ILINNIARTITSINERMI
ILINNIAGASSAQ 10
Aalajangiusimanninneq
Najoqqutassiaq: ‘Asaqigassi aalajangerpugut nutaarsiassanik nuannersunik Guutimeersunik tusarliinnarnasi aammali inuunerput ilissi pillusi atorniarlugu.’ – Tes 1. 2:8.
Jiisusi qanoq iliortoq
1. VIDEO isiginnaaruk, imaluunniit Johannesi 3:1, 2 atuakkit. Apeqqutillu uku eqqarsaatigikkit:
-
Sooq Nikodiimusi Jiisusimut unnuakkut saaffiginnikkumasoraajuk? – Johannesi 12:42, 43 takukkit.
-
Jiisusip qanoq ersersippaa Nikodiimusimik ilinniartitsinissaq aalajangiusimallugu?
Jiisusi sumik ilinniarfigaarput?
2. Inuit asagatsigit ilinniartittuarnissaat aalajangiusimavarput.
Jiisusi ilaaruk
3. Ilinniartitat sumiiffimmi piffissamilu iluarisaani ilinniartittaruk. Ulloq sorleq aamma ullup qanoq ilinerani piffissaqartarpa? Suliffimmini, angerlarsimaffimmini imaluunniit sumiiffimmi allami misissueqatigineqarusuttarpa? Iluarisaanut sapinngisannik naleqqussartarit.
4. Akuttoqatigiimmik misissueqatigiittaritsi. Aallassagaangavit uku eqqarsaatigisakkit:
-
Sapaatip-akunnerata ingerlanerani ullormi allami piffissaqarpisi?
-
Oqarasuaatikkut imaluunniit internetikkut misissueqatigiissinnaavisi?
5. Eqqortumik isiginnittaaseqarnissat qinnutigisaruk. Ilinniartitavit akuttoqatigiimmik misissueqatigiittarnersi ajornakusoortippagu imaluunniit ilikkakkani maleruaruminaatsippagu ilinniartitsiuarnissat aalajangiusimaqqullugu Jehova qinnuigisaruk. (Flp 2:13) Ilinniartitavit pissusii ajunngitsut isiginiarnerujumallugit Jehova qinnuigisaruk.
AAMMA TAKUKKIT
Uss 3:27; ApS 20:35; Kor 2. 12:15
