တၢ်နးတၢ်ဖှီၣ်လၢပထံၣ်ဘၣ်တဖၣ်န့ၣ် မ့ၢ်ကစၢ်ယွၤ ဒုးအိၣ်ထီၣ်ဝဲဧါ.
လံာ်စီဆှံတဲဝဲဒ်လဲၣ်
လံာ်စီဆှံတဲဝဲလၢ ယဟိဝၤယွၤတဒုးအိၣ်ထီၣ် တၢ်နးတၢ်ဖှီၣ်ဘၣ်. ယဟိဝၤယွၤတတိာ်ပာ်ဝဲလၢ ပှၤဟီၣ်ခိၣ်ဖိကထံၣ်ဘၣ် တၢ်နးတၢ်ဖှီၣ်ဘၣ်. ဘၣ်ဆၣ်ပှၤဟီၣ်ခိၣ်ဖိ အဆိကတၢၢ်ခံဂၤန့ၣ် ထီဒါဝဲကစၢ်ယွၤတၢ်ပၢ ဒီးဃုထၢဝဲလၢ ကဆၢတဲာ်တၢ်ဂ့ၤဒီးတၢ်အၢ လၢအနီၢ်ကစၢ်. အဃိလၢခံန့ၣ် အဝဲသ့ၣ်ထံၣ်ဘၣ်ဒီး တၢ်နးတၢ်ဖှီၣ်တဖၣ်လီၤ.
ခီဖျိလၢအဝဲသ့ၣ် အတၢ်ဆၢတဲာ်ကမၣ်အဃိ မုၢ်မဆါတနံၤအံၤ ပထံၣ်ဘၣ်ဒီး တၢ်နးတၢ်ဖှီၣ်တဖၣ်. ကစၢ်ယွၤတဒုးအိၣ်ထီၣ် တၢ်နးတၢ်ဖှီၣ်တဖၣ်အံၤဘၣ်.
ပှၤတဂၤဂ့ၤတဂၤဂ့ၤ ဃုာ်ဒီးပှၤလၢအဲၣ်ကစၢ်ယွၤတဖၣ် ထံၣ်ဘၣ်ဒီးတၢ်နးတၢ်ဖှီၣ်. လၢတၢ်ဂ့ၢ်အံၤအဃိ လံာ်စီဆှံတဲဝဲလၢ “ဖဲပှၤဘၣ် တၢ်မၤကွၢ်အခါ မ်ပှၤသုတတဲလၢ “ကစၢ်ယွၤမၤကွၢ်ယၤ” န့ၣ်နီတဂၤတဂ့ၤ. ပှၤမၤကွၢ် ကစၢ်ယွၤလၢ တၢ်အၢတၢ်သီတသ့ဘၣ် ဒီးကစၢ်ယွၤ တမၤကွၢ်ပှၤဂၤလၢ တၢ်အၢတၢ်သီနီတဂၤ စ့ၢ်ကီးဘၣ်.” (ယၤကိာ် ၁:၁၃)
တၢ်ဂ့ၤအဂၤလၢ နကဘၣ်သး
လံာ်စီဆှံ အတၢ်သိၣ်လိလၢ အရ့ဒိၣ်တဖၣ်
ဘၣ်မနုၤအဃိ ယွၤပျဲတၢ်နးတၢ်ဖှီၣ်အခွဲးလဲၣ်.
ပှၤအါတက့ၢ်သံကွၢ်ဝဲလၢ ဘၣ်မနုၤအဃိ ဟီၣ်ခိၣ်အံၤပှဲၤဒီးတၢ်သူၣ်ဟ့သးဟ့ ဒီးတၢ်နးတၢ်ဖှီၣ်လဲၣ်. ဘၣ်ဃးဒီးတၢ်သံကွၢ်တဖျၢၣ်အံၤန့ၣ် လံာ်စီဆှံကပာ်ဖျါထီၣ်န့ၢ်ပှၤ တၢ်စံးဆၢလၢအလီၤသူၣ်မံသးမုာ်လီၤ.
တၢးထီခိးတၢ်
ပတူၢ်ဘၣ်တၢ်ကီတၢ်ခဲတဖၣ်အံၤန့ၣ် မ့ၢ်လၢကစၢ်ယွၤ စံၣ်ညီၣ်ပှၤအဃိဧါ
မ့ၢ်ကစၢ်ယွၤ စံၣ်ညီၣ်ပှၤဟီၣ်ခိၣ်ဖိ လၢတၢ်ဆူးတၢ်ဆါ ဒီးတၢ်နးတၢ်ဖှီၣ် ခီဖျိလၢ အမၤတၢ်ဒဲးဘးအဃိဘၣ်
လံာ်စီဆှံ အတၢ်သိၣ်လိတဖၣ်
မၤလိကွၢ် လံာ်စီဆှံဒီးပှၤ
မၤလိသကိး တၢ်မၤလိလံာ်စီဆှံ လၢတလိၣ်ဟ့ၣ်စ့ဘၣ်ဒီး ပှၤလၢအကမၤလိနၤ လံာ်စီဆှံတဂၤ.