Һьнә мәрьв гәләк мәʹдәкьри нә, гава дәрва баранәки ԛайим те у әԝана нькарьн тʹӧ шьхӧл хԝәрʹа бьвиньн, нә жи жь мал дәркʹәвьн. Хортәки бь наве Роберт дьбежә: «Рʹожед ӧсада әз малда рʹуньштьмә у ньзаньм чь бькьм».

Дьԛәԝьмә тә жи хԝә ӧса тʹәхмин дькьр. Һәрге бәле, әв готар ԝе али тә бькә!

•  Тӧ чь гәрәке бьзаньби

•  Тӧ чь дькари бьки

•  Һьнә щаһьл чь дьбежьн

• Һащәтед әләктроник нькарьн али тә бькьн.

  Ӧса дькарә бе кʹьфше, ԝәки интернет ԝе али тә бькә тьштәкива мьжул би, ле бь рʹасти әв рʹийа тә дьгьрә кӧ тьштәки тʹәзә һин би у сәрда жи һʹәԝаса тә ӧнда дькә. Щереми, йе кӧ 21 сали йә дьбежә: «Тӧ тʹәне екране дьньһерʹи, ле һʹьше тә весийайи йә, чьмки нькари дәрһәԛа тьштәки бьфькьри».

  Кәчʹькәк бь наве Елена дьбежә: «Бь һащәтед әләктроник тӧ нькари гәләк тьшта бьки. Әв тә жь дьнйа реали дур дьхә. Ләма жи чахе тӧ гәләк ԝәʹдә һащәте хԝәда дәрбаз дьки, тӧ хԝә дьһа хьраб у мәʹдәкьри тʹәхмин дьки!»

• Гәләк тьшт ньһерʹандьна тәва гьредайи йә.

  Гава шьхӧлед тә зәʹф ьн жи, әв найе һʹәсабе кӧ һʹәԝаса тә тьштарʹа тʹьме һәбә. Гәләк тьшт ве йәкева гьредайи йә, кӧ шьхӧле хԝә һʹьз бьки. Кәчʹькәкә бь наве Карен дьбежә: «Дәрсед мәкʹтәбе щәм мьн зәʹф бун у тʹәмамийа рʹоже әз ве йәкева мьжул бум. Ле диса жи һʹәԝаса мьн ве йәкерʹа тʹӧнә бу. Лапи баш әԝ ә кӧ тә хԝәш бе әԝ шьхӧле кӧ дьки».

Ԝә заньбу? Һәрге тӧ дьфькьри, ԝәки «шьхӧле тә тʹӧнә», әԝ йәк мәʹни нинә кӧ мәʹдәкьри би. Ле бь рʹасти әв ча халийа баш ә, кӧ тьштәки тʹәзә һин би у пешда һәрʹи.

Дәрһәԛа тьштед тʹәзә пебьһʹәсә. Мәрьвед тʹәзә нас кә у хобийед тʹәзәва жи мьжул бә. Тьштәки ну леколин кә. Мәрьвен, һʹәԝаса кʹижана кӧ щурʹә-щурʹә тьштава һәйә, мәʹдәкьри ниньн гава тʹәне дьминьн у чахе тʹәви мәрийа нә жи!

Принсипа Кʹьтеба Пироз: «Тьште кӧ бона ль сәр хәбат кьрьне тә дитийә һәр чь бә, бь һеза [ԛәԝата] хԝә ль сәр ԝе бьхәбьтә» (Ԝаиз 9:10).

«Ԝан пашԝәхтийа мьн дәстпекьр зьмане Чинайи дәвока Мандарини һин бьм. Һәр рʹож әз әви зьмани баш дькьм у пʹошман дьбьм, кӧ пешда мьн дәстпенәкьр һин бьм. Мьн хԝәш те нета дайньм пешийа хԝә у сәр бьхәбьтьм. Әв йәк али мьн дькә бәтал нибьм у ԝәʹде хԝә жи керһати бьдьмә хәбате» (Мелинда).

Бь тʹәмами дина хԝә бьдә нета хԝә. Тәрʹа ԝе дьһа һʹәԝас бә шьхӧлава мьжул би һәрге фәʹм дьки кӧ бона чь нети тӧ әԝе йәке дьки. Һәла һе дәрсед мәкʹтәбе тәрʹа ԝе дьһа һʹәԝас бьн, гава тӧ нета пешийа хԝә датини.

Принсипа Кʹьтеба Пироз: «Бона зьлам жь хԝарьн у вәхԝарьне у жь бь кʹәде щане хԝә ша кьрьне ԛәнщтьр тьштәк нинә» (Ԝаиз 2:24).

«Чахе мьн мәкʹтәба хԝә хьлаз дькьр, әз һәр рʹож бь һʹәйшт сьһʹәта дәрсе хԝә дькьрьм, ԝәки дәрсед кӧ мьн бәрда бу һин бьм. Кәсәк дькарә бьфькьрә кӧ әԝ йәк һʹәԝас нибу. Ле бь рʹасти ӧса нинә, чьмки ӧса әз дькарьбум бьгьһижьмә нета хԝә, демәк екзаменед хьлазийе тʹәсмил кьм. Әв йәк ԛәԝате дьда мьн сьст нәбьм у хԝә рʹьнд һазьр кьм» (Һанна).

Ԛәбул кә кӧ һьнә тьшт тӧ нькари бьгӧһези. Жь бо шьхӧлед һʹәԝас жи щарна әм дькарьн бьԝәстьн. У һәвалед лапи баш жи щарна дькарьн сафикьрьнед мә бьгӧһезьн у жь бо ԝе йәке әме ньзаньбьн чь шьхӧлава мьжул бьн. Дәԝса кӧ жь бо дәрәщед кӧ тӧ нькари бьгӧһези хәмгин би, ԛәԝате бьдә хәбате кӧ бь позитив сәр тьшта бьньһерʹи.

Принсипа Кʹьтеба Пироз: «Хԝәйе дьле ша һәр тʹьм шайеда йә» (Мәтʹәлок 15:15).

«Һәваләк дьготә мьн кӧ һин бьм һьнге жи ша бьм, гава әз тʹәне дьминьм. Әԝе готә мьн, ԝәки әԝ фәрәсәт, һәрге әз һин бьм ортʹа зерʹин бьвиньм гава сафи дькьм кӧ чьԛас ԝәʹде тʹәне дәрбаз кьм у чьԛас тʹәви һәвала, ԝе кери мьн бе. Әв фәрәсәт ԝе кери һәр кәси бе» (Айви).