တၢ်မၤလိလံာ်စီဆှံဒီး ပှၤလၢအသိၣ်လိလံာ်စီဆှံ တဂၤဂၤ
အိၣ်မူလီၤထူလီၤယိာ် ပှဲၤဒီးတၢ်သးခု.
နမ့ၢ်မၤလိသကိးလံာ်စီဆှံန့ၣ် နကသ့ၣ်ညါဘၣ် တၢ်သံကွၢ်တဖၣ်အံၤ အတၢ်စံးဆၢ–
ယအိၣ်ဒီး တၢ်အိၣ်မူလၢ အပှဲၤဒီးတၢ်သးခု ကသ့ဒ်လဲၣ်.
တၢ်အၢတၢ်သီ ဒီးတၢ်နးတၢ်ဖှီၣ် ကကတၢၢ်ဒံးဧါ.
ယကထံၣ်ဘၣ် ပှၤလၢယအဲၣ် လၢအသံတ့ၢ်တဖၣ်ဒံးဧါ.
ကစၢ်ယွၤသူၣ်အိၣ်သးအိၣ်ယၤ နီၢ်ကီၢ်ဧါ.
ဒ်သိးကစၢ်ယွၤ ကဒိကနၣ်ယတၢ်ထုကဖၣ်အဂီၢ် ယဘၣ်ဃ့ထုကဖၣ်ဒ်လဲၣ်.
တလိၣ်ဟ့ၣ်စ့ဘၣ်
လၢတၢ်မၤလိအဂီၢ် နတလိၣ်ဟ့ၣ်စ့နီတဘးဘၣ်, လၢတၢ်မၤလိအလံာ် အိၣ်မူလီၤထူလီၤယိာ် ပှဲၤဒီးတၢ်သးခု အဂီၢ်မ့ၢ်ဂ့ၤ နတလိၣ်ဟ့ၣ်စ့ဘၣ် ဒီးနမ့ၢ်လိၣ်ဘၣ်လံာ်စီဆှံန့ၣ် နကန့ၢ်ဘၣ်လံာ်စီဆှံတဘ့ၣ် ဘၣ်ဆၣ်နတလိၣ်ဟ့ၣ်စ့ဘၣ်.
တၢ်ဆၢကတီၢ် ဒီးတၢ်လီၢ်လၢ အဂ့ၤလၢနဂီၢ်
နကမၤလိလံာ်စီဆှံဒီးပှၤအဂီၢ် ပှၤလဲၤလၢနအိၣ်သ့ မ့တမ့ၢ် နမၤလိဒီးပှၤ လၢ အီၤလါ (online) ဖီခိၣ် ဖဲတၢ်ဆၢကတီၢ် ဒီးတၢ်လီၢ်လၢ အဂ့ၤလၢနဂီၢ်သ့.
နမၤလိလံာ်စီဆှံအဃိ နဘၣ်ကဲထီၣ်ယဟိဝၤပှၤအုၣ်သးတမ့ၢ်ဘၣ်
နမ့ၢ်စးထီၣ်မၤလိလံာ်စီဆှံ ဒီးလၢခံနမ့ၢ်တအဲၣ်ဒိးမၤလိလၢၤဘၣ်စ့ၢ်ကီး တဘၣ်နီတမံၤဘၣ်.
တၢ်မၤလိလံာ်စီဆှံန့ၣ် ပမၤအီၤဒ်လဲၣ်.
ပှၤလၢအသိၣ်လိနၤလံာ်စီဆှံတဂၤ ကမၤစၢၤနၤလၢ နကနၢ်ပၢၢ် တၢ်ဂ့ၢ်လၢ လံာ်စီဆှံသိၣ်လိဝဲတဖၣ် တခါဘၣ်တခါ. ဖဲနမၤလိသကိးလံာ် အိၣ်မူလီၤထူလီၤယိာ် ပှဲၤဒီးတၢ်သးခု အခါကယီကယီန့ၣ် နကသ့ၣ်ညါနၢ်ပၢၢ်ထီၣ် လံာ်စီဆှံတၢ်ကစီၣ် ဒီးအကဲဘျုးလၢနဂီၢ် ဒ်လဲၣ်အဂ့ၢ်. ဒ်သိးနကသ့ၣ်ညါအါထီၣ်အဂီၢ် ကွၢ်တၢ်ဂီၤမူအံၤ မ့တမ့ၢ် ဃုသ့ၣ်ညါဘၣ်ဃးဒီး တၢ်မၤလိအဂ့ၢ်လၢ တၢ်သံကွၢ်လၢ ညီနုၢ်ပှၤသံကွၢ်တဖၣ် အပူၤ.
နအဲၣ်ဒိးမၤလိကွၢ်ဧါ.
ဆီၣ်လီၤလံာ်လၢ အအိၣ်လၢ တၢ်ဖီလာ်အံၤ လၢနတၢ်မၤလိလံာ်စီဆှံ တၢ်ရဲၣ်တၢ်ကျဲၤ အဆိကတၢၢ်တဘျီအဂီၢ်.