Кʹьтеба Пирозда те готьне ԝәки Хԝәде дьхԝазә «һевийе у ахьрийа баш» a бьдә мә (Йерәмйа 29:11, ДТʹ). Хԝәде Кʹьтеба Пироз пʹешкʹеши мәрьва кьр, «ԝәки әм бь сәбьре у ԝан готьнед ньвисарада кӧ бине дьдьнә бәр мә, хԝәйигӧман бьн» (Рʹомайи 15:4). Бь сайа ширәтед жь Кʹьтеба Пирозә билани, әм дькарьн проблемед хԝәйи һәррʹожи сафи кьн у һевийа ахьрийа баш бьстиньн. Ԝәрә әм һьнә жь ԝан ширәта шеԝьр кьн у хԝәха ԝе йәкеда избат бьн.

Сәр ве рʹупʹеле

•  Ча Кʹьтеба Пироз али мәрийа дькә, ԝәки бь шабуне сәр ахьрийе бьньһерʹьн?

•  Кʹьтеба Пироз чь һевийе дьдә инсанәте?

•  Рʹезед Кʹьтеба Пироз дәрһәԛа һевийе

 Кʹьтеба Пироз, рʹебәри у ширәтед керһати дьдә, йед кӧ дькарьн али мә бькьн жийина хԝә баш кьн у сәр ахьрийе бь позитив бьньһерʹьн. Вьра чәнд мәсәлә һатьнә дайине.

•   Ширәтед керһати Кʹьтеба Пирозда бьгәрʹә. Зәбура 119:105-да те готьне «Хәбәра Тә чʹьра гавед мьн ә у рʹонайа шьвәрʹийед мьн ә». Чаԝа кӧ фәнәрәкә баш у ԛәԝи али тә дькә кӧ бьвини чь бәр ньге тә йә у чь пешийа тә йә, бь ви щурʹәйи Хәбәра Хԝәде жи дӧ тьштада дькарә али тә бькә. Йа пешьн, ширәтед ԝейә керһати али мә дькьн, ԝәки ньһерʹандьна позитив хԝәй кьн у чәтьнайед хԝәйи һәррʹожи сафи кьн. Һинкьрьнед жь Кʹьтеба Пироз ԛәԝате дьдьн у «дьле мерьв ша дькьн» (Зәбур 19:7, 8). Йа дӧда, бь аликʹарийа Кʹьтеба Пироз әм дькарьн һевийа баш бьстиньн, чь кӧ Хԝәде соз дайә бона әʹрде у бона инсанәте. Бь сайа ԝе һевийе әм шабуна мәзьн у рʹьһʹәтийа дьл дьстиньн, кʹижан кӧ тʹӧ кәс нькарә жь мә бьстинә.

•   Изьне бьдьнә кәсед дьн кӧ али ԝә бькьн. Щарна жь бо дәрәщед чәтьн, мәрьв дьхԝазә хԝә жь нәфәр у һәвалед хԝә, дур бьгьрә. Ле ль гора ширәтед Кʹьтеба Пироз әв йәк нә бь билани йә, чьмки дькарә бәрбь гавед нәбаш бьвә (Мәтʹәлок 18:1). Мәрьвед кӧ мә һʹьз дькьн, дькарьн али мә бькьн, ԝәки әм гавед ӧса нәвежьн, жь бо чь жи пʹошман бьн. Хенщи ԝе йәке әԝана дькарьн ширәтед баш бьдьнә мә у али мә бькьн сәри жь чәтьнайа дәрхьн (Мәтʹәлок 11:14). Һьм жи әԝана дькарьн бәр дьле мәда бен, һелане у ԛәԝате бьдьнә мә, ԝәки әм бькарьбьн ԝе дәрәща хԝәйә чәтьнда сәбьр кьн, һʹәта кӧ Хԝәде илащәке дькә (Мәтʹәлок 12:25).

•   Хԝәдерʹа дӧа кьн. Кʹьтеба Пирозда те готьне: «Баре хԝә жь Йаһоԝарʹа b бәрдә у әԝе жь тәрʹа бьбә аликʹар. Жь бәр кӧ әԝ тʹӧ щара дәстуре надә, кӧ мьровед рʹаст» бьлькʹӧмьн (Зәбур 55:22, ДО). Йаһоԝа һежайи йә, кӧ бе навкьрьне «Хԝәдайе һевийе» (Рʹомайи 15:13, ИМ). Һун дькарьн дәрһәԛа һʹәму кӧл-дәрдед хԝә жерʹа бежьн, чьмки Кʹьтеба Пирозда те готьне: «Һʹәму хәмед хԝә бавежьнә сәр ԝи, чьмки әԝ бона ԝә хәм дькә» (1 Пәтрус 5:7). Ӧса жи Кʹьтеба Пирозда те готьне ԝәки Хԝәде «ԝе хԝәха ԝә кʹамьл кә, бьшьдинә, ԛәԝат кә, хԝәйибьнгәһ кә» (1 Пәтрус 5:10).

•   Бьра чәтьнайи һевийа ԝә ԛәԝи кьн. Кʹьтеба Пирозда те готьне: «Ле йе гӧһ дьдә [Хԝәде] ԝе сах-сьламәт бьжи у жь саԝа хьрабийе тʹәвһәв нәбә» (Мәтʹәлок 1:33). Ль Австралйайе фьртоне мала кʹӧлфәтәке, наве кʹижане Маргарет ә, һурдәхԝәши кьр. Ахьрийе әԝе һʹәчʹи зәʹф һәбуна хԝә ӧнда кьр. Ле дәԝса кӧ дьлтәнг буйа, әԝ дәрсәке һин бу: тьштед материали ԝәʹдәлу нә у һеса дькарьн ӧнда бьн. Паши ԝе йәке әԝе фәʹм кьр, ԝәки жийинеда дьһа тьштед фәрз һәнә кӧ гәрәке ԛимәт кьн, әԝ мәрьвед мә нә, һәвалед мә, һәләԛәтийа мә тʹәви Хԝәде у һевийа кӧ Кʹьтеба Пироз дьдә мә (Зәбур 37:34; Аԛуб 4:8).

 Кʹьтеба Пирозда те готьнә, ԝәки Хԝәде ахьрийа баш бона әʹрде у инсанәте һазьр кьрийә у әв йәк гәләк незик ә. Бь рʹасти әԝ проблемед кӧ иро рʹасти инсанәте тен, избат дькьн кӧ әм «рʹожед ахьрийеда» дьжин (2 Тимотʹейо 3:1-5). Зутьрәке Хԝәде ԝе һʹӧкӧмәтийа сәр әʹрде һьлдә дәсте хԝә у һʹәму кӧл-дәрдед инсанәте бьдә һьлдане. Хԝәде ԝе бь сайа пʹадшатийа һʹәмдьнйайе, йа кӧ те навкьрьне Пʹадшатийа Хԝәде, әве йәке бькә (Данийел 2:44; Әʹйанти 11:15). Һәма дәрһәԛа ԝе Пʹадшатийе Иса дӧайе хԝәда дьгот: «Пʹадшатийа тә бе, әʹмьре тә бә . . . ль сәр әʹрде» (Мәтта 6:9, 10).

 Кʹьтеба Пирозда ԛьрара Хԝәде зәлал те гьликьрьне. Ньһа дина хԝә бьдьне ԝәки Пʹадшатийа Хԝәде ԝе чь проблема бьдә һьлдане:

•   Ԝе ида бьрʹчибун тʹӧнә бә. «Бьра әʹрд бәре хԝә бьдә» (Зәбур 67:6).

•   Нәхԝәши ида ԝе тʹӧнә бьн. «Йе кӧ ль ԝьр рʹудьне, ԝе нәбежә: ‹Әз нәхԝәш ьм›» (Ишайа 33:24).

•   Мьрьн ԝе ида тʹӧнә бә. Хԝәде ԝе «жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун» (Әʹйанти 21:3, 4).