Atuak­kani ujarlerfis­siani ukunani ersersin­neqar­tutut Jiisusi Kristusi ul­loq sunar­piaq inun­ngor­toq Biibilimi eq­qaaneqan­ngilaq:

•   “Ul­loq Jiisusip inuuf­fia ilisimaneqan­ngilaq.” – Højtider og fester.

•   “Qangar­piaq Kristusi inun­ngor­toq naluar­put.” – Encyclopedia of Early Christianity.

 Qanga Jiisusi inun­ngor­toq Biibilimi al­las­siman­ngik­kaluar­toq inun­ngor­nerata nalaani pisut al­laatigineqar­tut marluk tun­ngavigalugit inup­pas­suit iner­niliip­put decembarip 24-an­ni imaluun­niit 25-an­ni inun­ngun­ngitsoq.

Ukiukkut inunngunngilaq

1.   Inuit kisinneqarnerat. Jiisusi inun­ngun­ngitsiar­toq kaasari Augustusi “peq­qusivoq silarsuarmi tamarmi inuit kisin­neqas­sasut”. Inuit tamarmik “im­mik­kut il­loqarfim­min­nut” al­latsik­kiar­tor­tus­saagamik sapaatip-akun­neranik ataatsimik sivisunerusumil­luun­niit sivisus­susilim­mik angalasus­saagunar­put. (Lukasi 2:1-3) Peq­qus­sut – inuit akileraar­tin­nis­saan­nik sak­kutuun­ngor­tin­nis­saan­nil­lu tun­ngaveqarunar­toq – ukiup qanoq ilinera apeq­qutaatin­nagu iluarineqar­naviarunan­ngilaq, Augustusil­li in­nut­tani ukiuk­kut pin­ngitsaalil­lugit ungasis­sumut angalatin­nerisigut kamas­sarsimas­sagai ilimanan­ngilaq.

2.   Savat. ‘Savanik paarsisut narsaam­mi un­nuami savaatitik paaraat.’ (Lukasi 2:8) Atuagaq La Vie Quotidienne en Palestine au Temps de Jesus (Jiisusip nalaani Palæstinami ul­luin­nar­ni inuuneq) naaper­torlugu nersutaatit “poorski sapaatip-akun­neranik ataatsimik sioq­qul­lugu”, tas­sa marsip naanerani, silamiisin­neqaleraangamik aatsaat novembarip qiteq­qun­nerani nersutaasivim­mut eq­qun­neqar­tar­put. Ima nangil­luni al­las­simasoqar­poq: “Ukiuk­kut ... savat inaan­niit­tar­put, taman­nar­piarlu pis­sutigalugu paasineqarsin­naavoq ukiuunerani juul­limut ul­loritin­neqar­tar­toq eq­qor­tuusin­naan­ngitsoq, iivangkiiliumimi al­las­simam­mat savanik paarsisut narsaam­miit­tut.”

Ukiariartornerani inunngorpoq

 Jiisusip ukiumi 33-mi Kr.in.king. nisanip 14-ian­ni uper­naak­kut poorskimi toquf­fianiit ukiut kingumut naatsorsorutsigit qanga inun­ngor­nera eq­qoriarsin­naavar­put. (Johan­nesi 19:14-16) Jiisusip oqaluus­sinini ukiunik pingasunik af­farmil­lu sivisus­susilik aal­lar­tik­kamiuk 30-t mis­siliorlugit ukioqar­poq, taamaat­tumik ukiumi 2 Kr.in.si. ukiariar­tor­nerani inun­ngorsimas­saaq. – Lukasi 3:23.

 Jiisusip decembarip 24-an­ni inun­ngor­neranut up­per­narsaatis­saqan­ngim­mat taava sooq ul­lormi tas­sani juul­lisior­toqar­tar­pa? Encyclopædia Britannica-mi al­las­simavoq Romamiut Guutimik nalusut ul­lukin­nermi ‘seqer­nup ajugaaf­figineqarsin­naan­ngitsup inuuianik’ nal­lius­sisar­nerat pis­sutigigunarlugu oqaluf­fiit siut­tuisa ul­loq taan­na toq­qaraat. The Encyclopedia Americana naaper­torlugu up­perisarsior­nermik ilisimatuut amerlasuut isumaqar­put “Guutimik nalusut kristumiun­ngor­tut kristumiuus­suseq akuerinias­sam­mas­suk” taamaalior­toqar­toq.