ចម្រៀងសរសើរព្រះ ១២៤:១-៨
ចម្រៀងរបស់អ្នកធ្វើដំណើរឡើងទៅក្រុង។ ទំនុករបស់ដាវីឌ។
១២៤ «បើព្រះយេហូវ៉ាមិនបាននៅជាមួយនឹងយើងទេ»+សូមឲ្យអ៊ីស្រាអែលពោលម្ដងទៀតថា៖
២ «បើព្រះយេហូវ៉ាមិនបាននៅជាមួយនឹងយើងទេ+ពេលដែលពួកសត្រូវក្រោកឡើងវាយប្រហារយើង+
៣ ពេលពួកគេខឹងយើងយ៉ាងខ្លាំង+នោះពួកគេច្បាស់ជាត្របាក់លេបយើងទាំងរស់ជាមិនខាន។+
៤ ទឹកនឹងកញ្ឆក់យើងទៅទឹកនឹងហូរត្របាញ់ទាញនាំយើងទៅបាត់។+
៥ ទឹកនឹងបោកបក់សង្គ្រុបមកលើយើង។
៦ សូមឲ្យព្រះយេហូវ៉ាបានទទួលការសរសើរព្រោះលោកមិនព្រមប្រគល់យើងទៅឲ្យពួកគេធ្វើជាចំណីទេ។
៧ យើងប្រៀបដូចជាសត្វស្លាបដែលរួចពីអន្ទាក់របស់នាយព្រាន។+
អន្ទាក់នោះខូច ហើយយើងបានរួចខ្លួន។+
៨ យើងទទួលជំនួយពីព្រះដែលមាននាមយេហូវ៉ា+ជាព្រះដែលបានបង្កើតមេឃនិងផែនដី»។
