ကတိၤဒိ ၂၀:၁-၃၀
၂၀ လၢစပံးထံအဃိ ပှၤကဲထီၣ် ပှၤနါစိၤ+ ဒီးလၢသံးအဃိ ပှၤကဲထီၣ် ပှၤလၢ အဟးမၤကြီတၢ်လီၤ.+
ပှၤလၢ အဟးမၤကမၣ်တၢ်လၢ အအီသံးအဃိန့ၣ် တမ့ၢ် ပှၤကူၣ်တၢ်သ့ဘၣ်.+
၂ စီၤပၤန့ၣ် လီၤပျံၤဝဲ ထဲသိးဒီး ခ့ယုၢ်လၢ အကညီၤတၢ်တဒုလီၤ.+
ပှၤလၢ အမၤဒိၣ်ထီၣ် စီၤပၤအသးန့ၣ် မ့ၢ်ဒၣ် အဒုးအိၣ်ထီၣ် တၢ်လီၤဘၣ်ယိၣ်လၢ အနီၢ်ကစၢ် အသးသမူ အဂီၢ်လီၤ.+
၃ ပှၤလၢအဟးဆှဲး တၢ်တဲအါလိာ်သးန့ၣ် ကြၢးဒီးတၢ်ယူးယီၣ်ပာ်ကဲ,+
မ့မ့ၢ် ပှၤဟးဂီၤဖိ ကိးဂၤဒဲးန့ၣ် ကလဲၤပၣ်ဃုာ်လၢ ပှၤတဲအါလိာ်သး အကျါလီၤ.+
၄ ပှၤလၢအကၢၣ်န့ၣ် တထဲၣ်တၢ်ဖဲ တၢ်ဂိၢ်ခါဘၣ်.
ဖဲပှၤကူးတၢ် အဆၢကတီၢ်န့ၣ် အတၢ်တအိၣ် နီတမံၤဘၣ်အဃိ အကဟးဃ့အီၣ်တၢ်လီၤ.*+
၅ ပှၤတဂၤ အတၢ်ဆိကမိၣ် လၢအသးပူၤန့ၣ် လီၤဂာ်ဒ်သိးဒီး ထံလၢ ထံယိာ်ပူၤဘၣ်ဆၣ် ပှၤလၢ အသ့ပဲာ်ထံနီၤဖးတၢ် တဂၤန့ၣ် စဲၤထီၣ်ဝဲလီၤ.
၆ ပှၤအါဂၤ တဲလီၤအသးလၢ အအိၣ်ဒီး တၢ်အဲၣ်လၢအတီ,
ဘၣ်ဆၣ် ပှၤလၢအသးတီ နီၢ်ကီၢ်ကီၢ်န့ၣ် ပှၤဃုဘၣ်အီၤ ကီဒိၣ်မးလီၤ.
၇ ပှၤတီပှၤလိၤန့ၣ် လဲၤတၢ်လၢ တၢ်သးတီအပူၤလီၤ.+
ဒီးအဖိတဖၣ်န့ၣ်* ကသးခုဝဲလီၤ.+
၈ ဖဲစီၤပၤ ဆ့ၣ်နီၤလၢ အလီၢ်ပစိာ် ဒ်သိး အကစံၣ်ညီၣ်တၢ်အခါ+အဝဲကွၢ်တၢ် လီၤတံၢ်လီၤဆဲး ဒ်သိး ကထုးထီၣ်ကွံာ် တၢ်အၢခဲလၢာ်အဂီၢ်လီၤ.+
၉ မတဂၤတဲလၢ “ယမၤကဆှီထီၣ် ယသူၣ်ယသးလံ,+ယတၢ်ဒဲးဘးတအိၣ်လၢၤဘၣ်”+ သ့တဂၤလဲၣ်.
၁၀ စီၤပီၢ်သၣ်လၢ အတတီဘၣ် ဒီးနီၣ်ထိၣ်လၢ အတတီဘၣ်န့ၣ်ယဟိဝၤယွၤ သးဘၣ်အၢဝဲ ခံခါလၢာ်လီၤ.+
၁၁ ဖိသၣ်ဒၣ်လဲာ် အတၢ်ပာ်သူၣ်ပာ်သး ကဆှီဧါ ဒီးအဘၣ်ဧါန့ၣ်+ဘၣ်တၢ်သ့ၣ်ညါအီၤ ခီဖျိ တၢ်လၢ အမၤဝဲတဖၣ်လီၤ.
၁၂ နၢ်ကုလၢ အနၢ်ဟူတၢ် ဒီးမဲာ်ချံလၢ အထံၣ်တၢ်န့ၣ်ယဟိဝၤယွၤ တ့လီၤဝဲ ခံခါလၢာ်လီၤ.+
၁၃ တဘၣ်မံဆူၣ်ဆူၣ်တဂ့ၤ, နကဖှီၣ်လီၤယာ်လီၤလီၤ.+
ဒီးဒ်သိးနကအီၣ်ဘၣ်တၢ် ဘျဲဘျဲအဂီၢ် အိးထီၣ်နမဲာ်ချံ ဒီးဂဲၤဆၢထၢၣ်တက့ၢ်.+
၁၄ ပှၤပှ့ၤတၢ်ဖိတဂၤတဲဝဲလၢ “တၢ်တခါအံၤ တဂ့ၤလၢၤဧဲၤ, တၢ်တခါအံၤ တဂ့ၤလၢၤဧဲၤ.”
ဝံၤဒီး အက့ၤပတြၢၤလီၤ အသးလီၤ.+
၁၅ ထူဒီးလၢၢ်ဖီ* အိၣ်ဝဲဒီဒူၣ်ဘၣ်ဆၣ် တၢ်ကတိၤတဖၣ်လၢ အပာ်ဖျါထီၣ် တၢ်သ့ၣ်ညါန့ၣ် အလုၢ်ဒိၣ်ပှ့ၤဒိၣ်န့ၢ်ဒံး တၢ်သ့ၣ်တဖၣ်န့ၣ်လီၤ.+
၁၆ ပှၤပိာ်ခွါလၢ အအၢၣ်လီၤလၢ အကလိးန့ၢ် ပှၤလၢအတသ့ၣ်ညါဝဲဘၣ်တဂၤ အဒ့ၣ်ကမၢ်န့ၣ် ဟံးန့ၢ်အ တၢ်ကူတၢ်ကၤတက့ၢ်.+
ဒီးပှၤပိာ်ခွါတဂၤ မ့ၢ်အၢၣ်လီၤဝဲ ဒ်န့ၣ်လၢ ပိာ်မုၣ်ဟးဂီၤတဂၤ အဂီၢ်န့ၣ် ဟံးဃာ်တၢ်လၢ အဟ့ၣ်လီၤ ဒ်တၢ်အုၣ်အသးလၢ အဝဲကလိးန့ၢ်က့ၤအီၤ အဒ့ၣ်ကမၢ် အဂီၢ်တက့ၢ်.+
၁၇ ကိၣ်လၢပှၤတဂၤ မၤန့ၢ်အီၤ ခီဖျိ တၢ်လံၣ်တၢ်လီန့ၣ် အအီၣ်ဝဲ ဝံၣ်မး,ဘၣ်ဆၣ် လၢခံကတၢၢ်န့ၣ် အကိာ်ပူၤ ကပှဲၤဝဲဒီးမဲးလီၤ.+
၁၈ တၢ်တၢၣ်ပီၣ်တၢၣ်ပီလိာ်သး မ့ၢ်အိၣ်မး တၢ်ရဲၣ်တၢ်ကျဲၤ ကကဲထီၣ်လီၤ.+
ဖဲနလဲၤဒုးတၢ်အခါ နကဘၣ် မၤထွဲ တၢ်ဟံးစုနဲၣ်ကျဲလၢ အဂ့ၤလီၤ.+
၁၉ ပှၤလၢအတဲဟးဂီၤပှၤဂၤန့ၣ် ဟးတဲဖျါထီၣ် တၢ်ဂ့ၢ်ခူသူၣ်လီၤ.+
ပှၤလၢအတဲအီၣ်ပှၤဂ့ၢ်မုာ်န့ၣ် တဘၣ်ရ့ဒီးအီၤတဂ့ၤ.
၂၀ ပှၤလၢအဆိၣ်အၢ အမိၢ်ဒီးအပၢ်န့ၣ်ဖဲတၢ်ခံးလီၤအခါ အမ့ၣ်အူဒၢ ကလီၤပံာ်ဝဲလီၤ.+
၂၁ လၢအခီၣ်ထံး ပှၤမ့ၢ်မၤန့ၢ် တၢ်စုလီၢ်ခီၣ်ခိၣ်* ခီဖျိလၢ တၢ်သူၣ်လီသးကွံ သနာ်က့လၢအကတၢၢ်န့ၣ် အဝဲတဘၣ်ဆိၣ်ဂ့ၤဘၣ်.+
၂၂ တဘၣ်တဲလၢ “ယကဟ့ၣ်ကၣ်အီၤခီဖျိလၢ အမၤအၢယၤအဃိ” န့ၣ်တဂ့ၤ.+
မုၢ်လၢ်တၢ်လၢ ယဟိဝၤယွၤ+ ဒီးအဝဲကမၤပူၤဖျဲးနၤလီၤ.+
၂၃ စီၤပီၢ်သၣ်လၢ အတတီဘၣ်န့ၣ် ယဟိဝၤယွၤ သးဘၣ်အၢဝဲဒီးစီၤပီၢ်လၢ အတတီဘၣ်န့ၣ် တဂ့ၤဘၣ်.
၂၄ ပှၤတဂၤ အခီၣ်ခါန့ၣ် ယဟိဝၤယွၤ ဟံးစုနဲၣ်ကျဲဝဲအဃိ+ပှၤတဂၤန့ၣ် အနၢ်ပၢၢ်လီၤက့ၤ အနီၢ်ကစၢ် အကျဲ ကသ့ဒ်လဲၣ်.
၂၅ ပှၤတဂၤ မ့ၢ်ကရီမၤ တၢ်အၢၣ်လီၤ ဒီးပာ်စီဆှံ တၢ်တမံၤမံၤလၢ ကစၢ်ယွၤအဂီၢ်+ တချုးလၢအဝဲဆိကမိၣ်ထံတၢ်ဒံးဘၣ်န့ၣ် ကကဲထီၣ် ပျံၤသကွီၤ လၢအဂီၢ်လီၤ.+
၂၆ ဒ်ပှၤဂုၤဘုဒီး နီၤဖးကွံာ် ဖ့အသိး+စီၤပၤလၢ အကူၣ်တၢ်သ့တဂၤန့ၣ် ထုးထီၣ်ကွံာ် ပှၤအၢပှၤသီလီၤ.+
၂၇ တၢ်လၢပှၤတဲဖျါထီၣ်န့ၣ်* လီၤဂာ်ဒ်သိးဒီး ယဟိဝၤယွၤ အမ့ၣ်အူဒၢဒီးအပာ်ဖျါထီၣ် တၢ်လၢအအိၣ်ခူသူၣ်လၢ ပှၤသူၣ်ကံၢ်သးလဲပူၤလီၤ.
၂၈ တၢ်အဲၣ် ဒီးတၢ်သးတီန့ၣ် ဒီသဒၢ စီၤပၤလီၤ.+
စီၤပၤ မၤဂၢၢ်မၤကျၢၤ အလီၢ်ပစိာ် ခီဖျိလၢ တၢ်အဲၣ်လၢအတီလီၤ.+
၂၉ ပှၤသးစၢ် အတၢ်ဃံတၢ်လၤန့ၣ် ကဲဝဲ အဂံၢ်အဘါ+ဒီးပှၤသးပှၢ် အလၤကပီၤန့ၣ် ကဲဝဲ အခိၣ်ဆူၣ်ဝါလီၤ.+
၃၀ တၢ်ပူၤလီၢ်ဒီး တၢ်ထီၣ်လုးထီၣ်လါတဖၣ်န့ၣ် မၤစၢၤပှၤဒ်သိး ပသုတမၤတၢ်အၢ လၢၤတဂ့ၤအဂီၢ်လီၤ.+
ဒီးတၢ်တီၢ်တဖၣ်န့ၣ် မၤကဆှီထီၣ် တၢ်အိၣ်လၢ ပသူၣ်ကံၢ် သးလဲပူၤလီၤ.
တၢ်ဂ့ၢ်အဘျဲၣ်တဖၣ်
^ ဘၣ်သ့ၣ်သ့ၣ် ကမ့ၢ် “အဝဲ ကဟးဃုတၢ် ဖဲပှၤကူးတၢ်အဆၢကတီၢ် ဘၣ်ဆၣ် အတထံၣ်န့ၢ် တၢ်နီတမံၤဘၣ်.”
^ အခီပညီလိၤလိၤ “ဖိခွါတဖၣ်.”
^ ကွၢ် တၢ်ကတိၤအခီပညီ.
^ အခီပညီလိၤလိၤ “တၢ်န့ၢ်သါ.”
^ အခီပညီလိၤလိၤ “ပှၤဟီၣ်ခိၣ်ဖိ အတၢ်ကသါ.”
