Suluka mu Kubhinga o Kikwatekesu Kya Nzambi Bhukaxi ka Musambu
O ujitu wa kuzwela ni Nzambi, ni kumutangela kyebhi kyadivwa bhukaxi ka musambu, Nzambi wa ubhana ngó ku athu. O polofeta Davidi wasambe: “Eye u mukwa kwívwa o kusamba, ko kwé kwene ku bhongolokela o xitu yoso.” (Jisálamu 65:2) Maji kyebhi ki tutena kusamba phala kutwivwa kwa Nzambi?
O MUSAMBU WATOKALA KUTUNDA KUMUXIMA NI KU UBHANGA NI KULENDUKA KWOSO
O kubhanga o musambu mu ubheka kukubhana kithangana phala ‘ulundulule o muxima wé kwa [Nzambi]’—phala kumutangela ni kidi kyoso o ima i wamudivwa. (Jisálamu 62:8) O Muteni-a-yoso wawabhela o misambu yakidi itunda kumuxima.
TUMBULA O DIJINA DYA NZAMBI MU MUSAMBU
Sumbala Nzambi wala ni majina avulu a ujitu, maji mwene wala ngó ni dijina dimoxi. “Eme ngi Jihova. Didi dyene o dijina dyami.” (Izaya 42:8) O dijina Jihova dimoneka 7.000 dya jiveji ndenge mu Mikanda Ikôla. Jipolofeta javulu akexile mu tumbula o dijina dya Nzambi kyoso kyakexile musamba. Mbalahamu wambe: ‘Jihova ngakudyondo, . . . ngehele ngó kusuluka kuzwela [n’eye].’ (Dimatekenu 18:30) Etu we twatokala kutumbula o dijina dya Nzambi, Jihova, kyoso ki tusamba.
EYE UTENA KUSAMBA MUDIMI DYÉ DYA UVWALUKILU
Nzambi utendela o ibanzelu yetu ni kyebhi ki tudivwa, kabasa dimi dituzwela. O Maka mê atudyelelesa kwila: “Nzambi kene ni kathombo ka athu. Maji ku akwa jixi joso, woso u mu xila mwène, hé u bhanga yoso yayuka, Mwène u mu tambulula.”—Ikalakalu 10:34, 35.
Maji, phala kutubesowala kwa Nzambi, twabhingi kubhanga ima yengi, ki kusamba ngó kana. Mu milongi yakayela, twandamona ihi itwatokala o kubhanga.
Eye Nange Wandawabhela we o Maka Yá
IBHWIDISU YA BIBIDYA YO TAMBWIJILE
Ihi i Twa Tokala ku Bhinga?
Mukonda dyahi o Nzambi ka mono o ibhindamu ya muthu kála kima kya ki ngoho.
IBHWIDISU IBHANGA O MINZANGALA
Mukonda Dyahi Ngatokala Kusamba?
O kwila o kusamba kima ngo kibhangesa o athu kudivwa kyambote? Inga kwala dingi kima kyengi?
IBHWIDISU YA BIBIDYA YO TAMBWIJILE
O Kwila Nzambi Wa-nda Ngi Kwatekesa se Ngi mu Bhinga mu Musambu?
O kwila Nzambi u suwa o ibhindamu yetu?
IA LUNGU N’ETU
Ndé mu yônge ya Jimbangi ja Jihova
Sota kwijiya bhwoso bhu twene mu dyongeka ni kyebhi kitubhanga o ubhezelu wetu kwa Nzambi. Athu oso atena kubokona, kene mubhinga-ku kitadi.
