JONATHAN, USA-miu Koreamiunik angajoq­qaalik, meeraal­luni al­lamiunik naggueqar­nini pil­lugu nikagineqar­tar­poq. Peroriar­tor­nermini sumiif­fin­nik inuit kiin­nami ilusaa sumiunil­luun­niit naggueqar­nini pil­lugu isum­mius­sereer­tarfiun­ngitsunik ujarler­tar­poq. USA-mi Alaskap avan­naatungaani il­loqarfim­mi nakorsan­ngor­poq, tas­sanilu najugalin­nit isik­kumigut al­laanerual­laan­ngilaq. Qaasuitsup kil­leqarfiata avan­naatungaani is­seqisumi najugas­sin­nermigut isum­mius­sereer­tar­neq pis­sutigalugu nikagineqarun­naar­nis­sani neriuutigigaluar­paa.

Pakatsingaar­porli ar­naq 25-nik ukiulik nakorsaramiuk. Ar­nap ilisimajun­naaq­qareerluni iterami Jonathanip kiinaa takugamiuk Koreamiunik asis­suingaar­nini oqaasipiluutigaa. Pisoq taman­na an­niaatigingaar­paa eq­qaas­sutigalugulu nam­mineq pil­luni isum­mius­sereer­tar­neq pin­ngitsoor­tin­niarlugu nuun­nis­saminut akuerineqar­nis­saminul­lu iliuuserisimasar­pas­suani iluaqutaan­ngitsut.

Jonathanip misigisaa pis­sutsinik tujorminar­tunik ersersitsivoq. Nunani tamani isum­mius­sereer­toqar­tar­poq. Inuit sumiik­kaluaraangamil­luun­niit isum­mius­sereer­tar­pasip­put.

Isum­mius­sereer­tar­neq atugaagaluaqisoq amerlanerit tamatumin­nga ingerlaan­naq as­suarin­nin­neraasar­put.  Taman­na eq­qumiil­luin­nar­poq. Sooq amerlasuut taama as­suaritigisaat taama nalingin­naatigisin­naagami? Al­laan­ngilaq isum­mius­sereer­toqar­tar­neranik iluarin­nin­ngitsut nam­min­neq isum­mius­sereer­tar­ner­tik ilisiman­ngik­kaat. Aam­ma il­lit taamaap­pit?

Nas­suerutigerusun­ngik­kaan­ni nas­suerutigerusuk­kaan­niluun­niit isum­mius­sereer­tar­nermik uum­mam­mioqar­neq paasiuminaas­sin­naavoq. Tamatumun­nga pis­sutaasoq Biibilimi ima nas­suiar­neqar­poq: ‘Uum­mat peq­quserlup­poq tamanit an­nermik.’ (Jeremia 17:9, 1900) Taamaat­tumik im­minut sal­loqit­tar­nik­kut inun­nut tamanut ilak­kuminar­tuusorisoqarsin­naavoq. Imaluun­niit naggueqatigiin­nut aalajangersimasunut ajor­tumik isigin­nit­taaseqar­nis­samut pis­sutis­saqarluarsorisoqarsin­naavoq.

Isum­mius­sereeq­qajaasar­nersugut paasiniarlugu qulaajaaner­put saper­nar­tis­sin­naavar­put. Tamatumun­nga tun­ngatil­lugu ima pisoqar­toq takorlooruk: Un­nuk­kut tarrajut­tumi kisimiil­lutit aq­qusinik­kut pisup­putit. Angutit inuusut­tut marluk sior­natigut takunikuun­ngisatit tungin­nut pisup­put. Nukit­tor­pasip­put aap­paalu arlaan­nik tigum­miaqar­pasip­poq.

Ingerlaan­naq angutit taak­ku qununar­tuusoris­savigit? Imaas­sin­naavoq mianersulis­sutigisan­nik arlaan­nik misigisaqar­nikuusutit, taman­nali isum­mis­sutigis­saviuk angutit inuusut­tut taak­ku marluk qunuginis­saanut pis­sutis­saqarlutit? Apeq­qut itisiliinerusoq una eq­qarsaatigiuk: Angutit taak­ku naggueqatigiin­nit inuian­nil­luun­niit sorler­nin­ngaan­neersoraagit? Apeq­qum­mut tamatumun­nga akis­sutit qulaajaasin­naavoq. Qanoq isum­mius­sereeq­qajaasar­tiginin­nik ersersitsisin­naavoq.

Im­mitsin­nut un­neq­qarif­figigut­ta nas­suerutigisariaqas­savar­put tamat­ta al­lat pil­lugit min­nerusumik an­nerusumil­luun­niit isum­mius­sereer­tarluta. Biibilimi aam­ma nas­suerutigineqar­poq tamat­ta isum­mius­sereer­tar­neq pigiliutiin­narsimagip­put: “Inuit inoqatitik qanoq isik­koqar­nerat naaper­torlugu eq­qar­tuut­tar­paat.” (1 Samueli 16:7, Contemporary English Version) Tamat­ta taamatut — amerlaner­tigut ajorluin­nar­tumik kinguneqar­tar­tumik — inut­tut san­ngiif­feqar­ner­put pis­sutigalugu isum­mius­sereer­tarun­naavin­nis­satsin­nut neriuutis­saqar­pugut? Inuit nunanit tamalaaneersut isum­mius­sereer­tarun­naar­nis­saat misigiumaar­par­put?