Romap avataatungaani piitsoqarfiusumi inun­ngorlungalu peroriar­tor­punga. Anaanaga naapin­nikuun­ngisaan­nar­para ataatagalu qanitarinagu. Inuuneq tamaviaar­naqaaq. Inupiluit akor­nan­ni inuuneq ilik­kar­tariaqarlugu peroriar­tor­punga.

Qulinik ukioqarlunga til­lin­niar­talereer­punga. Aq­qaneq-marlun­nik ukioqarlunga angerlarsimaf­fitsin­niit siul­ler­paamik qimaavunga. Ataatama ataasiaan­nar­nani politeeqarfim­mut aasariaqar­tar­paanga angerlaal­lungalu. Oq­qas­siuaan­nar­punga — persut­taasar­punga silarsuarlu tamaat kamaal­lugu. 14-inik ukioqarlunga angerlarsimaf­fip­put qimavip­para. Ikiaroor­talerlungalu angerlarsimaf­feqan­ngitsun­ngor­punga. Sinif­fis­saqar­tan­ngin­nama al­lat biilii serlersaarfigalugit ul­laas­sap tungaanut sinif­figisar­pak­ka. Makik­kaangamalu imermik tis­salut­tuliami asat­tor­tar­punga.

Til­lin­nial­laq­qis­sun­ngor­punga — sunil­luun­niit til­lit­tar­punga, soorlu taskinik, al­laal­lu un­nuak­kut inis­siat il­lul­lu til­lin­niarfigisar­pak­ka. Tusaamanerlugaaler­punga, erininarsin­ngitsorlu inupiluit tusaamanerlugaasut ilasiaralunga aningaaserivin­ni til­lin­niar­tar­tus­satut “qaf­fatsin­niar­paan­nga”. Qaasut­tuunera pis­sutigalugu inupiloqatin­nit ataq­qisaaler­punga. Il­luin­narsuutiga nas­sar­tuaan­nar­para, sinik­kaangamalu akisima ataaniit­tar­poq. Nakuuser­neq, ikiaroor­neq, til­lin­neq, oqaasipilun­neq kinguaas­siuutitigul­lu inuunerlun­neq inooriaaseriler­pak­ka. Politiinit ujaarineqar­tuar­punga. Arlaleriarujus­suarlutil­lu tigusaraan­nga ukiunilu arlalin­ni iperagaal­lungalu par­naarus­saaq­qit­taraanga.

Ataatsimik par­naarus­sivim­miit iperagaagama ajaga pulaar­niarlugu aalajanger­punga. Sunaaf­fa ajaga il­looq­qak­kalu marluk nalunaajaasun­ngorsimasut. Jehovap Nalunaajaasuisa ataatsimiin­neran­nut ilaseraan­nga. Alaper­naagin­narlunga ilagiumavak­ka. Naalagaaf­filersaarfim­mut iserat­ta matup  eq­qaani is­sianiar­punga iser­tut anisul­lu nak­kutiginias­sagak­kit. Soorunami sak­kulisar­punga.

Ataatsimiin­neq taman­na inuunin­nik al­lan­nguis­sutigaara. Eq­qaamavara eq­qarsarlunga silarsuarmi al­larluin­narmiil­lunga. Uan­nik ilas­sin­nit­tut qungujulal­lutil­lu ilak­kuminarlutil­lu inus­siar­nersuup­put. Nalunaajaasut asan­nit­tuunerat ilumoor­tuuneral­lu isaan­nit erseq­qit­toq suli eq­qaamal­luar­para. Taman­nami uanga sungiusimasan­nit al­laanerul­luin­nar­poq!

Nalunaajaasut Biibilimik atuaq­qis­saaqatigisaler­pak­ka. Ilik­kak­kak­ka amerliar­tor­til­lugit paasiler­para inooriaasera al­lan­ngor­til­luin­nar­tariaqarlugu. Us­satit 13:20-mi al­las­simasut uku uum­mam­miugiler­pak­ka: “Ilisimasunik peqateqar­toq ilisimas­suseqalersar­poq, sianiitsunil­li ikin­nguteqar­toq ajor­tumeer­tus­saasar­poq.” Inupiluit ilagisar­tak­kak­ka ilagisarun­naar­tariaqarlugit paasivara. Saper­nar­tip­para, Jehovali ikior­tigalugu ilagisarun­naar­pak­ka.

Aam­ma timik­kut minguiar­punga. Ilungersungaarlunga pujor­tar­tarun­naarlungalu ikiaroor­nar­tunik atuisarun­naar­punga. Kil­lor­tip­punga takisuunik nujaqarun­naarlunga, iveruteqar­tarun­naar­punga oqaasipilut­tarun­naarlungalu. Inun­ngoramali aatsaavis­suaq iliuutsik­ka aqus­sin­naaler­pak­ka.

Sior­natigut atuar­neq nuan­narin­ngisaan­narak­ku Biibilimik atuaq­qis­saar­neq sungiuk­kuminaatsip­para. Iliuuseqar­nerujar­tor­til­lungali Jehovamik asan­nin­nerujar­tor­punga, uangalu ilun­ni al­lan­ngor­toqar­poq — ilerasuler­punga. Ajuk­kut­tar­punga qularalugu iliuuserisimasar­pas­suak­ka Jehovap isumak­keerfigisin­naanerai. Pif­fis­sani taamaat­tuni kun­ngip Daavip ingasat­tumik ajor­tuliarisimasaanik Jehovap isumak­keerfigin­nin­neranik atuar­neq tup­pal­lersaatigingaar­tar­para. — 2 Samueli 11:1–12:13.

Aam­ma saper­nar­tit­tarsimavara up­perisara pil­lugu il­lumiit il­lumut oqaluus­sineq. (Mat­thæusi 28:19, 20) Sior­natigum­mi ajor­tumik pisarsimasan­nik naapitsinis­sara siooragisar­para! Qunusarun­naariar­tor­pungali. Ataatar­put qilam­miusoq asan­nit­toq isumak­keerfigin­nik­kusungaar­toq pil­lugu al­lanik ilin­niar­titsineq nalerisimaarutigisaler­para.

Jehova pil­lugu paasisama inuunera an­naap­paat! Ilagisar­tagarisimasama amerlanersaat toqoreersiman­ngik­kunik par­naarus­sivim­miip­put. Uangali inuunera nalerisimaar­nangaar­poq, siunis­sarlu qilanaaraara. Maniguut­tuuneq naalat­tuunerlu ilik­kar­pak­ka kamaam­meriar­tar­neralu aqus­sin­naalerlugu. Taamaat­tumik maan­na ilak­kuminar­neruvunga. Nuliaralu asasara Carmen aap­pariit­tut pil­luar­pugut. Marluul­luta al­lanik Biibilimik ilin­niar­titsineq nuan­naarutigingaar­par­put.

Usimaa, maan­na un­neq­qaril­lunga sulisar­punga — ilaan­nik­kut aningaaserivin­ni, asaasutut til­lin­niatuun­ngitsoq!