Jiisusip inuunini uter­titsis­sutitut pil­liutigigamiuk inuit aalajaatsut an­naap­pai. (Mat­thæusi 20:28) Taamaat­tumik Biibilimi ‘silarsuarmik an­naas­sisutut’ taaneqar­poq. (1 Johan­nesi 4:14) Aam­ma al­las­simavoq: “[Al­lak­kut] an­naf­fis­saqan­ngilaq, ilami inuit qilaap ataani atermik al­lamik tunineqarsiman­ngil­lat an­naan­neqaatis­satsin­nik.” – Apustilit Suliaat 4:12.

 Jiisusi im­minut up­per­tut tamaasa pil­lugit ‘toqumik misigisaqar­poq’. (Hebræerit 2:9; Johan­nesi 3:16) Tamatuma kingor­na ‘Guutimit toqusunit makitin­neqarami’ Jiisusi anersaatut qilam­mut uter­poq. (Apustilit Suliaat 3:15) Qilam­mi Jiisusip “naam­mal­luin­nar­tumik an­naas­sin­naavai aq­qutigaluni Guutimut pisut, tas­sa inuut­tuin­nar­tuugami qin­nuk­kumal­lugil­lu”. – Hebræerit 7:25.

Sooq Jiisusimit qinnunneqarnissarput pisariaqartipparput?

 Tamat­ta ajor­tiliuvugut. (Romamiut 3:23) Ajor­ti pis­sutigalugu Guutimit avis­saarlutalu toqusar­pugut. (Romamiut 6:23) Jiisusili uter­titsis­sutitut pil­liutiminik up­perin­nit­tunut ‘il­lersuisuuvoq’. (1 Johan­nesi 2:1) Up­per­tut qin­nutaasa tusar­neqar­nis­saat pil­liutitul­lu toqunini tun­ngavigalugu ajor­timin­nik isumak­keerfigineqar­nis­saat Jiisusip Guutimut qin­nutigisar­paa. (Mat­thæusi 1:21; Romamiut 8:34) Jiisusip qin­nutai Guutip piumasaminut naaper­tuum­mata akisar­pai. Guutip Jiisusi nunarsuarmut aal­lar­tip­paa silarsuaq “taas­sumuuna an­naan­neqaq­qul­lugu”. – Johan­nesi 3:17.

Jiisusimut uppernerput annaanneqarnissatsinnut taamaallaat aalajangiisuua?

 Naamik. An­naan­neqarumal­luta Jiisusi up­periin­nar­nagu iliuuseqar­tariaqar­pugut. (Apustilit Suliaat 16:30, 31) Biibilimi al­las­simavoq: “Soorlumi timi anersaar­tun­ngitsoq toqungasoq, taamat­taaq up­per­neq sulianik ilaqan­ngitsoq toqungavoq.” (Jaaku 2:26) Taamaat­tumik an­naan­neqarumal­luta:

•   Jiisusi Ataataalu, Jehova, pil­lugit ilin­niar­tariaqar­pugut. – Johan­nesi 17:3.

•   Up­perisariaqar­pavut. – Johan­nesi 12:44; 14:1.

•   Peq­qus­sutaasa naalan­nerisigut up­per­ner­put ersersit­tariaqar­par­put. (Lukasi 6:46; 1 Johan­nesi 2:17) Jiisusip ilin­niar­tip­paatigut im­minut kinaluun­niit oqar­toq “Naalagaq” an­naan­neqar­navian­ngitsoq, Ataatamili “qilan­niit­tup piumasaanik iliortoq kisimi”. – Mat­thæusi 7:21.

•   Ar­tor­nar­torsioraluarluta up­per­ner­put ersersit­tuar­tariaqar­par­put. Jiisusip taman­na erseq­qis­sar­paa ima oqarluni: “[Naggatis­samut] nikal­lujuitsuusoq an­naan­neqas­saaq.” – Mat­thæusi 24:13.