Ibhuidisu Ia Bibidia Io Tambuijile
Nanhi Ua-ndaia ku Diulu ni Mukonda Diahi?
Mazunda a athu a kingila kuia ku diulu kioso kia-nda fuá. Jezú uambe kuila o poxolo jê ja fiiele kuene kueji kala ku muenhu. Ande dia kufuá, muéne ua kanena ku a iudikila kididi phala ku kala nau ku diulu kumoxi ni Tat’ê.—Tanga Nzuá 14:2.
Mukonda diahi saí athu a tokala mu ixi a-nda kua fukununa phala ku kala ku diulu? Ihi ia-nda bhanga-ku? Jezú ua tangela o jipoxolo kuma, ene eji kala jisobha. A-nda tumina o ixi.—Tanga Luka 22:28-30; Dijingunuinu 5:10.
O Kuila Athu Oso Ambote A-ndaia ku Diulu?
Mu jixi javulu athu ofele ngó a tumina. Kuma Jezú ua fukununa athu phala ku kala ku diulu ni ku tumina o ixi, tua tokala ku kingila kuila o athu a a solo, a tola. (Luka 12:32) O Bibidia i zuela se athu a kuxi a-nda tumina ni Jezú.—Tanga Dijingunuinu 14:1.
Jezú ua pelepalala ididi ku diulu phala o akaiedi a a solo phala kuia ku diulu. Eie uejiia ihi ia-nda bhanga-ku?
O ió a-ndaia ku diulu, kene ngó a-nda tambula mabesá. O athu a mukuá a zokela o Utuminu ua Jezú, a-nda kala ku muenhu ua kalelaku sé disukilu mu palaízu mu ixi. (Nzuá 3:16) Saí iá a-nda bokona mu Palaízu, a-nda ku a bhulula ku kibuikilu kia mundu iú ua iibha ua Satanaji. A mukuá a-nda bokona, mu ku a fukununa ku’alunga.—Tanga Jisálamu 37:29; Nzuá 5:28, 29.
Eye Nange Wandawabhela we o Maka Yá
IBHWIDISU YA BIBIDYA YO TAMBWIJILE
Ananyi Andaya ku Dyulu?
Athu avulu axikina ku makutu a kwila athu oso ambote andaya ku dyulu. Mu kidi ihi ilonga o Bibidya?
IBHWIDISU YA BIBIDYA YO TAMBWIJILE
O Difukunukinu Ihi?
Eye nange wanda diwana mu kwijiya se nanyi wanda vutuka ku mwenyu ku hádya.
