We Jizɔs bin de na dis wɔl, i bin sho se i rili lɛk pipul dɛn; i sho dat bay we i ivin gi in layf fɔ dɛn. (Matyu 20:​28; Jɔn 15:​13) I nɔ go te igen, i go sho bak se i lɛk pipul dɛn bay we i go yuz in pawa as Kiŋ na Gɔd in Kiŋdɔm fɔ mek “wɔ dɔn ɔlsay na di wɔl.”—Sam 46:​9.

 Notis aw di Baybul tɔk bɔt wetin Jizɔs go du:

•   “I go sev pɔsin we po we de kray fɔ lɛ dɛn ɛp am, i go sev pɔsin we dɛn nɔ tek mek natin ɛn ɛnibɔdi we nɔ gɛt pɔsin fɔ ɛp am. I go sɔri fɔ di wan dɛn we dɛn nɔ tek mek natin ɛn di wan dɛn we po, ɛn i go sev po pipul dɛn layf. I go sev dɛn frɔm di wan dɛn we de sɔprɛs dɛn ɛn di wan dɛn we de mek dɛn sɔfa.”—Sam 72:​12-14.

 Aw wi go sho se wi gladi fɔ ɔl wetin Jizɔs dɔn du fɔ wi ɛn wetin i go du jisnɔ? Insay Lyuk 22:​19, Jizɔs bin tɛl in disaypul dɛn fɔ mɛmba in day. Na dat mek ɛni ia, we di det we i bin day rich, Jiova Witnɛs dɛn de gɛda togɛda. Wi de invayt yu fɔ jɔyn wi fɔ mɛmba Jizɔs in day Sɔnde, Mach 24, 2024.

Fɛn Usay Dɛn Go Gɛt di Mɛmorial