ЧА БЬЖАРТЬНА ТӘ ДЬКАРӘ ЛЬ СӘР АХЬРИЙА ТӘ ҺʹÖКÖМ КӘ? Һьнә мәрьв баwәр дькьн, кö бәхт йан йази әw бьжартьна мәйә шәхси нинә, чьмки әw жийина мә контрол дькә. Чахе әw мәрьв нькарьн нетед хwә биньн сери, wана тʹьре ида qә нә жи wе бе стандьне. Әwана дьбежьн: «Бәхте мьн тʹöнә, ләма жи тьштәк щәм мьн дәрнайе».

Һьнәк жи дьлтәнг дьбьн, чахе дьвиньн кö ве дьнйа зöлм у нәһәqда чʹарә тʹöнә. Дьqәwьмә әwана жь алийе хwәда һʹәму тьшти дькьн, кö жийина хwә һәвәки баш кьн, ле чахе әwана тʹәне шәрʹ, нәһәqи, хәзәб у нәхwәшийа дьвиньн, әв йәк нете« wан диса у диса кʹöта дькә. Ләма жи әwана хwә дьпьрсьн: «Чьма әм хwә бьдьнә щәфе?»

Әʹшкәрә йә кö дәрәщед жийина мә дькарьн гәләк сәр нетед мә һʹöкöм кьн (Wаиз 9:11). Чахе хәбәрдан дьчә дәрһәqа ахьрйа тә, әв йәк бь рʹасти жи бьжартьна тәва гьредайи йә. Бь рʹасти Кʹьтеба Пироз жи нишан дькә, кö ахьрйа тә бьжартьна тәва гьредайи йә. Wәре әм шәwьркьн.

Чахе щьмәʹта Исраеле гәрәке дәрбази әʹрде создайи буйа, һьнге Муса рʹебәре wан гот: «Әз әʹмьр у мьрьне датиньмә бәр тә, дöа у ньфьрʹе. Дә әʹмьр бьбьжерә wәки тö зöрʹәта хwәва бьжийи, Хöдан Хwәдейе хwә һʹьз бькә, гöрʹа wи бькә у незики wи бә» (Qануна Дöщари 30:15, 19, 20, ПКʹМ).

«Әз әʹмьр у мьрьне датиньмә бәр тә, дöа у ньфьрʹе. Дә әʹмьр бьбьжерә wәки тö зöрʹәта хwәва бьжийи» (Qануна Дöщари 30:19, ПКʹМ).

Бәле! Хwәде Исраелйи жь дилтйа Мьсьре аза кьрьн у мәщал да wан, кö Әʹрде Создайида бь жийинәкә сәрбәст у бәхтәwар бьжин. Ле wана wе бь хwә әв һʹәму тьшт нәстандана. Сәва әwан кʹәрәма бьстиньн, wана гәрәке «әʹмьр» бьжбартана. Чь щурʹәйи? Әwана гәрәке Хwәде һʹьз бькьрана, гöра wи бькьрана у незики wи буна.

Иро, бьжартьна wи щурʹәйи пешйа тәйә жи. У тö чь бьжартьне бьки, әwе әʹйан кә кö ахьрийа тә wе чь щурʹәйи бә. Һәрге тö бьжбери Хwәде һʹьз бьки, гöһ бьди гьлийе wи, у хwә незики wи бьгьри, әв йәк wе ль сәр жийина тә баш һʹöкöм кә. Демәк те бьстини жийина һʹәта-һʹәтайе ль сәр әʹрде щьнәте. Ле гәло чь дькʹәвә нава wан һʹәму тьшта?

Һʹьзкьрьн әв һәйә һʹöнуре Хwәдейи сәрәкә, дәрһәqа кʹижани кö Йуһʹәннайе шанди жь бина бәр Хwәде ньвиси бу (1 Йуһʹәнна 4:8). Ләма жи чахе мәрьвәк жь Иса пьрси, кö тʹәмийа һәрә мәзьн кʹижан ә, Иса гот: «Хöдан Хwәдейе хwә һʹьз бькә бь тʹәмамийа дьле хwә, бь тʹәмамийа щанийа хwә у бь тʹәмамийа һʹьше хwә» (Мәтта 22:37). Бәле, һәләqәтийа баш тʹәви Йаһоwа Хwәде, гәрәке нә ль сәр һʹиме тьрсе у гöһдарийа нәфәʹмдари бә, ле ль сәр һʹиме һʹьзкьрьне бә. Гәло чьма әм гәрәке бьжберьн Хwәде һʹьз бькьн?

Һʹьзкьрьна Йаһоwа һьндава инсанәте анәгори һʹьзкьрьна де-бава йә, кʹижан кö әwана һьндава зарʹе хwә дьдьнә кʹьфше. Һәмьки де-бав бь һʹьзкьрьн зарʹе хwә ширәт дькьн, һин дькьн, пьштгьрийа wан дькьн, чьмки әwана дьхwазьн кö зарʹе wан бәхтәwар у сәрфьраз бьн. Ле де-бав жь зарʹа хwә һивийа чь нә? Әwана дьхwазьн кö зарʹед wан, wана һʹьз бькьн у wәки һʹәму гьли-готьне« wан биньн сери. Ләма жи бь логики  йә, кö Баве мәйи әʹзмана жи һивийе йә, wәки әм һʹьзкьрьн у рʹазибуна хwә һьндава wида бьдьнә кʹьфше, бона һʹәму тьште« кö әwи бона мә кьрийә.

Сәва кö гöрʹа Хwәде бькьн әм гәрәке һин бьн wан тьшта бькьн, чь кö Әw мәрʹа дьбежә. Һәмьки әм нькарьн дәнге Хwәде бьбьһен, ле әм һьнге wи дьбьһен, гава Кʹьтеба Пироз дьхуньн, у жийина хwәда дьдьнә хәбате (1 Йуһʹәнна 5:3).

Иса нишан кьр, кö чьqас фәрз ә гöһ бьдьнә дәнге Хwәде. Әwи гот: «Инсан тʹәне бь нен нажи, ле бь һәр хәбәра кö жь дәве Хwәде дәрдькʹәвә» (Мәтта 4:4). Чаwа кö хwарьн бона мә фәрз ә öса жи qазанчкьрьна занәбуна Хwәде, даһа фәрз ә. Чьма? Сьлеман пʹадше билан шьроwәкьр: «Жь бәр кʹö билани wәк пʹәрә дьпарезьн: ле qимәта занәбуне у биланийе wе йәкеда нә, кö әw жийина wан хwәйи дькә, кʹи кö әw qазанщ дькә» (Wаиз 7:12, ДТʹ). Бәле, занәбун у биланийа жь Хwәде дькарьн иро мә бьпарезьн у али мә бькьн бьжартьна рʹаст бькьн, чь кö wе ль ахьрийе мә бьвә бәрбь жийина һʹәта-һʹәтайе.

Һәла бькә бира хwә гьлийе Иса: «Ле гәләки тәнг ә әw дәри у зәʹмәт ә әw рʹийа кö дьбә бәрбь жийине у һьндьк ьн әwед кö wе рʹейе дьбиньн» (Мәтта 7:13, 14). Һәрге әм хwә ль ве рʹе дьгьрьн әме әʹсәйи кʹаре бьстиньн, чьмки әм хwә незик дьгьрьн ль wе рʹебәрийе, йа кö мә дьбә бәрбь жийина һʹәта-һʹәтайе. Бь рʹасти жи мәʹнийед мәйи баш һәнә хwә ль Хwәде бьгьрьн (Зәбур 16:8). Ле чаwа әм әве йәке дькьн?

Һәр рʹож, гәләк шьхöлед мә һәнә кö әм дькьн, у кʹижан кö мәйе бьхwәста бькьра. Тьштед wи щурʹәйи мә öса зәфти хwә дькьн, кö wәʹде мә бона Хwәде һьндьк дьминә. Лема жи Кʹьтеба Пироз тинә бира мә: «Аwа бьньһерʹьн кö һун ньге хwә фәсал бавежьн, нәбьнә мина бефәʹма, ле мина сәрwахта. Дәст бьдьнә бәр wәхт, чьмки зәмани хьраб ә» (Әфәси 5:15, 16). Әм хwә ль Хwәде дьгьрьн чахе һәләqәтйа хwә тʹәви Wи чедькьн, чь кö жийина мәда пʹьр фәрз ә (Мәтта 6:33).

Тö нькари жийина хwәйә дәрбазбуйи бьгöһези, ле тö дькари ахьрийа пʹьр баш бьжбери бона хwә у мәрьве хwәйә незик. Кʹьтеба Пироз әʹйан дькә кö Баве мәйи Әʹзмана, Йаһоwа Хwәде, гәләк мә һʹьз дькә у изьне дьдә мә пебьһʹәсьн, һәла ахьрийа мә wе чаwа бә. Дина хwә бьдьн гьлийе Микʹа пʹехәмбәр:

«Йа зьламо, йе qәнщ гиһанд тә у хәйни кьрьна йе һәq у һʹьзкьрьна дьлованийе у бь дьлньзми, бь Хwәдайе хwәрʹа мәшандьне пев, ма Хöдан жь тә чь дьхwазә?» (Миха 6:8).

Тöйе тʹәглифа Йаһоwа qәбул ки, кö тʹәви wи бьмәши у кʹәрәме« һәрһәйи qазанч ки, кʹижан кö әwи сәва тә һазьр кьрийә? Ахьрийа тә бьжартьна тәва гьредайи йә!