ចម្រៀងសរសើរព្រះ ៩១:១-១៦
៩១ អ្នកណាដែលអាស្រ័យនៅក្នុងទីកំបាំងរបស់ព្រះដ៏ខ្ពង់ខ្ពស់បំផុត+អ្នកនោះនឹងជ្រកក្រោមម្លប់របស់ព្រះដែលមានឫទ្ធានុភាពខ្លាំងក្លាបំផុត។+
២ ខ្ញុំនឹងនិយាយទៅកាន់ព្រះយេហូវ៉ាថា៖ «លោកជាទីពឹងជ្រករបស់ខ្ញុំនិងជាបន្ទាយការពារខ្ញុំ+ហើយលោកជាព្រះដែលខ្ញុំទុកចិត្ត»។+
៣ ព្រោះលោកនឹងជួយអ្នកឲ្យរួចផុតពីអន្ទាក់របស់ព្រានសត្វស្លាបនិងពីរោគរាតត្បាតដែលនាំឲ្យវិនាសអន្តរាយ។
៤ លោកនឹងគ្របបាំងអ្នកដោយចំអេងស្លាបរបស់លោកហើយនៅក្រោមស្លាបរបស់លោក អ្នកនឹងបានជ្រកកោន។+
សេចក្ដីស្មោះត្រង់របស់លោក+នឹងដូចជាខែលធំ+ និងជាកំពែងការពារអ្នក។
៥ អ្នកនឹងមិនភ័យខ្លាចអ្វីដែលគួរឲ្យតក់ស្លុតនៅពេលយប់ឡើយ+ក៏នឹងមិនភ័យខ្លាចព្រួញដែលបាញ់មកនៅពេលថ្ងៃដែរ។+
៦ អ្នកនឹងមិនភិតភ័យរោគរាតត្បាតដែលកើតក្នុងទីងងឹតទេហើយក៏មិនភិតភ័យសេចក្ដីហិនវិនាសនៅពេលថ្ងៃត្រង់ដែរ។
៧ ទោះបីជា១.០០០នាក់ដួលស្លាប់នៅក្បែរអ្នកឬ១០.០០០នាក់បាត់បង់ជីវិតនៅខាងស្ដាំដៃរបស់អ្នកក៏ដោយតែអ្នកនឹងគ្មានថ្ងៃជួបរឿងដូចនោះឡើយ។+
៨ កាលដែលអ្នកឃើញមនុស្សទុច្ចរិតទទួលទោសអ្នកបានត្រឹមតែមើលប៉ុណ្ណោះ។
៩ ដោយសារអ្នកបាននិយាយថា៖ «ព្រះយេហូវ៉ាជាទីពឹងជ្រករបស់ខ្ញុំ»។
អ្នកបានយកព្រះដ៏ខ្ពង់ខ្ពស់បំផុតធ្វើជាទីជ្រកកោន*របស់អ្នក។+
១០ គ្មានអន្តរាយណានឹងកើតឡើងដល់អ្នកទេ+ហើយក៏គ្មានទុក្ខវេទនាណានឹងមកជិតលំនៅរបស់អ្នកដែរ។
១១ ព្រោះលោកនឹងបង្គាប់បណ្ដាទេវតា+របស់លោកឲ្យការពារអ្នកនៅគ្រប់កន្លែងដែលអ្នកទៅ។+
១២ ពួកគេនឹងទ្រអ្នកលើដៃរបស់ពួកគេ+ដើម្បីកុំឲ្យជើងរបស់អ្នកទង្គិចនឹងថ្ម។+
១៣ អ្នកនឹងជាន់តោស្ទាវនិងពស់វែកអ្នកនឹងតន្ត្រំលើសិង្ហស្ទាវនិងពស់ដ៏ធំ។+
១៤ ព្រះមានប្រសាសន៍ថា៖ «ដោយសារគាត់ស្រឡាញ់ខ្ញុំ នោះខ្ញុំនឹងសង្គ្រោះគាត់+ខ្ញុំនឹងការពារគាត់ ព្រោះគាត់ស្គាល់*នាមរបស់ខ្ញុំ។+
១៥ គាត់នឹងហៅរកខ្ញុំ ហើយខ្ញុំនឹងតបឆ្លើយទៅគាត់+ខ្ញុំនឹងនៅជាមួយនឹងគាត់ក្នុងគ្រាលំបាក+ខ្ញុំនឹងជួយសង្គ្រោះគាត់ ហើយលើកតម្កើងគាត់។
១៦ ខ្ញុំនឹងឲ្យគាត់មានអាយុវែង និងមានសេចក្ដីសុខក្នុងជីវិត+ហើយខ្ញុំនឹងឲ្យគាត់ឃើញសេចក្ដីសង្គ្រោះពីខ្ញុំ»។+
