Il­lit ilaqut­tatil­lu peq­qis­suunis­sarsi sivisuumil­lu inuunis­sarsi kis­saatigaajuk? Silarsuaq naal­liuuteqarfiun­ngitsoq toqusoqar­tarfiun­ngitsorlu erinigaajuk? Pis­sutsit taama it­tut takorluugaan­naan­ngil­lat. Aap, silarsuas­saq nutaaq naaper­tuil­luas­suseqarfiusoq qanit­tuk­kut piviusun­ngus­saaq, Guutim­mi taman­na siuner­taraa. Jehovap Guutip siuner­taata naam­mas­sineqar­nera Saq­qum­mersitat 21:3-5-imi qanoq al­laatigineqar­nersoq maluginiaruk. — Atuak­kit.

‘Guutip qul­liit tamaasa isaan­nit al­lar­terumaar­pai.’ (Saq­qum­mersitat 21:4) Qul­liit qanoq it­tut al­lar­terumaar­pai? Qul­liit Guutip neriorsuutaani pineqar­tut tas­saan­ngil­lat nuan­naar­nermik qul­liit imaluun­niit isit il­lersor­niarlugit masatser­neqar­tar­neri. Tas­saap­pul­li naal­liuuteqar­nermik aliasun­nermil­lu qul­lilinerit. Guutip qul­liit taama it­tut al­lar­tiin­nar­nagit qul­lilinermut pis­sutaasut — naal­liuutit aliasun­neril­lu — atuuk­kun­naarsis­savai.

‘Toqu peeruk­kumaar­poq.’ (Saq­qum­mersitat 21:4) Aliasuutitsin­nut toqu pis­sutaaner­paasar­poq, ilaa? Silarsuas­sami nutaami Jehovap im­minut naalatsini akeraasumit toqumit aniguisik­kumaar­pai. Qanoq? Toqumut pis­sutiviusoq suujun­naarsil­lugu, tas­sa ajor­ti Adamimit kingor­nus­saq peerlugu. (Romamiut 5:12) Jiisusip uter­titsis­sutitut pil­liutaa tun­ngavigalugu Jehovap inuit naalat­tut naam­mal­luin­nar­tun­ngor­tik­kiar­tus­savai. * Taava akeraq kingul­leq, toqu, “suujun­naarsitaajumaar­poq”. (1 Korinthimiut 15:26) Taamanik­kus­samut inuit aalajaatsut Guutip aal­laq­qaam­mul­li siuner­tarisaatut — peq­qil­luin­narlutik naas­saan­ngitsumik — inuusin­naas­sap­put.

“An­niar­toqarun­naas­saaq.” (Saq­qum­mersitat 21:4) An­niaatit imaluun­niit naal­liuutit qanoq it­tut atuuk­kun­naas­sap­pat? Atuuk­kun­naar­tus­sat tas­saap­put isumak­kut, misigis­sutsik­kut timik­kul­lu naal­liuutit ajor­ti naam­mal­luin­nan­ngis­suserlu pis­sutigalugit inun­nut mil­lionilip­pas­suar­nut erloqisitsisut.

Inuuneq qul­lilisoqar­tarfiun­ngitsoq, toqusoqar­tarfiun­ngitsoq an­niar­toqar­tarfiun­ngitsorlu qanit­tuk­kut atuutilis­saaq. Im­maqa eq­qarsar­putit: ‘Inuuneq taama it­toq sumiis­sagami? Guutip neriorsuutaani qilam­mi inuuneq pineqar­pa?’ Naamik. Uku eq­qarsaatigeriak­kit. Siul­lermik, neriorsuutip aal­laq­qaataani ima al­las­simavoq: “Guuti ineqarfeqaler­poq inun­ni.” Inuil­lu nunarsuarmi najugaqar­put. (Saq­qum­mersitat 21:3) Aap­pas­saanik, silarsuas­sami neriorsuutigineqar­tumi ‘toqu peeruk­kumaar­poq’. Tas­sa silarsuaq toqusoqar­tarfiugaluarsimasoq toqusoqar­tarfiujun­naar­tus­saq pineqar­poq. Qilam­mi toqusoqarsiman­ngisaan­nar­poq, maanili nunarsuarmi toqu atuup­poq. Aap, Guutip inuunermik pitsaanerusumik neriorsuutaa maani nunarsuarmi eq­quutitin­neqarumaar­toq ersarip­poq.

Jehovap silarsuas­samik nutaamik naaper­tuil­luas­suseqarfiusumik neriorsuutini up­peris­sagip­put kis­saatigaa. Pil­luaq­qus­sutis­sat oqalut­tuarereerlugit neriorsuutini up­per­narsar­paa ima oqarluni: “Takuat, suut tamaasa nutaan­ngor­tip­pak­ka!” Imalu nangip­poq: ‘Oqaatsit tamak­ku up­per­narlutil­lu ilumoor­put.’ (Saq­qum­mersitat 21:5) Il­lit Guutip neriorsuutaata nuan­ningaar­tup eq­quun­nis­saa misigerusup­piuk? Taamaap­pat il­lit asasatil­lu Guutip kif­faanut pil­luar­tunut qanoq ilan­ngus­sin­naanis­sas­sin­nik misis­suinis­san­nut kajumis­saarusup­patsigit!