Ihi i Zuela o Bibidia ia Lungu ni Muthu ku Sola o Ima Iê-muene? O kuila Nzambi Muéne ua mu Langa o Ima?
O Bibidia i tambuijila
Nzambi u tu bhana valolo mu ku tu bhana o ufolo ua ku sola o ima i tua mesena. Kienhiki, Nzambi ka xindi o ima i tua-nda bhanga ku muenhu uetu, kana. Tala ihi i zuela o Bibidia.
Nzambi ua bhange o athu mu kidifuanganu kiê. (Dimatekenu 1:26) O athu ka difu ni iama a bhanga o ima sé ku xinganeka. O athu a difu ni Nzambi mu kuila a tena kulondekesa o ifua iê kála o henda ni kuiuka. Kála kiala o Mubhangi uetu, etu tuala ni ufolo ua ku sola o ima i tua mesena o ku bhanga.
Etu tu tena ku sola kiebhi kia-nda kala o muenhu uetu ku hádia. O Bibidia i tu suínisa ku ‘sola o muenhu ni ku bhana mátui ku dízui dia Nzambi’ mu ku belesela o itumu iê. (Matendelelu 30:19, 20) Nzambi keji zuela kiki, se muéne ua xindile kiá ioso ieji bhita n’etu. Mu veji dia ku tu jijidika ku bhanga ia-ndala muéne, Nzambi ni henda ioso u tu tangela: ‘Uaué! Tamanu ua bhele mátui ku ijila iami! O paze iê ieji kuila kala ngiji, o ku lunga kuê kueji kuila kála mabhuku ma musanza ua kalunga.’—Izaia 48:18.
Se ua-nda kala ni mbote mba kana, ki Nzambi ua ki xindi. Se tua mesena ku di tunda kiambote ku muenhu tua tokala ku bhanga nguzu. O Bibidia i zuela kuila “kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié.” (Ndongixi 9:10; Jisabhu 21:5) O Bibidia i zuela ué kuila: “Mukua muanu o ixinganeku iê i bhangela ku vudisa nzungule ia jimbote.”—Jisabhu 21:5.
O ufolo ua ku sola, ujitu ua dikota ua tu bhana Nzambi, mukonda uene u tu bhangesa ku sola ku mu zola ni ‘muxima uetu uoso’—Matesu 22:37.
Nzambi ki muene uene mu langa o ima ioso
O Bibidia i tu longa kuila Nzambi Muteni-a-Ioso, kana-ku muthu ua mu tundu. (Jobe 37:23; Izaia 40:26) Maji muéne kene mu langa o ima ioso. Mu kifika, o Bibidia i zuela kuila Nzambi ‘uedile hudi, ua di kondeka’ phala ka jibhe akua Babilonha exile jinguma ja mundu uê. (Izaia 42:14) Lelu, muéne ué u kondeka o maku mu kuehela athu ku sola kia iibha kála kia mesena ene. Maji muéne ka-nda kua ehela katé ku hádia ni hádia.—Jisálamu 37:10, 11.
Eye Nange Wandawabhela we o Maka Yá
O MULANGIDI
Ihi Itena Kulondekesa Kyebhi Kyandakala o Mwenyu wé Kuhádya?
Avulu azambula bhukaxi ka jithethembwa, feng shui, mba yó abheza jikuku, kumoxi ni yó axikina mu milongi ya kwila o muthu wafu amuvwala dingi mu kididi kyengi, axinganeka kuma sayiku nguzu kitutena ku imona ilanga o ima ku mwenyu wâ.
KIKWATEKESU PHALA KUDILONGA O BIBIDYA
O Kwila Tutena Kukala ni Ukamba ni Nzambi?
Tundé ukulu, o athu ene musota kwijiya o Mubhangi wâ. O Bibidya itena kutukwatekesa kukituka makamba a Nzambi. O ukamba yu umateka mu kudilonga o dijina dya Nzambi.
O MULANGIDI
Éye u sola kyebhi kya-nda kala o mwenyu wé ku hádya!
Sayi athu a xikina kwila yoso ya-nda bhita ku mwenyu wetu, a i xindi kyá ukulu. Maji o kwila kiki kidi mwene?
O MULANGIDI
Athu Ambote a Bhita uá mu Ima ia Iibha—Mukonda Diahi?
O Bibidia ilondekesa ima itatu iene mu bhekesa hadi ku athu.
MILONGI YA BIBIDYA
Fikisa Kudilonga o Bibidya N’etu
Dilonge o Bibidya ni kikwatekesu kya mulongexi, eye kubhingi kufuta kitadi.