MWE LUTLUT 03
Yac Kom Kuh In Luhlahlfongi Ke Bible?
Bible uh ahkkahlwemye ke wuhlelah ac kahs in kahsruh pucspucs. Sahp, kom ke etuh ke ma Bible uh luti, tuhsruhktuh kom puhla muh upac sum in luhlahlfongi kac. Yac kom ac fah luhlahlfongi ke ma ahkkahlwemyeyuck ke puk mahi se inge? Yac kom kuh in luhlahlfongi ke ma Bible uh fahk muh kuht kuh in engankihn moul wo ke pacl inge ac ke pacl fahsruh uh? Million sin mwet elos luhlahlfongi kac. Efuh kom tiac srihke in lutlutkihn ma inge, ac liye lah kom kuh in luhlahlfongi kac?
1. Yac ma kom ac rit in Bible pwacye ac suwohs?
Bible uh ahkkahlwemye lah “arulacna pwacye” ma oasr kac uh. (Ecclesiastes 12:10) Ma inge sruhmuhn ke mwet suc moul ac ke ma sikyak na pwacye in pacl sacn. (Riti Luke 1:3; 3:1, 2.) Mwet sihm ke ma sikyak fin facluh ac archaeologist pucspucs elos ahkpwacyeye lah pacl, mwet, acn, ac ma sikyak ma sihmlac in Bible uh pwacye ac suwohs.
2. Efuh kuh Bible uh kuh in luhlahlfongiyuck finne ma inge sihmlac in pacl meet ah?
Ke pacl puhs Bible uh fahk ke ma ma soenna etweyuck ke pacl se sihmihsyucklac. Ke sie mwe puhpuhlyuck, ma inge ahkkahlwemye ma ac kuhpahsr nuhke science, ma tiac luhlahlfongiyuck sin mwet pucspucs in pacl sacn. Tuhsruhktuh, ma science uh konwacack ke pacl inge sang mwe ahkpwacyeye lah ma Bible uh fahk arlacna suwohs. Ma inge “fal in luhlahlfongiyuck . . . oakwucki na nwe tok.”—Psalm 111:7, 8.
3. Efuh kuht kuh in luhlahlfongi ke ma Bible uh fahk ke pacl fahsruh uh?
Oasr kahs pahluh a in Bible ma palye ke “ma ac sikyak in pacl tok uh.” (Isaiah 46:10) Arlacna suwohs ma palyeyuck in Bible ke mwe sramsram ke ma sikyak fin facluh meet liki ma inge sikyak. Ma inge ahkkahlwemye pac ke ohiyac pucspucs ma sikyak fin facluh ke pacl inge. Ke mwe lutlut se inge, kuht ac fah tuni ahkwoyac kuhtuh kahs pahluh in Bible uh inge. Kom ac fah fwefwelac ke inkacnek ma kahs pahluh inge ahkpwacyeyuck!
AHKYOHKYE LUTLUT LOM
Tuni ahkwoyac lah fuhkah science uh ahkpwacyeye ma Bible uh fahk, ac lutlutkihn ahkwoyac kuhtuh kahs pahluh in Bible ma arlacna wo.
4. Science ac Bible uh tiac lain sie sin sie
In pacl meet ah, inkaiyen mwet uh luhlahlfongi muh facluh oan fin sie ma. Liye VIDEO se.
Lohacng nuhke ma suhmuhslah se inge ke puk luhn Job yac 3,500 kuhtuh pacl somlah ah. Riti Job 26:7. Tohkohyang, sramsramkihn kihsen siyuck se inge:
-
Efuh kuh arlac usrnguck ma fuhs se inge fahk muh srihpsrihpyak facluh ke “yen wacngihn ma oan we”?
Pacl se ma mwet uh kahlwem na pwacye ke ohiyen fahsr luhn kof uh pa ke yac 200 somlah ah muhkwena. Tuhsruhktuh, liye ma Bible uh fahk kac apkuhran yac 3,500 somlah. Riti Job 36:27, 28. Tohkohyang, sramsramkihn kihsen siyuck inge:
-
Efuh kuh arlac wo ahkuhtweyac luhn Bible uh ke ohiyen fahsr luhn kof uh inge?
-
Yac ma suhmuhslah ma kom tuhfahna ritelah inge ahkkweye luhlahlfongi lom ke Bible?
5. Bible uh palye ke ma sikyak na yohk srihpac
Riti Isaiah 44:27–45:2. Tohkohyang, sramsramkihn kihsen siyuck se inge:
-
Ma fuhkah Bible uh palye ke yac 200 meet liki kuhnanuclac luhn acn Babylon?
Mwe sramsram ke ma sikyak fin facluh ahkpwacyeye lah Tohkohsrah Cyrus luhn Persia ac mwet mweun lal uh sruokyac siti luhn Babylon in yac 539 B.C.E. b Eltahl oruh tuh kof ke infacl ma raunelah siti se inge in sohrohrlah nuhke acn sahyac. Sruhnguhl luhlahp ke siti se inge muhlkihnyucklac in kauli, pwacnacng eltahl sa na in sruokyac acn se inge finne wacngihn mweun orek. Tukun yac 2,500 kuhtuh somlah, acn Babylon srackna muhsahllah nwe ke pacl inge. Lohacng nuhke ma Bible uh palye.
Riti Isaiah 13:19, 20. Tohkohyang, sramsramkihn kihsen siyuck inge:
-
Kahs pahluh se inge ke acn Babylon ahkpwacyeyuck fuhkah?
Ma muhsahllah ke Babylon ma oasr fin acn Iraq ke pacl inge
6. Bible uh palye ke ma pucspucs ma ac sikyak ke pacl inge
Bible uh fahk lah kuht moul ke “lwen sahflah.” (2 Timothy 3:1) Liye lah meac Bible uh palye ke lwen sahflah inge.
Riti Matthew 24:6, 7. Tohkohyang, sramsramkihn kihsen siyuck inge:
-
Ma fuhkah Bible uh ahkkahlwemye muh ac fah sikyak ke lwen sahflah uh?
Riti 2 Timothy 3:1-5. Tohkohyang, sramsramkihn kihsen siyuck inge:
-
Meac Bible uh fahk ke ohiyac ma mwet uh ac fah ahkkahlwemye ke lwen sahflah uh?
-
Piyac kac sin ohiyac inge kom liye ke pacl inge?
KUHTUH MWET UH FAHK: “Mwe sramsram pihlenfong ac nuhnak na luhn mwet pa ma sihmlac in Bible.”
-
Ke nuhnak lom sifacna, meac mwe ahkpwacyeye fokoko muh Bible uh kuh in luhlahlfongiyuck?
MA KUHT LOTWELAH
Mwe sramsram ke ma sikyak fin facluh, science, ac kahs pahluh uh ahkkahlwemye lah kuht kuh in luhlahlfongi Bible.
Kalweni
-
Yac ma kom riti in Bible uh pwacye ac suwohs?
-
Meac kuhtuh ma ma ahkpwacyeye lah science ac Bible uh tiac lain sie sin sie?
-
Yac kom luhlahlfongi muh Bible uh kuh in fahk ke ma ac sikyak ke pacl fahsruh uh? Efuh?
LIYE PAC MA INGE
Ke ma sihmlac in Bible ma kuhpahsr nuhke science, yac oasr tari ma tahfonglac kac?
Meac ac fah sikyak ke “lwen sahflah uh”?
“6 Bible Prophecies You Are Seeing Fulfilled” (The Watchtower, May 1, 2011)
Lotwelah lah fuhkah kahs pahluh luhn Bible ke kolyuck luhn acn Greece ahkpwacyeyuck.
Liye lah fuhkah sie mukul el ekuhllah nuhnak lal ke Bible tukun el rit kahs pahluh ma oasr kac.
