На. Кʹьтеба Пирозда зәлал те готьне, кӧ Хԝәде һьм бәндә һьм жи һʹәйԝан у шинкайи бь «щурʹе» ԝан әʹфьрандийә (Дәстпебун 1:12, 21, 25, 27; Әʹйанти 4:11). Ль гора Кʹьтеба Пироз һʹәму мәрьв жь Адәм у Һеԝайе бунә, демәк жь де-баве мәйи пешьн (Дәстпебун 3:20; 4:1). Сәрһатийа Кʹьтеба Пироз дәрһәԛа әʹфьрандьне пьштгьрийа ве теорийайе накә, кӧ Хԝәде һʹәму щурʹе жийине бь сайа еволусийайе әʹфьрандийә. (Щарна сәр ве теорийайе дьбежьн «еволусийа теистики»). Хенщи ԝе йәке әʹламәтийа жь Кʹьтеба Пироз һьмбәри теорийа зандара начә, йа кӧ дьбежьн ԝәки һәр «щурʹе» бинбәрада щӧдәбун һәйә. a

•  Гәло Хԝәде еволусийа дайә хәбате?

•  Гәло еволусийа ль гора Кʹьтеба Пироз рʹаст ә?

•  Гәло әв йәк кӧ һʹәйԝан у шинкайи дькарьн һини гӧһастьнед дәмсала бьн, чь дьдә кʹьфше?

 Әԝед кӧ хԝә ль «еволусийа теистики» дьгьрьн, бь щурʹә-щурʹә шьровәдькьн, кӧ жийин чаԝа пешда һатийә. Ль гора «Фәрһәнга Британи», әв теорийа дьдә кʹьфше, ԝәки «бьжартьна тʹәбийәте әв жь ԝан механизма йә, бь кʹижани Хԝәде рʹебәрийа дьнйайе дькә».

 Диса һьнә идейед дьн дькʹәвнә нава еволусийа теистики:

•   Һʹәму бинбәр жь кал-баве хԝәйә әʹԝльн пешда һатьнә.

•   Чахе щурʹәки әʹмьр жь һәв зедә дьбә, дькарә бе гӧһастьне у бьбә щурʹәки дьн. Щарна гӧһастьнед ӧса нав дькьн ча макроеволусийа.

•   Хԝәде рʹебәрийа протсесед еволусийайе дькә.

 Теорийа еволусийа теистики дьбежә, ԝәки әԝ чь кӧ кʹьтеба Дәстпебунеда те готьне дәрһәԛа әʹфьрандьне, нәрʹаст ә. Ле Иса Мәсиһ дәрһәԛа ве кʹьтебе ӧса хәбәр дьда, ча дәрһәԛа избаткьрьнәкә рʹаст (Дәстпебун 1:26, 27; 2:18-24; Мәтта 19:4-6). Кʹьтеба Пироз дьбежә, ԝәки пешийа кӧ Иса бьһата сәр әʹрде, әԝи сәр әʹзмен тʹәви Хԝәде бу у әʹфьрандьнеда али Хԝәде дькьр (Йуһʹәнна 1:3). Ләма жи әԝ теорийа, кӧ Хԝәде бь еволусийайе һʹәму щурʹә жийин әʹфьрандийә, ль гора Кʹьтеба Пироз нәрʹаст ә.

 Кʹьтеба Пирозда найе готьне, ԝәки жь щурʹәки жийине чьԛас щурʹә жийин дькарьн пешда бен. Әԝ нә жи инкʹар дькә ԝе йәке, кӧ щурʹә-щурʹә һʹәйԝан у шинкайед кӧ Хԝәде әʹфьрандийә, ԝәʹде жь һәв зедәбуне йан жи чахе дькʹәвьнә щийе тʹәзә, щурʹе хԝә дьгӧһезьн. Дьбә кӧ кәсәк гӧһастьнед ӧса һʹәсаб дькә ча еволусийа, ле бь рʹасти әв ӧса нинә. Чьмки жь бо һәв зедәбуна һʹәйԝан у шинкайа, у жь бо щийед ԝани тʹәзә, формед жийинейә тʹәзә пешда найен.