ចម្រៀងលេខ១៧
ចូរបង្ហាញចិត្តមេត្តាដូចគ្រិស្ត
(លូកា ៥:១៣)
-
១. គ្រិស្តមានចិត្តស្រឡាញ់ស្មោះភក្ដី
លោកចេញពីសួគ៌ាមកផែនដី
បំពេញសេចក្ដីត្រូវការ
នៃគ្រប់មនុស្សា
លះបង់ពេលនិងកម្លាំងកាយា
ជនទន់ទាបលោកបានធ្វើឲ្យជា
ពីគ្រប់ទាំងជំងឺគ្រប់រោគា
ពាក្យបញ្ជាលោកប្រព្រឹត្តតាមគ្រប់ប្រការ
ធ្វើទាំងអស់ដោយស្មោះពីចិន្ដា។
-
២. មាគ៌ាលោកដ៏ប្រសើរថ្លាថ្លៃ
យើងខំព្យាយាមដើររៀងរាល់ថ្ងៃ
យើងស្រឡាញ់ជនគ្រប់គ្នា
ដែលយើងជួបគ្រប់គ្រា
ជួយគេឲ្យគោរពព្រះផងដែរ
មិត្តទាំងឡាយដែលខ្វះខាតមែនពិត
យើងស្រឡាញ់ពួកគាត់អស់ពីចិត្ត
បើមេម៉ាយកូនកំព្រាសុំជំនួយយើង
បង្ហាញចិត្តមេត្តាឥតស្ទាក់ស្ទើរ៕
(សូមពិនិត្យបន្ថែម យ៉ូន. ១៨:៣៧; អេភ. ៣:១៩; ភី. ២:៧)
