យ៉ូប ៣៦:១-៣៣
-
អេលីហ៊ូលើកតម្កើងភាពឧត្តុង្គឧត្តមរបស់ព្រះដែលរកយល់មិនបាន (១-៣៣)
-
អ្នកដែលស្ដាប់បង្គាប់នឹងចម្រុងចម្រើន។ មនុស្សឥតកោតខ្លាចព្រះនឹងត្រូវបដិសេធ (១១-១៣)
-
‹តើមានអ្នកបង្រៀនណាអាចប្រៀបផ្ទឹមនឹងព្រះបាន?› (២២)
-
យ៉ូបគួរលើកតម្កើងព្រះ (២៤)
-
«ព្រះគឺខ្ពង់ខ្ពស់ហួសពីការដែលយើងអាចយល់បាន» (២៦)
-
ព្រះកាន់កាប់លើទឹកភ្លៀងនិងរន្ទះ (២៧-៣៣)
-
៣៦ អេលីហ៊ូស្រដីបន្ថែមទៀតថា៖
២ «សូមអត់ធ្មត់ស្ដាប់ខ្ញុំពន្យល់បន្តិចសិនព្រោះខ្ញុំនៅមានពាក្យពេចន៍ជាច្រើនដែលត្រូវនិយាយតាងនាមព្រះ។
៣ ខ្ញុំនឹងរៀបរាប់យ៉ាងក្បោះក្បាយអំពីអ្វីដែលខ្ញុំដឹងហើយខ្ញុំនឹងប្រកាសសេចក្ដីសុចរិតរបស់ព្រះដែលបង្កើតខ្ញុំ។+
៤ សម្ដីរបស់ខ្ញុំគឺជាពាក្យពិតឥតភូតភរពាក្យទាំងនេះមកពីលោកដែលមានចំណេះសព្វគ្រប់។+
៥ ប្រាកដណាស់ ព្រះមានឫទ្ធានុភាពខ្លាំងក្លា+ហើយលោកមិនដែលមើលងាយអ្នកណាម្នាក់ឡើយឯការយល់ដឹងរបស់លោកវិញ នោះជ្រាលជ្រៅខ្លាំងណាស់។
៦ លោកនឹងមិនទុកជីវិតឲ្យមនុស្សទុច្ចរិតឡើយ+ប៉ុន្តែ លោកផ្ដល់យុត្តិធម៌ដល់មនុស្សដែលរងទុក្ខវេទនា។+
៧ លោករមែងមើលមនុស្សសុចរិត+ ហើយលោកឲ្យពួកគេគ្រប់គ្រងជាស្ដេច*+ពួកគេទទួលបានកិត្តិយសជារៀងរហូត។
៨ ប៉ុន្តែ បើពួកគេរងទុក្ខលំបាកប្រៀបដូចជាជាប់ចំណងឬជាប់ខ្នោះ
៩ លោកនឹងបើកបង្ហាញឲ្យពួកគេដឹងអំពីទង្វើរបស់ខ្លួនពួកគេប្រព្រឹត្តអំពើខុសឆ្គង ដោយសារតែចិត្តអំណួត។
១០ លោកបើកត្រចៀកពួកគេឲ្យស្ដាប់ការប្រដៅតម្រង់ហើយប្រាប់ពួកគេឲ្យជៀសចេញពីការប្រព្រឹត្តអំពើខុសឆ្គង។+
១១ បើពួកគេស្ដាប់បង្គាប់ហើយបម្រើលោកជីវិតពួកគេនឹងជួបតែភាពចម្រុងចម្រើននិងមានសុភមង្គលរហូតដល់មរណា។+
១២ ប៉ុន្តែ បើពួកគេមិនស្ដាប់បង្គាប់ ពួកគេនឹងបាត់បង់ជីវិតដោយមុខដាវ*+ហើយស្លាប់ទៅទាំងគ្មានចំណេះដឹង។
១៣ មនុស្សឥតកោតខ្លាចព្រះ*ចេះតែមានគំនុំគុំកួនសូម្បីតែលោកដាក់ទោសពួកគេ ក៏ពួកគេមិនស្រែកសុំអ្នកណាឲ្យជួយដែរ។
១៤ ពួកគេប្រើជីវិត*រួមជាមួយនឹងប្រុសពេស្យានៅវិហារ+ពួកគេស្លាប់ក្នុងពេលនៅក្មេងនៅឡើយ។+
១៥ ប៉ុន្តែព្រះសង្គ្រោះមនុស្ស អំឡុងពេលដែលពួកគេជួបទុក្ខវេទនាលោកបើកត្រចៀកពួកគេ ពេលពួកគេរងការសង្កត់សង្កិន។
១៦ លោកទាញអ្នកចេញពីទុក្ខដ៏សែនធ្ងន់+ហើយនាំទៅដល់កន្លែងធំទូលាយដែលមានសេរីភាព+ទាំងមានអាហារបរិបូរនៅលើតុដើម្បីជាការសម្រាលទុក្ខដល់អ្នក។+
១៧ រួចអ្នកនឹងពេញចិត្តចំពោះការវិនិច្ឆ័យទោសមនុស្សទុច្ចរិត+ពេលការវិនិច្ឆ័យនោះបានត្រូវធ្វើឡើងដោយយុត្តិធម៌។
១៨ ប៉ុន្តែ សូមប្រយ័ត្នកុំឲ្យកំហឹងបណ្ដាលឲ្យអ្នកចងគំនុំ+ហើយកុំឲ្យអ្នកវង្វេងចេញដោយសារសំណូកយ៉ាងធំឡើយ។
១៩ តើការស្រែកសុំជំនួយឬការខំព្យាយាមរបស់អ្នកនឹងជួយអ្នកឲ្យជៀសផុតពីទុក្ខលំបាកឬ?+
២០ កុំចង់ឲ្យយប់ឆាប់មកដល់ឡើយព្រោះនោះជាពេលដែលមនុស្សត្រូវបាត់ពីកន្លែងរបស់ពួកគេ។
២១ ចូរអ្នកប្រយ័ត្នកុំបែរទៅធ្វើអាក្រក់កុំគិតថានោះល្អជាងការរងទុក្ខវេទនាឲ្យសោះ។+
២២ មើល! ព្រះបានត្រូវសរសើរតម្កើងដោយសារលោកមានឫទ្ធានុភាព។
តើមានអ្នកបង្រៀនណាអាចប្រៀបផ្ទឹមនឹងលោកបាន?
២៣ ពេលលោកធ្វើអ្វីមួយ តើមានអ្នកណាអាចជំទាស់*លោកបាន?+
ឬតើមានអ្នកណាហ៊ានប្រាប់លោកថា‹អ្វីដែលលោកធ្វើគឺខុស›?+
២៤ សូមកុំភ្លេចលើកតម្កើងកិច្ចការរបស់លោក+ដែលមនុស្សតែងច្រៀងសរសើរ។+
២៥ មនុស្សជាតិទាំងឡាយបានឃើញកិច្ចការទាំងនោះពួកគេមើលអ្វីទាំងនោះពីចម្ងាយ។
២៦ ព្រះគឺខ្ពង់ខ្ពស់ហួសពីការដែលយើងអាចយល់បាន+គ្មានអ្នកណាអាចរាប់អាយុរបស់លោកបានឡើយ។*+
២៧ លោកបង្ហួតទឹកឡើងទៅលើ+ ឲ្យកើតជាចំហាយហើយក្លាយទៅជាកំណក រួចទៅជាតំណក់ទឹក។
២៨ រួចពពកបង្អុរភ្លៀងចុះមក+ស្រោចស្រពលើមនុស្សគ្រប់ប្រាណ។
២៩ តើអ្នកណាអាចយល់អំពីស្រទាប់ពពកឬអំពីផ្គរលាន់ដែលឮចេញពីលំនៅរបស់លោកបាន?+
៣០ មើល! លោកគ្របលំនៅរបស់លោកដោយផ្លេកបន្ទោរ+ហើយឲ្យទឹកគ្របដណ្ដប់លើបាតសមុទ្រ។
៣១ លោកទ្រទ្រង់មនុស្សដោយអ្វីៗទាំងនេះលោកផ្គត់ផ្គង់អាហារយ៉ាងបរិបូរដល់ពួកគេ។+
៣២ លោកកាន់រន្ទះហើយតម្រង់បាញ់ឲ្យចំគោលដៅ។+
៣៣ ផ្គរលាន់ប្រកាសអំពីលោកសូម្បីតែហ្វូងសត្វក៏ប្រាប់ថាលោក*កំពុងមកដែរ។
កំណត់សម្គាល់
^ ឬប្រហែលជាមានន័យថា«លោកតែងតាំងស្ដេច»
^ ឬ«ដោយអាវុធ»
^ ឬ«អ្នកក្បត់ជំនឿ»
^ ឬប្រហែលជាមានន័យថា«ពួកគេបញ្ចប់ជីវិត»
^ ឬប្រហែលជាមានន័យថា«រិះគន់ ឬចាប់កំហុស»
^ ឬ«គ្មានអ្នកណាអាចស្វែងយល់ចំនួនឆ្នាំរបស់លោកបានឡើយ»
^ ឬប្រហែលជាមានន័យថា«អ្វី»
