ILINNIAGASSAQ 56
Ilagiit eqqisseqatigiinnerat paariuk
Uppeqatigut peqatigigaangatsigit kunngitut Daavitut ima misigisarpugut: “Iluarlunilu nuannillaaraaq qatanngutigiit isumaqatigiillutik najortigiileraangata.” (Tussiaat 133:1, Testamentitoqaq 1990-imi naqitigaq) Eqqisseqatigiinnerput nalaatsornerinnaanngilaq, tamattami sulissutissaraarput.
1. Guutip innuttaasa suna immikkuullarissutigaat?
Nunarsuarmi sumiikkaluaruttaluunniit Biibilimik assigiimmik ilinniartinneqartarpugut asaqatigiillutalu. Taamaattumik nunami allami ataatsimiigiaruit oqaatigineqartut paasinngikkaluarlugit tikilluaqqusaasutut asaneqartutullu misigissaatit. Tamatta ‘Jehovap aqqa torlorfigaarput isumaqatigiillutalu kiffartuullugu’. – Sefania 3:9.
2. Eqqisseqatigiinnissaq qanoq sulissutigisinnaaviuk?
Biibilimi ima peqquneqarpugut: “Ilumoorlusi qamannga pisumik asaqatigiigitsi.” (Petrusimit 1. 1:22) Qanoq taamaaliorsinnaavugut? Uppeqatitta kukkussutaat pinnagit pissusii nuannersut eqqarsaatiginerusinnaavagut. Uagutsitulli soqutigisaqartut kisiisa peqatigisarnagit allaanerusumik tunuliaqutallit ilisarisimanerulersinnaavagut. Aamma siumut isummiussereernaveersaarniarluta ilungersorsinnaavugut. – Petrusimit 1. 2:17 atuarsiuk. a
3. Uppeqatillu isumaqatigiinngissuteqarussi susinnaavit?
Tamatta naammalluinnanngitsuuvugut. Taamaattumik ataasiussuseqaraluarluta uppeqatigut ilaannikkut ajuallatsittoorsinnaasarpagut pakatsisittoorsinnaasarlugilluunniit. Ajuallatsinneqarutta siunnersuut una maleruartariaqarparput: “Ilumoorlusi isumakkeerfigeqatigiittuaritsi. Soorlu Jehovap ilumoorluni isumakkeerfigigaasi, taamatuttaaq iliussaasi.” (Kolossimiut 3:13 atuarsiuk). Jehovap uagutsinnit ajuallatsinneqartaraluarluni isumakkeerfigisarpaatigut. Taamaattumik kissaatigaa uagut aamma isumakkeerfigeqatigiissasugut. Paasigutsigu qatannguterput ajuallatsissimallugu iliuuseqarluta eqqisseqatiginiartariaqarparput. – Matiusi 5:23, 24 atuarsigit. b
ITISILIINEQ
Ilagiit eqqisseqatigiinnissaat ataasiussuseqarnissaallu qanoq sulissutigisinnaagitit misissoruk.
Eqqisseqatigeeqqikkumallusi sussavit?
4. Isummiussereernaveersaarit
Qatanngutigut tamaasa asarusuttaraluarlugit uagutsinnit allaanerusumik tunuliaqutallit isornartorsioqqajaasinnaavagut. Taamaaqqajaasarutta suna iluaqutigissavarput? Apustilit Suliaat 10:34, 35 atuarsigit apeqqutillu uku eqqartorlugit:
-
Jehovap inuit tamalaat Nalunaajaasunngorusuttut tikilluaqqusarpai. Ilinnit allaanerusumik tunuliaqutallit eqqarsaatigalugit Jehova qanoq ilaarsinnaaviuk?
-
Nunassinni siumut isummiussereertarnerit suut nalinginnaappat? Sooq taamaattuunaveersaartariaqarpit?
Korintimiunut 2. 6:11-13 atuarsigit apeqqullu una eqqartorlugu:
-
Qatanngutit allaanerusumik tunuliaqutallit qanoq ikinngutiginerulersinnaavigit?
5. Ilumoorlutit isumakkeerfiginnillutillu eqqisseqatiginnittarit
Jehovap isumakkeerfigineqartariaqanngikkaluarluni isumakkeerfigerusuttarpaatigut. Tussiaat 86:5 atuarsiuk apeqqutillu uku eqqartorlugit:
-
Jehovap isumakkeerfiginninnera pillugu allassimaffik qanoq ilinniarfigaajuk?
-
Sooq isumakkeerfiginnikkumanera qujamasuutigaajuk?
-
Qanoq pisoqartillugu eqqisseqatigiinnissaq ajornakusoorsinnaava?
Qatanngutigut eqqisseqatigiuarumallugit Jehova qanoq ilaarsinnaavarput? Ussatit 19:11 atuarsiuk apeqqullu una eqqartorlugu:
-
Uumitsatsinneqaruit ajuallatsinneqaruilluunniit susinnaavit?
Ilaannikkut allat ajuallatsittoortarpagut. Taamaaliortooraangatta susassaagut? VIDEO takusiuk apeqqullu tulliuttoq eqqartorlugu.
-
Qatanngut arnaq uppeqatini eqqisseqatigeqqilerumallugu sua?
6. Uppeqatitit isumalluarfigisakkit
Qatanngutigut ilisarisimaneruleraangatsigit pissusii nuannersut aammali sanngiiffii maluginiartarpagut. Pissusii nuannersut qanoq eqqumaffiginerusinnaavagut? VIDEO takusiuk apeqqullu tulliuttoq eqqartorlugu.
-
Suna iluaqutigalugu uppeqatitit isumalluarfiginerusinnaavigit?
Jehovap pissusigut nuannersut pingaarnerpaatittarpai. Nalunaarsuutit 2. 16:9a atuarsiuk apeqqullu una eqqartorlugu:
-
Jehovap pissusitit nuannersut pingaarnerpaatittarai nalunagu qanoq misigivit?
Diamanti kigarneqaraluartoq naleqangaarpoq. Taamatuttaaq uppeqatigut kukkusaraluartut Jehovap isaani naleqangaarput
OQARTOQARTARPOQ: “Isumakkeerfigissagukku utoqqatseqqaartariaqarpoq.”
-
Sooq kajumilluta allat isumakkeerfigerusussavagut?
EQIKKAANEQ
Ilagiinni eqqisseqatigiittuarnissaq sulissutigisinnaavat isumakkeerfiginnikkumasarnikkut uppeqatinnillu tamanik asannittuliorfiginnittarnikkut.
Uteqqiineq
-
Qanoq siumut isummiussereernaveersaarsinnaavit?
-
Uppeqatillu isumaqatigiinngissuteqarussi sussavit?
-
Jehova isumakkeerfiginnikkumasartoq sooq ilaarusuppiuk?
NAMMINEQ MISISSUGASSATIT
Jiisusip assersuusiaata ilaat iluaqutigalugu allanik qanoq isornartorsiuinaveersaarsinnaasugut paasiniaruk.
Kukkussuteqarsorinngikkutta utoqqatsertariaqarpugut?
“Utoqqatserneq eqqisseqatigiissitsisarpoq” (Napasuliaq Alapernaarsuiffik-mi allaaserisaq)
Ilaasa kinaassusersiortuunnginnissartik qanoq ilikkaraat takuuk.
Ilagiit eqqisseqatigiinnerannut ajoqutaaleqqunagu isumaqatigiinngissut qanoq aaqqinneqarsinnaasoq atuaruk.
a Ilanngussaq 6-imi sammineqarpoq kristumiut asaqatigiikkamik nappaatinik tuniluuttunik qanoq tunillaanaveersaartartut.
b Ilanngussaq 7-imi sammineqarpoq niueqatigiinnikkut inatsisinullu tunngasutigut isumaqatigiinngissutit qanoq aaqqinneqarsinnaasut.
Soqutigisinnaasatit allat
APEQQUTIGINEQARTARTUT
Jehovap Nalunaajaasuisa Biibilimik pikkorissartitsinerat suugami?
Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.
