Чьрʹа Фәрз ә Бьзаньбьн кӧ Әʹфьрандар Һәйә?
Чьрʹа фәрз ә бьзаньбьн кӧ Әʹфьрандар һәйә? Дьбәкә избати тә дьдьнә баԝәркьрьне кӧ Хԝәде һәйә. Ле ԝәки ӧса нә, дьԛәԝьмә тӧ дьхԝази пебьһʹәси, кӧ чь избати һәнә, ԝәки Кʹьтеба Пироз жь бина бәр Хԝәде йә. У һәрге тӧ итʹбарийа хԝә гьлийе Кʹьтеба Пироз бини, һьнге тӧйе кʹаре жь ԝан тьшта бьстини, дәрһәԛа кʹижана жере те готьне.
Тӧйе һе зедә ләзәте әʹмьре хԝәда бьвини
КЬТЕБА ПИРОЗ ДЬБЕЖӘ: «[Хԝәде] ԛәнщи ԝәрʹа кьр, жь әʹзмен баран баранд, рʹәз жи дәмсалада данә ԝә, бь хӧрәква һун тʹер кьрьн у шабун жи кьрә дьле ԝә» (Кʹаред Шандийа 14:17).
ӘВ ЧЬ ТЕ ҺʹӘСАБЕ: Һʹәму тьштед тʹәбийәтеда кӧ дьле тә ша дькьн, пʹешкʹеш ьн жь Әʹфьрандар. Чахе тӧ пебьһʹәси кӧ Әʹфьрандар чьԛас бона тә хәм дькә, тӧйе ԝан пʹешкʹеша дьһа бьшекьрини.
Рʹебәрийа керһати жийина һәр рʹожида дькарә али тә бькә
КЬТЕБА ПИРОЗ ДЬБЕЖӘ: «Һьнге те рʹастийе, ԛьраре, һәԛийе, фәʹм бьки у сәрда жи һәр шьвәрʹийед ԛәнщ» (Мәтʹәлок 2:9).
ӘВ ЧЬ ТЕ ҺʹӘСАБЕ: Хԝәде Әʹфьрандар ә, ләма жи әԝ рʹьнд занә кӧ чь мәрʹа лазьм ә сәва кӧ бәхтәԝар бьн. Гава тӧ Кʹьтеба Пироз леколин ки, тӧйе гәләк тьшт пебьһʹәси, чь кӧ ида ньһада ԝе али тә бькьн.
Щабед пьрсед хԝә пебьһʹәсә
КЬТЕБА ПИРОЗ ДЬБЕЖӘ: «Те һьнге . . . хԝәденаскьрьне бьзаньби» (Мәтʹәлок 2:5).
ӘВ ЧЬ ТЕ ҺʹӘСАБЕ: Занәбуна ве йәке кӧ Хԝәде һәйә, дькарә али тә бькә, ԝәки щабед пьрсед фәрз бьвини. Мәсәлә: Нета жийине чь йә? Чьма һаԛас кӧл-дәрд һәнә? Чь дьԛәԝьмә паши мьрьне? Тӧ дькари щабед ԝан пьрса Кʹьтеба Пирозда бьвини.
Бь һевийе ль ахьрийе бьньһерʹә
КЬТЕБА ПИРОЗ ДЬБЕЖӘ: «‹Әз рʹьнд заньм әԝ, чь кӧ мьн сәва ԝә ԛьрар кьрийә› Йаһоԝа дьбежә. ‹Мьн әʹдьлайи сәва ԝә ԛьрар кьрийә, нә кӧ хәзәба, сәва кӧ һевийе у ахьрийа баш бьдьмә ԝә›» (Йерәмйа 29:11, ДТʹ).
ӘВ ЧЬ ТЕ ҺʹӘСАБЕ: Хԝәде соз дьдә, кӧ ахьрийеда Әԝ ԝе зӧлмийе, кӧл-дәрда у һәла һе мьрьне жи кʹӧта кә. Һәрге тӧ итʹбарийа хԝә созед Хԝәде бини, һевийа тәйә һьндава ахьрийа ԝи щурʹәйи ԝе али тә бькә, ԝәки чәтьнайед һәррʹожида тәйах ки.
Дьбәкә Wәрʹа Һʹәwас бә
Һ′ЬШЙАР БЬН!
Рийа кӧ Дьбә Бәрбь Бәхтәԝарийе; Нета Жийине
Чахе әм дьвиньн щабед жийинева гьредайи әм бәхтәԝар дьбьн.
