ಕೀರ್ತನೆ 112:1-10
112 ಯಾಹುವನ್ನ ಸ್ತುತಿಸಿ!*+
א [ಆಲೆಫ್‌]
ಯೆಹೋವನಿಗೆ ಭಯಪಡೋನು ಭಾಗ್ಯವಂತ.+
ב [ಬೆತ್‌]
ದೇವರ ಆಜ್ಞೆಗಳಂದ್ರೆ ಅವನಿಗೆ ತುಂಬ ಖುಷಿ.+
ג [ಗಿಮೆಲ್‌]
2 ಅವನ ವಂಶದವರು ಭೂಮಿ ಮೇಲೆ ಶಕ್ತಿಶಾಲಿ ಆಗ್ತಾರೆ.
ד [ಡಾಲತ್‌]
ನೀತಿವಂತನ ಪೀಳಿಗೆಗೆ ಆಶೀರ್ವಾದ ಸಿಗುತ್ತೆ.+
ה [ಹೆ]
3 ಅವನ ಮನೆಯಲ್ಲಿ ಸಿರಿಸಂಪತ್ತು ಇರುತ್ತೆ.
ו [ವಾವ್‌]
ಅವನ ನೀತಿ ಶಾಶ್ವತವಾಗಿ ಇರುತ್ತೆ.
ז [ಜಯಿನ್‌]
4 ಪ್ರಾಮಾಣಿಕರಿಗೆ ಅವನು ಕತ್ತಲಲ್ಲಿ ಹೊಳಿಯೋ ಬೆಳಕಾಗಿದ್ದಾನೆ.+
ח [ಹೆತ್‌]
ಅವನು ದಯಾಮಯಿ,* ಕರುಣಾಮಯಿ,+ ನೀತಿವಂತ.
ט [ಟೆತ್‌]
5 ಧಾರಾಳವಾಗಿ* ಸಾಲಕೊಡೋನಿಗೆ ಒಳ್ಳೇದಾಗುತ್ತೆ.+
י [ಯೋದ್‌]
ಅವನು ಎಲ್ಲ ಕೆಲಸಗಳನ್ನ ನ್ಯಾಯವಾಗಿ ಮಾಡ್ತಾನೆ.
כ [ಕಾಫ್‌]
6 ಅವನು ಯಾವತ್ತೂ ಕದಲಲ್ಲ.+
ל [ಲಾಮೆದ್‌]
ನೀತಿವಂತರನ್ನ ಯಾವಾಗ್ಲೂ ನೆನಪಿಸಿಕೊಳ್ತಾರೆ.+
מ [ಮೆಮ್‌]
7 ಅವನು ಕೆಟ್ಟಸುದ್ದಿಗೆ ಭಯಪಡಲ್ಲ.+
נ [ನೂನ್‌]
ಅವನ ಹೃದಯ ಸ್ಥಿರವಾಗಿರುತ್ತೆ, ಅದು ಯೆಹೋವನಲ್ಲಿ ಭರವಸೆ ಇಟ್ಟಿರುತ್ತೆ.+
ס [ಸಾಮೆಕ್‌]
8 ಅವನ ಹೃದಯ ನಡುಗಲ್ಲ, ಅವನು ಹೆದ್ರಲ್ಲ.+
ע [ಅಯಿನ್‌]
ಕೊನೆಗೆ ಶತ್ರುಗಳ ವಿರುದ್ಧ ಅವನು ಗೆಲ್ತಾನೆ.+
פ [ಪೇ]
9 ಅವನು ಉದಾರವಾಗಿ* ಹಂಚಿದ್ದಾನೆ, ಅವನು ಬಡವ್ರಿಗೆ ಕೊಟ್ಟಿದ್ದಾನೆ.+
צ [ಸಾದೆ]
ಅವನ ನೀತಿ ಸದಾಕಾಲಕ್ಕೂ ಮುಂದುವರಿಯುತ್ತೆ.+
ק [ಕೊಫ್‌]
ಅವನ ಬಲ* ಗೌರವ ಜಾಸ್ತಿ ಆಗ್ತಾ ಹೋಗುತ್ತೆ.
ר [ರೆಶ್‌]
10 ಇದನ್ನ ನೋಡಿ ಕೆಟ್ಟವನು ನೆಮ್ಮದಿ ಕಳ್ಕೊತಾನೆ.
ש [ಶಿನ್‌]
ಅವನು ಹಲ್ಲು ಕಡಿತಾನೆ, ಕಣ್ಮರೆ ಆಗ್ತಾನೆ.
ת [ಟಾವ್‌]
ಕೆಟ್ಟವನ ಆಸೆಗಳು ಮಣ್ಣುಪಾಲಾಗುತ್ತೆ.+
ಪಾದಟಿಪ್ಪಣಿ
^ ಅಥವಾ “ಹಲ್ಲೆಲೂಯಾ.” “ಯಾಹು” ಯೆಹೋವ ಹೆಸರಿನ ಸಂಕ್ಷಿಪ್ತ ರೂಪ.
^ ಅಥವಾ “ಕನಿಕರ ತೋರಿಸ್ತಾನೆ.”
^ ಅಕ್ಷ. “ದಯೆಯಿಂದ.”
^ ಅಕ್ಷ. “ವಿಸ್ತಾರವಾಗಿ.”
^ ಅಕ್ಷ. “ಕೊಂಬು.”
