ДӘРСА 11
Тӧ Ча Дькари жь Хԝәндьна Кʹьтеба Пироз Кʹаре Бьстини?
Дьбәкә тә дьхԝәст шьхӧләки мәзьн бькьра, ле әв тәрʹа чәтьн һатә кʹьфше. Ләма жи тә сафи кьр әԝи шьхӧли сәр чәнд пʹара пʹарәвәки, ԝәки тәрʹа һеса бә. Хԝәндьна Кʹьтеба Пироз жи әм дькарьн бәрамбәри ве йәке бькьн. Дьбәк тӧ дьфькьри: «Хԝәндьна ве кʹьтебе ча дәстпекьм?» Ве дәрседа әме чәнд тьшта шеԝьр кьн, кʹижан кӧ ԝе али тә бькьн ԝәки хԝәндьн у һинбуна Кʹьтеба Пироз тә хԝәш бе.
1. Чьрʹа әм гәрәке һәр рʹож Кʹьтеба Пироз бьхуньн?
Мәрьве кӧ һәр рʹож Кʹьтеба Пироз, демәк ԛануна Йаһоԝа дьхунә, ԝе бәхтәԝар у пешдачуйи бә (Бьхунә Зәбур 1:1-3.) Пешийе тӧ дькари һәр рʹож һәма чәнд дәԛа бьхуни. Чьԛас һе зедә тӧ дәрһәԛа Хәбәра Хԝәде пебьһʹәси, һаԛас һе зедә тӧйе бьхԝази әве кʹьтебе бьхуни.
2. Чь ԝе али тә бькә ԝәки жь хԝәндьна Кʹьтеба Пироз кʹаре бьстини?
Сәва кӧ жь хԝәндьна Кʹьтеба Пироз һе зедә кʹаре бьстиньн, әм гәрәке ԝәʹде хԝәндьне бьсәкьньн у сәр бьфькьрьн. Бәле, ча хԝәндьн ӧса жи фькьрандьн гәләк фәрз ә (Йешу 1:8). Ԝәʹде хԝәндьне ԝан пьрса бьдә хԝә: «Жь ԝе хԝәндьне әз дәрһәԛа Йаһоԝа Хԝәде чь педьһʹәсьм? Әз ча дькарьм әве йәке әʹмьре хԝәда бьдьмә хәбате? Әз ча дькарьм ԝан рʹеза бьдьмә хәбате, ԝәки али мәрьва бькьм?»
3. Тӧ ча дькари бона хԝәндьна Кʹьтеба Пироз ԝәʹдә бьвини?
Тәрʹа чәтьн ә ԝәʹдә бьвини, ԝәки Кʹьтеба Пироз бьхуни? Гәләкарʹа һеса нинә. Ләма жи ԝе баш бә «дәст бьдьнә бәр ԝәхт», кӧ әве кʹьтебе бьхуньн (Әфәси 5:16). Тӧ дькари хԝәрʹа ԝәʹдә кʹьфш ки, кӧ һәр рʹож Хәбәра Хԝәде бьхуни. Мәсәлә, һьнә мәрьв шәбәԛа дьхуньн. Һьнәк нава рʹожеда ԝәʹдә дьвиньн кӧ бьхуньн. Ле һьнәк жи еваре пешийа рʹазане дьхуньн. Ле тәрʹа чь чах дәст дьдә бьхуни?
КʹУР ЛЕКОЛИН КӘ
Пебьһʹәсә кӧ тӧ чь дькари бьки, ԝәки хԝәндьна Кʹьтеба Пироз бона тә һʹәԝас бә. Дина хԝә бьде, кӧ ча тӧ дькари хԝә һазьр ки, ԝәки һинбуна Кʹьтеба Пироз һе зедә кʹаре тәрʹа бинә.
Чаԝа кӧ мәрьв һʹьз дькьн хԝарьнед тʹәзә бьхԝьн у ләзәте бьстиньн, ӧса жи әм дькарьн һин бьн, ԝәки жь хԝәндьна Кʹьтеба Пироз ләзәте бьстиньн
4. Жь хԝәндьна Кʹьтеба Пироз шабуне бьстинә
Дьбәкә тәрʹа һеса нинә дәстпеки Кʹьтеба Пироз бьхуни. Ле мәсәлә, чаԝа тӧ һин дьби хԝарьнәкә тʹәзә тәʹм ки у паше һʹьз бьки, ӧса тӧ дькари хԝәндьне жи дәстпеки у һʹьз ки. Бьхунә 1 Пәтрус 2:2, у паше әве пьрсе шеԝьр кә:
-
Тӧ ча дьфькьри, хԝәндьна Кʹьтеба Пирозә һәррʹожи дькарә али тә бькә, кӧ хԝәндьн тә хԝәш бе у хԝәстьна тә зедә бә, ԝәки тӧ һе зедә бьхуни?
Вехә ВИДЕО ԝәки бьвини һьнә мәрьва чь кьрьн, кӧ хԝәндьна Кʹьтеба Пироз ԝанрʹа һʹәԝас бә. Паше ван пьрса шеԝьр кә:
-
Чь али ԝана кьр, ԝәки ԝана дәстпекьр һәр рʹож Кʹьтеба Пироз бьхуньн?
-
Ԝана чь кьр, ԝәки хԝәндьна Кʹьтеба Пироз бона ԝан һʹәԝас бә?
-
Ча жь ве видео те кьфше, щаһьл кижан чәтьная карьбун сафи кьн?
Ширәтед кӧ ԝе али тә бькьн:
-
Ԝәлгәрʹандьна рʹаст у фәʹмдари бьжберә. Бьхунә «Ԝәлгәрандьна Дьнйа Тʹәзә» сәр зьмане хԝә һәрге һәйә, ле һәрге тʹӧнә, бьхунә сәр ԝи зьмани кʹижан кӧ тӧ рʹьнд фәʹм дьки.
-
Пешийе бьхунә пʹаред кӧ гәләк тә хԝәш тен. Бьдә хәбате бәрнама хԝәндьне, бь наве «Хԝәндьна Кʹьтеба Пироз Дәстпекә.»
-
Чь кӧ тә ида хԝәнд, хԝәрʹа кʹьфш кә. Бьдә хәбате «Бәрнама Хԝәндьна Кʹьтеба Пироз» йа кӧ ве әʹдәбйәтеда һәйә.
-
JW Кʹьтебханә®app бьдә хәбате. Бь сайа ве йәке тӧ дькари һʹәму дәра, пе тʹеле йан пе һащәтәкә дьн, Кʹьтеба Пироз йан бьхуни йан жи бьбьһейи.
-
Бьдә хәбате Рʹебәри Бона Һинбуна Кʹьтеба Пироз. Ве брошуреда һәнә хәритә у нәхш. Бь сайа ԝан тьшта хԝәндьн ԝе тәрʹа дьһа һʹәԝас бә.
5. Хԝә бона һинбуна Кʹьтеба Пироз һазьр кә
Бьхунә Зәбур 119:34, у паше әве пьрсе шеԝьр кә:
-
Чьрʹа баш ә пешийа хԝәндьна Кʹьтеба Пироз дӧа бьки, йан жи чахе бона һинбуне хԝә һазьр дьки?
Чаԝа тӧ дькари жь һинбуне һе зедә кʹаре бьстини? Чахе тӧ хԝә бона дәрса һазьр дьки, дькари әве методе бьди хәбате:
-
А. Абзасед ве дәрсе бьхунә.
-
Б. Рʹезед кʹьфшкьри бьхунә, у бьфькьрә кӧ әв чаԝа тʹемайева гьредайи нә.
-
Щ. Щаба пьрса кʹьфш кә; әв йәк ԝе али тә бькә, ԝәки тʹәви дәрсдаре хԝә дәрсе шеԝьр ки.
Ԝә заньбу?
Шәʹдед Йаһоԝа щурʹә-щурʹә ԝәлгәрʹандьнед Кʹьтеба Пироз дьданә хәбате. Ле һʹәчʹи зәʹф мә хԝәш те «Ԝәлгәрʹандьна Ньвисаред Пироз йа Дьнйа Тʹәзә», чьмки әв ԝәлгәрʹандьнәкә рʹаст у фәʹмдари йә, у һьм жи теда наве Хԝәде һатийә хәбьтандьне. (Бьньһерʹә готара жь малпәре «Гәло Шәʹдед Йаһоԝа Кʹьтеба Хԝәйә Пироз Дьдьнә Хәбате?»
ҺЬНӘ МӘРЬВ ДЬБЕЖЬН: «Һинбуна Кʹьтеба Пироз гәләк чәтьн ә. Ԝәʹдә у ԛәԝата мьн бона ве йәке тʹӧнә.»
-
Тӧ чь дьфькьри?
ТʹӘМАМКЬРЬН
Сәва кӧ һе зедә кʹаре жь Кʹьтеба Пироз бьстини, ԝәʹдә бьвинә кӧ бьхуни, дӧа бькә кӧ фәʹм бьки чь кӧ дьхуни, у бона һинбуна Кʹьтеба Пироз хԝә һазьр кә.
Ԝәкʹьландьн
-
Чь ԝе али тә бькә, кӧ жь Кʹьтеба Пироз һе зедә кʹаре бьстини?
-
Тӧ чь чах дькари ԝәʹдә бьвини, кӧ Кʹьтеба Пироз бьхуни у һин би?
-
Чьма һежа йә, ԝәки бона һинбуна Кʹьтеба Пироз хԝә һазьр ки?
ҺЕ ЗЕДӘ ПЕБЬҺʹӘСӘ
Һьнә ширәта леколин бькә, кʹижан кӧ ԝе али тә бькьн, ԝәки жь хԝәндьна Кʹьтеба Пироз һе зедә кʹаре бьстини.
«Чь Кʹаре Әме Бьстиньн жь Хԝәндьна Кʹьтеба Пироз?» («Бьрща Ԛәрәԝьлийе» №1, 2017)
Пебьһʹәсә, кӧ чаԝа дькари Кʹьтеба Пироз бьхуни.
Пебьһʹәсә, кӧ ча дькари жь хԝәндьна Кʹьтеба Пироз ләзәте бьвини.
Ширәта һьлдә жь ԝан мәрийа, йед кӧ ида гәләк сал ә Кʹьтеба Пироз дьхуньн.
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
