Әз Ча Дькарьм Бьбьмә Шәʹде Йаһоԝа?

ВЕХӘ

Жь хәбәред Иса кӧ кʹьтеба Мәтта 28:19, 20-да ньвисар ьн, те кʹьфше кӧ мәрьв кʹижан гав гәрәке бавежә, ԝәки бьбә Шәʹде Йаһоԝа. Жь ԝан рʹеза те хане, кӧ чь лазьм ә бькьн кӧ бьбьнә шагьртед Иса у дәрһәԛа Йаһоԝа шәʹдәтийе бьдьн.

Гава 1: Пебьһʹәсьн кӧ Кʹьтеба Пироз чь һин дькә. Иса тʹәми да шагьртед хԝә у гот кӧ «һʹәму мьләта бькьн шагьрт» у ԝана һин кьн (Мәтта 28:19, 20, ИМ). Әԝ хәбәра кӧ һатийә ԝәлгәрʹандьне ча «шагьрт», рʹастә-рʹаст те һʹәсабе «хԝәндәван». Кʹьтеба Пирозда, илаһи һинкьрьнед Исада тʹәми у ширәт һәнә, йед кӧ али мәрьва дькьн, бәхтәԝар бьн у нета жийине бьстиньн (2 Тимотʹейо 3:16, 17). Әм һазьр ьн бь дьл у щан тʹәви ԝә һинбуна Кʹьтеба Пирозә бепʹәрә дәрбаз кьн, ԝәки һун дьһа зедә дәрһәԛа ве кʹьтебе пебьһʹәсьн (Мәтта 10:7, 8; 1 Тʹесалоники 2:13).

Гава 2: Чь кӧ һун педьһʹәсьн әʹмьре хԝәда бьдьнә хәбате. Иса гот ԝәки әԝед кӧ Кʹьтеба Пироз һин дьбьн, гәрәке «һʹәму тʹәмийед кӧ [әԝи] данә», хԝәй кьн (Мәтта 28:20). Әԝ те һʹәсабе кӧ һинбуна Кʹьтеба Пироз нә тʹәне занәбуна мә гәрәке зедә кә, ле ӧса жи гәрәке фькьр у рʹабун-рʹуньштьна мә ль гора ве занәбуне бьгӧһезә (Кʹаред Шандийа 10:42; Әфәси 4:22-29; Ибрани 10:24, 25). У әԝед кӧ тʹәмийед Иса тиньн сери, хԝәха сафи дькьн ԝәки бьбьн шагьртед ԝи у әʹмьре хԝә тʹәсмили Йаһоԝа кьн йан на (Мәтта 16:24).

Гава 3: Лазьм ә һун бенә ньхӧмандьне (Мәтта 28:19). Кʹьтеба Пирозда ньхӧмандьн тʹәви дәфьнкьрьне те бәрамбәркьрьне (Бәрамбәр кьн Рʹомайи 6:2-4). Демәк, әԝ те һʹәсабе, ԝәки мәрьв щурʹе жийина хԝәйә пешьн дьһелә у дәстпедькә бь жийинәкә тʹәзә бьжи. Бь ньхӧмандьне мәрьв дьдә кʹьфше, кӧ әԝи дӧ гавед пешьн дәрһәԛа кʹижани Иса дьгот, ани сери у бона исафа рʹьһʹәт Хԝәдерʹа дӧа дькә (Ибрани 9:14; 1 Пәтрус 3:21).

Әз ча тедәрхьм кӧ ида һазьр ьм бемә ньхӧмандьне?

Тʹәви рʹуспийед щьвате хәбәр дьн. Жь хәбәрдана тʹәви ԝә әԝана ԝе бьвиньн кӧ һәла һун фәʹм дькьн, ԝәки әԝ гав чь тенә һʹәсабе, һун принсипед Кʹьтеба Пироз әʹмьре хԝәда дьдьнә хәбате у ԝә бь рʹәзәдьли хԝә тʹәсмили Хԝәде кьрийә (Кʹаред Шандийа 20:28; 1 Пәтрус 5:1-3).

Гәло бона зарʹед Шәʹдед Йаһоԝа әԝ гав әʹсәйи нә?

Әре. Шәʹдед Йаһоԝа зарʹед хԝә «бь ширәт у һинкьрьна» Йаһоԝа мәзьн дькьн, һʹәма ӧса чаԝа кӧ Кʹьтеба Пироз һин дькә (Әфәси 6:4). Ле чахе зарʹ мәзьн дьбьн, әԝана хԝәха сафи дькьн кӧ һинкьрьнед Кʹьтеба Пироз леколин бькьн, ԛәбул бькьн, у әʹмьре хԝәда бьдьнә хәбате. Тʹәне бь ԝи щурʹәйи әԝана ԝе бона ньхӧмандьне һазьр бьн (Рʹомайи 12:2). Бәле, һәр кәс хԝәха сафи дькә кӧ чь бьһʹәбинә (Рʹомайи 14:12; Галати 6:5).