­sersuutigalugu inuit ilaasa im­maqa qiaq­qunak misigis­sutsin­nil­luun­niit ersersitseq­qunak siun­nersus­savaatsit. Al­lal­li im­maqa misigis­sutsin­nik tamanik ersersitseq­qul­lutit siun­nersus­savaatsit. Biibilimi oqimaaqatigiis­saarinerusumik, nalitsin­ni ilisimasanut naaper­tuut­tumik, siun­nersuuteqar­poq.

Kulturit ilaan­ni qianeq anguter­palun­ngitsutut isigineqar­tar­poq. Qianerli, al­laat al­lanit isigineqarluni, kan­ngunar­tutut isigineqar­tus­saava? Tar­nip pis­susiinik ilisimasal­lit oqaatigisar­paat qianeq aliasun­nerup ilagiin­naraa. Qianerlu an­naasaqar­nermik aliasuutigin­ningaaraluarlutit ingerlaq­qin­nis­san­nut iluaqutigisin­naavat. Aliasun­nermik nunusineq iluaqutaanani ajoqutaagin­narsin­naavoq. Aliasul­luni qianerup anguter­palut­tuun­ngin­nera Biibilimi taperser­neqan­ngilaq. As­sersuutigalugu Jiisusi eq­qarsaatigiuk. Toqusunik makititsinis­samut pis­saaneqaraluarluni al­lanit takuneqarsin­naal­luni ikin­ngutimi asasami Lazarusip toqunera qis­satigaa! – Johan­nesi 11:33-35.

Kamaler­neq amerlaner­tigut, ingam­mik tas­san­ngaan­naq toqusoqar­til­lugu, aliasun­nermut ilaasar­poq. Toquk­kut qimagaasup as­sigiin­ngitsor­pas­suit pis­sutigalugit, soorlu inuup ataq­qisaasup isumaal­liorluni tun­ngavis­saqan­ngitsunil­lu oqaaseqar­nera, kamalis­sutigisin­naavai. Sydafrikamiu Mikemik atilik ima nas­suiaavoq: “14-iin­nar­nik ukioqar­tunga ataataga toquvoq. Ilisinermi tuluit ilagiivini palasi oqar­poq Guutip inutsialaat pisariaqar­tik­kamigit siusis­suk­kut tigusarai. * Ataatar­put pisariaqar­til­luin­naratsigu taama oqar­nera kamalis­sutigaara. Maan­na ukiut 63-it qaangiutereersut suli aliasuutigisar­para.”

Im­minum­mi pisuutin­neq? Ingam­mik tas­san­ngaan­naq toqusoqar­til­lugu qimagaasoq ima eq­qarsarsin­naavoq: ‘Ima imalu iliorsimasuuguma taama pisoqar­navian­ngik­kaluar­poq.’ Im­maqaluun­niit toqusorlu kingul­lermik oqaloqatigiik­kas­si as­sor­tuup­pusi. Taman­na pisuusutut misiginerulis­sutigisin­naavat.

Im­minut pisuutit­taruit kamas­saqaruil­luun­niit misigis­sutsinik taamaat­tunik nunusin­ngin­nis­sat pingaaruteqar­poq. Paarlat­tuanik ikin­ngut tusar­naarusut­toq eq­qis­sisaarusut­torlu oqaloqatigisaruk. Biibilimi ima al­las­simavoq: “Ikin­ngutaasup asan­nis­sutsi tamatigut takutit­tar­paa, qatan­ngutaasorlu er­niusimavoq an­nikil­lior­nermi ikior­tis­saal­luni.” – Us­satit 17:17.

Pin­ngor­titsiser­put, Jehova Guuti, toquk­kut qimagaasunut Ikin­ngutaal­luar­ner­paavoq. ‘Isumas­sormatit’ taas­sumun­nga qinunik­kut uum­mam­miutit oqalut­tuarisak­kit. (1 Petrusi 5:7) Tamatuma saniatigut neriorsuivoq taamaalior­tut tamarmik ‘eq­qis­sinermit Guutimit pisumit siuneqas­suser­nit tamanit an­nerungaar­tumit’ isumak­kut misigis­sutsik­kul­lu eq­qis­sisin­neqas­sasut. (Filip­pimiut 4:6, 7) Aam­ma Guutip oqaasia tup­pal­ler­nar­toq, Biibili, atuar­taruk. Al­las­simaf­fiit tup­pal­ler­nar­tut al­lat­tor­tak­kit. (Takuuk  ungalusaq). Im­maqa al­laat taak­kua ilaat alan­ngaar­talersin­naavatit. Taamaat­tunik eq­qarsaateqar­neq ingam­mik un­nuk­kut  kisimiil­lutit sinis­saaruk­kaangavit iluaqutigisin­naavat. – Esaja 57:15.

Qanit­tuk­kut angutip 40-nik ukiul­lip, Jaakumik taasin­naasat­ta, nulia asasaa kræfterluni toquvoq. Taan­na oqar­poq ilaan­nik­kut kiserliuum­merujus­suar­tarluni. Qinunerli iluaqutigisimavaa. Ima nas­suiaavoq: “Jehovamut qinugaangama kisimiit­tutut misigin­ngisaan­nar­punga. Un­nuak­kut itikulasar­punga sinis­sin­naajun­naar­tarlungalu. Al­lak­kat Il­ler­nar­tut tup­pal­lersaataasut atuareerlugit eq­qarsaatigeq­qis­saareerlugil­lu misigis­sutsik­kalu pil­lugit qinoreeraangama uum­matik­kut eq­qarsaatik­kul­lu siuneqas­suser­nit tamanit an­nerungaar­tumik eq­qis­sisimasutut misigiler­tar­punga sinilersin­naan­ngorlungalu.”

Ar­nap Vanes­samik atil­lip ar­naa nap­parsimal­luni toquvoq. Taas­suma aam­ma qinuneq iluaqutigaa. Ima oqalut­tuar­poq: “Ar­torsar­ner­paaf­fin­ni Guutip aq­qa oqaatigiin­narlugu qis­saser­tar­punga. Jehovap qin­nutik­ka tusar­tarlugil­lu pisariaqar­titan­nik nakus­satsit­tuaan­nar­paanga.”

Qimagaasunik siun­nersuisar­tut ilaasa aliasut­tut inuiaqatigiin­nut tun­ngasunik suliaqar­nermik­kut al­lanik ikiueq­qul­lugit siun­nersor­tar­paat. Taamaalior­neq nuan­naalersitsisarlunilu aliasuk­kun­naamisitsisar­poq. (Apustilit Suliaat 20:35) Kristumior­pas­suit toquk­kut an­naasaqarsimasut al­lanik ikiuinerup tup­pal­lersaataangaar­nera paasisimavaat. – 2 Korinthimiut 1:3, 4.