1, 2. (a) Sooq Han­na aal­lar­nis­samut piareersar­nermini aliasup­pa? (b) Han­na pil­lugu oqalut­tuaq qanoq ilin­niarfigisin­naavar­put?

HAN­NA ajor­nar­torsiutini eq­qarsaatigerusun­nagit aal­lar­nis­saminut piareersarluni ulapip­poq. Pif­fis­saq nuan­naarfiusus­saagaluar­poq; uiata Elkanap ilaqut­tani ukiut tamaasa Tupermi Naapeqatigiit­tarfim­mi Jehova pal­lorfigiumal­lugu Shilomut aal­laqatigisar­pai. Pisut taak­kua nuan­naarfiunis­saat Jehovap kis­saatigaa. (5 Mosesi 16:15 atuaruk). Qular­nan­ngitsumik Han­nap meeraanerminiil­li nal­liut­torsior­nerit taak­ku nuan­narisar­pai. Ukiunili kingul­ler­ni pis­sutsit atugai al­lan­ngor­put.

² Asan­nit­tumik ueqarami pil­luar­poq. Elkanali aam­ma al­lamik nuliaqar­poq. Taan­na Penin­namik ateqar­poq, taas­sumalu Han­nap nuan­niil­lior­tin­nis­saa anguniagarer­pasip­paa. Penin­nap al­laat ukiumoor­tumik angalasar­nerit taak­ku Han­namut naal­liun­nar­tuutit­tar­pai. Qanoq? Pingaar­ner­tul­lu, Han­nap Jehovamut up­per­nini pis­sutsini qaangeruminaap­pasis­suni piner­tusaar­nis­saminut qanoq iluaqutigaa? Nuan­naarun­naas­sutigisan­nik unam­miniar­nar­tunik atugaqaruit Han­na pil­lugu oqalut­tuaq tup­pal­lersaatigisin­naavat.

3, 4. Han­na sunik an­ner­tuunik marlun­nik ajor­nar­torsiuteqar­pa, taak­kulu marluk sooq unam­miniar­nar­pat?

³ Han­nap ajor­nar­torsiutai an­ner­tuut marluk Biibilimi eq­qaaneqar­put. Siul­leq iluamik iliuuseqarfigisin­naan­ngilaa aap­paalu iliuuseqarfigisin­naanagu. Siul­ler­tut, uumigin­nitsiminik aviliaqar­poq. Aap­paat­tut, er­nisuitsuuvoq. Taman­na meerar­taarusut­tumut kimul­luun­niit erloqis­sutaasar­poq, Han­nal­li nalaani aliasuutaangaar­tar­poq. Kinguaajusut ilaqutariit atian­nik ingerlatitseq­qiinis­saat naatsorsuutigineqar­tar­poq. Er­nisuitsuuneq kan­ngunar­tutut nikanar­tutul­lu isigineqar­tar­poq.

⁴ Han­nap Penin­na aviliarisiman­ngitsuuguniuk im­maqa pis­sutsit naam­magalugit atorsin­naas­sagaluar­pai. Arlalin­nik aap­paqar­tar­neq Guutip siuner­tarin­ngilaa. Unam­mineq, saqitsaan­neq  uum­matik­kul­lu aliasun­neq nalingin­naap­put. Taman­na Guutip naatsiivim­mi Edenimi ataasiin­narmik aap­paqar­tar­nermut pilersitaanut naaper­tuutin­ngil­luin­nar­poq. (1 Mos 2:24) Arlalin­nik aap­paqar­tar­neq Biibilimi ajor­tumik al­laatigineqar­tuaan­nar­poq, Elkanal­lu inoqutaasa atugaan­nik oqalut­tuaq as­sersuutaal­luar­tut ilaan­naraat.

5. Sooq Penin­nap Han­na an­nikil­lior­tik­kusup­paa, qanorlu aliasutsit­tar­paa?

⁵ Elkanap Han­na asaner­paavaa. Juutit oqalut­tuatoqaat naaper­torlugit Han­na nuliar­taareq­qaar­paa kingusin­nerusuk­kul­lu Penin­na nulis­siul­lugu. Qanorluun­niit ik­kaluar­pat Penin­nap, Han­namik sin­ngagin­ningaar­tup, aviliani arlalitsigut an­nikil­lior­tit­tar­paa. Penin­nap qitor­nar­taarsin­naanini sak­kugalugu Han­na nikas­sar­tar­paa. Penin­na qitor­nar­pas­suaqar­poq meerar­taar­neril­lu tamaasa pingaakujun­neruler­tarluni. Han­na nal­liginagu isumatsaq­qaneranilu tup­pal­lersar­nagu er­nisuitsuunera pil­lugu aliasun­nerulersit­tar­paa. Biibilimi al­las­simavoq Penin­nap ‘Han­na asis­sor­taraa narrunarsar­tarlugulu’. (1 Sam 1:6) Penin­nap piaaraluni Han­na aliasutsit­tar­paa.

6, 7. (a) Elkanap tup­pal­lersar­niaraluarmani sooq Han­nap qanoq pineqar­tar­nini oqaatigerusus­simas­san­ngilaa? (b) Han­nap er­nisuitsuunera Jehovamit iluarineqan­ngin­neratut paasisariaqar­pa? Nas­suiaruk. (Qup­per­nerup ataatungaani ilan­ngus­saq takuuk).

⁶ Penin­nap ukiumoor­tumik Shilomut angalanermi Han­na aliatsatsis­sal­lugu nuan­nariner­paagunar­paa. Elkanap Penin­nap qitor­nar­pas­sui – “er­nerilu paniilu tamaasa” – Jehovamut pil­liutigineqar­tus­sanik amerlasuunik tunisar­pai. Hannali, asane­qartoq, immik­kut ittumik tunine­qar­tarpoq. Hannan­nguak­kuluk qitor­naatsuunini pillugu Penin­namit ningar­tumit nikas­sarne­qarta­ngaarami qia­sarpoq nerinis­sanilu nakeriun­naar­tarlugu. Elkanap asasani aliasut­toq nererusun­ngitsorlu maluginiaramiuk tup­pal­lersar­niarlugu ima aperaa: “Han­na, sooq qiavit neriumanal­lu? Sooq taama nikal­lungatigaat? Qulinik er­ner­taarsin­naanermit uanga pingaar­nerutin­ngilinga?” – 1 Sam 1:4-8.

⁷ Han­nap qitor­naatsuunerminik aliasuutigin­nin­neranik paasin­nin­nera pil­lugu Elkana nersor­neqar­tariaqar­poq. Qular­nan­ngitsumil­lu Han­nap asan­nin­nermik ersersitsivigineqar­nini qujamasuutigaa. * Elkanal­li Penin­nap ajor­tumik pin­nit­tar­nera eq­qaan­ngilaa, aam­ma taamatut nikas­sar­neqar­tar­nini pil­lugu Han­nap uiminut  oqalut­tuar­nera Biibilimi eq­qaaneqan­ngilaq. Im­maqa taamaalioruni pis­sutsit atuk­kani ajor­neruliin­nas­sasut nalun­ngilaa. Elkana pis­sutsit al­lan­ngor­tin­niarlugit iliuuseqarsin­naava? Han­na taamaalioruni Penin­namit ajor­nerusumik pineqar­talis­sal­lunilu taas­suma qitor­naanit kif­faanil­lu ajor­tumik pineqar­talis­sava? Han­na ilaqutariin­nit ajat­tor­neqar­nerusutut misigineruliin­nas­saaq.

8. Sooq ajor­tumik naaper­tuil­luan­ngitsumil­luun­niit pineqar­nermi Jehovap naaper­tuil­luar­nermut Guutiuneranik ilisimaarin­nin­neq tup­pal­lersaatigis­saviuk?

⁸ Naluar­put Penin­nap qanoq ajor­tigisumik pin­nit­tar­nera Elkanap nalun­ngin­neraa, nalun­ngilar­pul­li Jehovap Guutip pisut tamaasa ilisimagai. Oqaasianit erser­poq suut tamaasa takusin­naagai, taman­nalu sin­ngal­lutik uumis­suil­lutil­lu iliuuseqar­tar­tunut tamanut mianersoq­qus­sutaavoq. Inuil­li Han­natut pisuus­suteqan­ngitsut eq­qis­sinermil­lu nuan­narisaqar­tut naaper­tuil­luar­nermut Guutip pif­fis­sani nal­liup­pat sunik tamanik aaq­qiiumaar­nerata ilisimaarinera tup­pal­lersaatigisin­naavaat. (5 Mosesi 32:4 atuaruk). Jehovamut ikior­tis­sarsiorami im­maqa taman­na Han­nap nalun­ngilaa.

9. Han­nap aviliaminit ajor­tumik pineqar­nis­sani nalun­ngik­kaluarlugu Shilomut angalaqataarusun­nera qanoq ilin­niarfigisin­naavar­put?

⁹ Inoqutigiit ul­laap tungaani ulap­pup­put. Ilaqutariit tamarmik, al­laat meeq­qat, aal­lar­nis­samut piareersar­put. Ilaqutariit il­loqarfim­mi Ramami najugaqaramik Shilomukarumal­lutik 30 kilometerit sin­nerlugit Efraimip qaq­qalit­taatigut angalasus­saap­put. Pisuin­narluni angalaneq ul­lormik ataatsimik marlun­nil­luun­niit sivisus­suseqas­saaq. Han­nap aviliaminit ajor­tumik pineqar­nis­sani nalun­ngilaa. Taamaat­torli aal­laqataavoq. Taamaalil­luni ul­lumik­kut Guutimik pal­lorfigin­nit­tunut maligas­siuil­luar­poq. Al­lat ajor­tumik pis­susilersor­tar­nerat Guutimik pal­lorfigin­nin­nitsin­nut akor­nutaatis­sal­lugu silatusaar­nerun­ngisaan­nar­poq. Taamaaliorut­ta pil­luaq­qus­sutit piner­tusaar­nis­satsin­nut nakus­satsis­sutigisin­naasavut misigin­ngitsuus­savavut.

10, 11. (a) Sooq Han­na periarfis­saqalerami Tupermut Naapeqatigiit­tarfim­mukar­pa? (b) Han­nap uum­mam­miuni Ataataminut qilam­miusumut qinunik­kut qanoq oqalut­tuarai?

¹⁰ Qaq­qat aq­quser­ngisigut sangujoraar­tutigut ul­loq naal­lugu pisoreerlutik ilaqutariit kiisami Shilomit ungasigun­naar­put. Il­loqarfik qaq­qanit avatanger­neqarsimasumi qat­tunermiip­poq. Qanil­liar­tor­til­lutik Han­nap qinunik­kut Jehovamut oqaasis­sani eq­qarsaatigisimas­savai. Ilaqutariit apuuk­kamik nereqatigiip­put. Han­na periarfis­saqalerami ilaqut­taminit qimagup­poq Tupermul­lu Naapeqatigiit­tarfim­mukarluni. Palasiuneq Eli Toq­qup Naapeqatigiit­tarfiup matuata matserfiata kil­lingani is­siavoq. Han­nal­li qinunis­sani eq­qarsaatigigamiuk Eli maluginian­ngilaa. Tupermi Naapeqatigiit­tarfim­mi tusar­neqar­nis­sani  qularin­ngilaa. Nalun­ngilaa al­lat paasin­ngik­kaluar­pan­ni Ataatami qilam­miusup erloqinar­torsior­nini paasisin­naagaa. Aliasungaaler­poq qis­saserlunilu.

¹¹ Jehovamut qinutil­luni Han­na sajut­tuin­nan­ngor­poq. An­niaatiminik isum­mamigut oqaasin­ngor­titsigami qarlui aalap­put. Uum­mam­miuni Ataataminut oqalut­tuariniarlugit sivisuumik qinuvoq. Er­ner­taar­nis­saminil­li Guuti qin­nuigiin­nan­ngilaa. Han­nap pil­luaq­quneqar­nis­sani kis­saatigiin­nar­nagu Guuti pitsaaner­paamik tunerusup­paa. Taamaat­tumik neriorsuivoq er­ner­taaruni meeraq Jehovamut kif­far­tor­tuar­tus­satut tun­niun­niarlugu. – 1 Sam 1:9-11.

12. Han­nap maligas­siuineranit ersersin­neqar­tutut qinunermut tun­ngatil­lugu suna eq­qaamasariaqar­par­put?

¹² Han­na qinunermut tun­ngatil­lugu Guutip kif­faanut tamanut maligas­saal­luar­poq. Meeq­qap angajoq­qaaminik asan­nit­tunik tatigin­nil­luni oqaloqateqar­tar­neratut Jehovap in­nut­tani im­minut saaf­figin­neq­qul­lugit nangaas­suteqaratil­lu isumakuluutitik pil­lugit oqalut­tuar­taq­qul­lugit asan­nit­tumik kajumis­saar­pai. (Tussiaat 62:9; 1 Thessalonikamiut 5:17 atuakkit). Apustilip Petrusip isumas­sarsisitaanermigut Jehovamut qinuneq tup­pal­ler­nar­tumik ima al­laatigaa: “[Isumakuluutisi] tamaasa taas­sumun­nga pisis­sigit isumas­sormasi.” – 1 Petr 5:7.

13, 14. (a) Han­na pil­lugu Eli qanoq eq­qun­ngitsumik isum­mer­pa? (b) Eli akigamiuk Han­na qanoq up­per­nik­kut maligas­siuil­luar­pa?

¹³ Inuil­li Jehovatut paasin­nis­sin­naatiginatil­lu misigin­neqataatigisin­naan­ngil­lat. Han­nap qiaatigaluni qinunermini Elimit, palasiunermit, ima oqarfigineqar­nini tupaal­laatigaa: “Qanoq sivisutigisumik aalakuus­sagavit? Silat­torsar­niarit!” Han­nap qarluisa aalanerat, qianera misigis­sutsik­kul­lu naner­tisimanera Elip maluginiar­pai. Sunersoq apereq­qaar­nagu isum­mer­poq Han­na aalakoor­toq. – 1 Sam 1:12-14.

¹⁴ Han­nap an­nikil­lior­nermini – ataq­qinar­tumik inis­sisimaf­filim­mit – tun­ngavis­saqan­ngitsumik un­nerluutigineqar­nini aliatsaatigisimas­savaa. Taamaat­torli nersor­nar­tumik up­per­nik­kut aam­maarluni maligas­siuivoq. Inuk naam­mal­luin­nan­ngitsoq Jehovamik pal­lorfigin­nin­nerminut akor­nutaatin­ngilaa. Eli ataq­qin­nit­tumik akivaa atuk­kanilu pil­lugit nas­suiaal­lugu. Eli, im­maqa saamar­palun­nerul­luni, ima oqar­poq: “Eq­qis­sil­lutit aal­larit! Israelip Guutiata qin­nutigisan­nik tunis­savaatit.” – 1 Sam 1:15-17.

15, 16. (a) Han­nap uum­mam­miumi Jehovamut oqalut­tuarinerat Tupermilu Naapeqatigiit­tarfim­mi Jehovamik pal­lorfigin­nin­nini qanoq iluaqutigai? (b) Misigis­sutsinik nikal­lor­nar­tunik akiugaqar­nitsin­ni Han­na qanoq ilaarsin­naavar­put?

¹⁵ Han­nap uum­mam­miumi Jehovamut oqalut­tuarinerat  Tupermilu Naapeqatigiit­tarfim­mi Jehovamik pal­lorfigin­nin­nini qanoq iluaqutigai? Biibilimi ima al­las­simavoq: “Kingumut nerisaler­poq isik­kualu aliasup­paluk­kun­naarluni.” (1 Sam 1:18) Han­na eq­qis­sial­lap­poq. Misigis­sutsik­kut naner­tuutini im­minit pis­saaneqar­nerungaar­tumut, Ataataminut qilam­miusumut, tun­niup­pai. (Tussiaat 55:23 atuaruk). Taas­suma ajor­nar­torsiutit suul­luun­niit aaq­qis­sin­naavai? Soorunami!

¹⁶ Naqisimaneqar­tutut sapilersutul­lu misiginitsin­ni aliasungaar­nitsin­niluun­niit Biibili naaper­torlugu ‘qin­nutinik tusar­tar­tumut’ un­neq­qaril­luta saaf­figin­nin­nitsigut Han­na ilaar­tariaqar­par­put. (Tus­s 65:3) Up­per­nik­kut taamaaliorut­ta uagut­taaq misigisin­naavar­put aliasun­ner­put ‘eq­qis­sinermik Guutimit pisumik siuneqas­suser­nit tamanit an­nerungaar­tumik’ taarser­neqar­toq. – Fil 4:6, 7.

17, 18. (a) Elkanap nuliami neriorsuutaanik tapersersuil­luni qanoq ersersip­paa? (b) Penin­nap Han­na susin­naajun­naar­paa?

¹⁷ Aqaguani Han­na Elkana ilagalugu Tupermut Naapeqatigiit­tarfim­mukaq­qip­poq. Mosesip inatsisai naaper­torlugit nuliaasup nam­mineerluni neriorsuutai uiusup atuuk­kun­naarsis­sin­naam­magit Han­nap uini neriorsuutini pil­lugu oqalut­tuus­simas­savaa. (4 Mos 30:11-16) Elkanal­li aalajaatsup nuliami neriorsuutai atuuk­kun­naarsin­ngilai. Angerlan­ngin­nermin­nili Tupermi Naapeqatigiit­tarfim­mi marluul­lutik Jehovamik pal­lorfigin­nip­put.

¹⁸ Qanga Penin­nap Han­namik nikas­saasin­naajun­naar­nini paasivaa? Taman­na Biibilimi eq­qaaneqan­ngilaq, oqaatsimil­li ‘aliasuppasikkunnaarpoq’-mit erser­poq Han­na nuan­naalerlunilu isumakuluk­kun­naar­toq. Qanorluun­niit ik­kaluar­pat Penin­nap ajor­tumik pis­susilersor­tar­nini sun­niuteqarun­naar­toq paasivaa. Aq­qa Biibilimi eq­qaaneqaq­qin­ngisaan­nar­poq.

19. Han­na qanoq pil­luaq­quneqar­pa, qanorlu ersersip­paa kimit pil­luaq­quneqar­nini puiun­ngisaan­narlugu?

¹⁹ Qaam­matit ingerlaneran­ni Han­na qamuuna eq­qis­sisimanermi saniatigut pil­luangaaler­poq. Naar­tuvoq! Han­nap nuan­naar­nermini kimin­ngaan­niit pil­luaq­quneqar­nini puiun­ngisaan­nar­paa. Er­ner­taani Samuelimik, ‘Guutip aq­qanik’ isumaqar­tumik, atser­paa. Taman­nalu Guutip aq­qanik torlorfigin­nin­nermut, Han­nap iliuusaanut, in­nersuus­sutaagunar­poq. Ukiumi tamatumani uini ilaqut­tanilu Shilomukaqatigin­ngilai. Er­nini miluerserlugu, pingasunik ukioqaler­nis­saata tungaanut, angerlarsimaqatigaa. Taava er­nermi asasami tun­niun­nis­saanut misigis­sutsik­kut piareersaler­poq.

20. Han­nap Elkanal­lu Jehovamut neriorsuuter­tik qanoq piviusun­ngor­tip­paat?

²⁰ Er­nini qimak­kamiuk ar­torsangaarsimas­saaq. Samuelip Shilomi,  im­maqa Tupermi Naapeqatigiit­tarfim­mi ar­nanit kif­far­tor­tunit, paaril­luar­neqar­nis­saa Han­nap soorunami nalun­ngilaa. Taamaak­kaluar­torli Samueli suli mikisun­nguum­mat najorusus­simas­sagaluar­paa. Han­nal­li Elkanal­lu nukap­piaraq nangaanatik qujamasul­lutil­lu Shilomukaap­paat. Guutip il­luani pil­liuteqareeramik Han­nap ukiut pingasut sioq­qul­lugit neriorsuuteqarsimaneranik Eli eq­qaasip­paat Samuelilu tun­niul­lugu.

21. Han­nap Jehovamut qin­nutaa up­perluar­neranik qanoq ersersitsiva? (Aam­ma takuuk ungalusaq “Qin­nutit marluk maluginiar­nar­tut”).

²¹ Taava Han­na, Guutip oqaatsiminut isumas­sarsiarititaasumut ilan­ngun­neqar­nis­samut qin­ngaq­qun­nan­ngitsutut isigisaanik, qinuvoq. Qin­nutaa Samuelimik al­lak­kat siul­liit 2:1-10 al­las­simasoq atuar­til­lugu paasis­savat up­persuseqangaar­toq. Jehovap tupin­naan­nar­tumik pis­saanerminik atuisin­naanera – makitasuunik nikanar­tun­ngor­titsisin­naanera, naqisimaneqar­tunik pil­luaq­qusisin­naanera, toqutitsisin­naanera al­laal­lu toqumit aniguisitsisin­naanera – un­nersiutigaa. Ataatami as­seqan­ngitsumik il­ler­nar­tuunera, naaper­tuil­luar­tuunera aalajaatsuuneralu un­nersiutigai. Han­na pis­sutis­saqarluarluni ima oqar­poq: ‘Qaarsoqan­ngilaq Guutitsitut.’ Jehova tatiginar­tuul­lunilu al­lan­ngun­ngisaan­narlunilu naqisimaneqar­tunut qunusiaasunul­lu im­minut ikior­tis­sarsior­tunut tamanut oq­qif­fiuvoq.

22, 23. (a) Sooq oqarsin­naavugut Samueli angajoq­qaaminit asaneqar­nini ilisimaaralugu peroriar­tor­toq? (b) Jehovap Han­na aam­ma qanoq pil­luaq­quaa?

²² Nukap­piaq­qap Samuelip Jehovamut up­perluar­tumik anaanaqar­nini im­mik­kut pisin­naatitaaf­figaa. Peroriar­tor­nermini anaanani maqaasisaraluarlugu puior­neqan­ngisaan­nar­tutut misigivoq. Ukiut tamaasa  Han­na qal­lersaateeraliani Samuelip Tupermi Naapeqatigiit­tarfim­mi atugas­saa nas­sarlugu Shilomukar­tar­poq. Qal­lersaateeraq er­nerminik asan­ningaar­neranut takus­sutis­saavoq. (1 Samueli 2:19 atuaruk). Takorloorsin­naavar­put Han­nap asan­nip­palut­tumik tup­pal­ler­nar­tumil­lu oqalul­luni qal­lersaateeraq nam­mineq sanaani er­nerminut atitit­taraa. Samuelip taamaat­tumik anaanaqar­nini im­mik­kut pisin­naatitaaf­figaa, aam­ma angajoq­qaaminut Israelik­kun­nul­lu tamanut pil­luaq­qus­sutaal­luni peroriar­tor­poq.

²³ Han­na aam­ma puior­neqan­ngisaan­nar­poq. Jehovamit pil­luaq­quneqar­nermigut tal­limanik al­lanik qitor­nar­taar­poq. (1 Sam 2:21) Han­nap Ataataminut, Jehovamut, ukiut ingerlaneran­ni at­taveqarluar­nerujar­tuin­nar­nini im­maqa pil­luaq­qus­sutisiaasa an­ner­paar­taraat. Aam­ma il­lit Han­na up­per­nik­kut ilaaruk­ku Jehovamut at­taveqarlualersin­naavutit.