O Kibuka Kya Kulanga o Mahuxi ku Ixi ya Estados Unidos, mu kubhanga ibhwidisu ku minzangala a mono kwila kaxaxi mu minzangala ala mu kitala kya 15 ndu 19 a mivu a bhange kya kiki, kuta o uyala mudikanu dya muhatu mba kulesa o kidyandu kya ujitu kya muhatu. “Se u zwela ni minzangala, ene anda.zwela kwila o kubhanga kiki, ki kyene kimoxi ni kudijiya,” kala kya zwela Sharlene Azam, o musoneki wa divulu ni dyambu Oral Sex Is e New Goodnight Kiss (o kuta o uyala mudikanu dya muhatu mba diyala kulesa o kidyandu kya ujitu kya muhatu, ukexiluwa ubhe wa kudilekela). “Kifwa phala ene o kubhanga kiki ki kyene kimoxi ni kudijiya.”

•  Ihi i u banza?

•  O ima ilondekesa ihi?

•  Mukonda dyahi o kwijiya kiki kyala ni valolo?

 Tambwijila o ibhwidisu ya kayela ni izuwelu, kyene mba kana.

1.   O mwila o muhatu utena kwimita mukuta o uyala mu dikanu?

   1.   Kyene

   2.   Kana

2.   O kwila kuta o uyala mudikanu mba kulesa o kidyandu kya ujitu kya muhatu kubhekela uhaxi?

   1.   Kyene

   2.   Kana

3.   O kwila kuta o uyala mudikanu mba kulesa o kidyandu kya ujitu kya muhatu kudijiya mwene?

   1.   Kyene

   2.   Kana

 Sokesa o ithambwijilu yé ni izuwelu yala ku lwiji.

1.   O kwila o muhatu u tena kwimita mukonda dya kuta o uyala mudilkanu?

    Kitambwijilu: Kana. Kiki kyene ki bhangesa athu avulu kubanza kwila o kuta o uyala mudikanu dya muhatu mba diyala kulesa o kidyandu kya ujitu kya muhatu ki kima kyayibha—maji—o kubanza kiki kilwezu.

2.   O kwila o kuta o uyala mudikanu dya muhatu mba diyala kulesa o kidyandu kya ujitu kya muhatu kubhekela mawuhaxi?

    Kitambwjilu: Kyene. O ukexilu wa kuta o uyala mudikanu dya muhatu mba diyala kulesa o kidyandu kya ujitu kya muhatu, ubhekela mawuhaxi kala hepatiti (A mba B), verrugas genitais, gonorrea, herpes, HIV, ni sifilis.

3.   O kwila o kuta o uyala mudikanu dya muhatu mba diyala kulesa o kidyandu kya ujitu kya muhatu kyene kimoxi ni kudijiya?

    Kitambwijilu: Kyene. Ima yoso itubhanga yalungu ni uyala mba kidyandu kya ujitu kya muthu wengi—kikale kudijiya, kuta o uyala mudikandu dya muahtu mba diyala kulesa o kidyandu kya ujitu kya muhatu, kuta o uyala kudinenenu dya muhatu mba dya diyala ni mukwa mu kithangana kya kudijiya, ni kuxaxata o idyandu ya ujitu wa muthu kikaza dye—kya difu ni kudijiya mba kudizeka.

 Dilonge jivelesu ja Bibidya ji zwela ya lungu ni kuta o uyala mudikanu dya muhatu mba diyala kulesa o kidyandu kya ujitu kya muhatu.

 O Bibidya yamba: “Kuma o vondadi ya Nzambi yenyiyi, kwila. . . mulenga o undumbu.”—1 Tesalonika 4:3.

 O kizwelu a kilungulula-kala “ndumbu” kyalungu ni mawukexilu oso a kudijiya se kuzala, kikale kudijiya mba kudizeka, kuta o uyala mudikanu dya muhatu mba diyala kulesa o kidyandu kya ujitu kya muhatu, kuta o uyala kudinenenu dya muhatu mba kya diyala ni mukwa mu kithangana kya kudijiya, ni kuxaxata o idyandu ya ujitu wa muthu kikaze dye. O kukala ni kifwa kya kubhanga o undumbu kubhekela ibhidi yavulu, o kibhidi kya dikota o kuzanga o ukamba ni Nzambi.—1 Phetele 3:12

 O Bibidya yamba: “Woso ubhanga undumbu wamuta kituxi ku mukutu wê.”—1 Kolindu 6:18.

 O kuta o uyala mudikanu dya muhatu mba diyala kulesa o kidyandu kya ujitu kya muhatu kutena kubheka ibhidi ya dikota kikala mu nzumbi mba muxitu. Kubhanga kiki, kubhekela we uhaxi wa kilunji. “O athu kene mu divwa ngo kyaiybha, kuditatela mba kubhanga nguzu mukonda dya kudijiya mba kudizeka mu ukexilu umoxi ngo kana” kala kya zwelu o divulu ni dyambu, Talking Sex With Your Kids (Kudizwela ni twana maka a lungu ni kudijiya mba kudizeka). “O ibanzelu yoso yayibha i kala nayu o muthu mukonda dya kudijiya mba kudizeka mukithangana kyayibha, yene imoxi ikala nayu o muthu mukonda dya kudijiya mba kudizeka mu ukexilu wayibha kabasa kikexilu. Kifwa o kudizeka kudizeka mwene.”

 O Bibidya yamba: “Eme Jihova Nzambi yé, u ku longa kyoso kya wabha.”—Izaya 48:17.

 O kwila u xikina kwila o milongi ya Nzambi yalungu ni kudijiya mba kudizeka i kukwatekesa? Mba u banza kwila i kufidisa? Phala ku ku kwatekesa kutambwijila o ibhwidisu yiyi, xinganeka ikoka mwa mubhita Makalu avulu, u mona we jiplaka ji kutangela phala kusosola o lusolo i wa mu kwenda nayu o dikala, ni bhebhi bhu wa tokala kwemana o dikalu. O kwila wanda tala o jiplaka jiji kala kifidisu mba kala kilangidilu? Ihi yeji bhita se kikale eye—ni athu engi a mu kwendesa we makalu—mukamba ku ibelesela?

 Kyene kimoxi we ni milongi ya Nzambi. Se u kamba ku ibelesela, ni kidi kyoso wanda bhongolola o ima i wa kunu. (Ngalásya 6:7) Kala kya zwela o musoneki Susan Browining “Kyoso ki uya ni kuxisa o ima i uxikina ni yoyo i ubhana valolo, phala kubhanga o ima i kubhangesa kudivwa kyayibha, wanda mateka kudivwa se valolo.” Maji kubandu yamukwa, se u belesela o milongi ya Nzambi, wanda londekesa o ukexilu wambote wa mwenyu. O kyabeta dingi kota, wanda kala ni kitongolwelu kyazele.—1 Phetele 3:16.