စံးထီၣ်ပတြၢၤ ၁၄၅:၁-၂၁
-
စံးထီၣ်ပတြၢၤကစၢ်ယွၤ လၢအမ့ၢ် စီၤပၤလၢ အဒိၣ်ကတၢၢ်
စီၤဒၤဝံးအထါ စံးထီၣ်ပတြၢၤ.
א *
၁၄၅ အိ ကစၢ်ယွၤ လၢအမ့ၢ် ယစီၤပၤဧၢ, ယကမၤလၤကပီၤနၤ+ဒီးယကစံးထီၣ်ပတြၢၤနမံၤ လီၤထူလီၤယိာ်လီၤ.+
ב
၂ ယကစံးထီၣ်ပတြၢၤနၤ ဒီတနံၤကျၢၤ,+ယကစံးထီၣ်ပတြၢၤနမံၤ လီၤထူလီၤယိာ်လီၤ.+
ג
၃ ယဟိဝၤယွၤန့ၣ် ဒိၣ်ဝဲဒိၣ်မး ဒီးကြၢးဝဲဒီး တၢ်စံးထီၣ်ပတြၢၤ သပှၢ်တၢၢ်လီၤ.+
အဒိၣ်ဝဲထဲလဲၣ်န့ၣ် ပှၤနၢ်ပၢၢ်တသ့ နီတဂၤဘၣ်.+
ד
၄ ပှၤတစိၤဘၣ်တစိၤ ကစံးထီၣ်ပတြၢၤနၤ ခီဖျိတၢ်လၢနမၤတဖၣ်အဃိဒီးအဝဲသ့ၣ် ကတဲဘၣ်ဃးဒီး နတၢ်မၤလၢ အဒိၣ်အမုၢ်တဖၣ် အဂ့ၢ်လီၤ.+
ה
၅ အဝဲသ့ၣ် ကတဲဘၣ်ဃးဒီး နလၤကပီၤလၢ အလီၤကဟုကညီၢ်အဂ့ၢ်+
ဒီးယကဆိကမိၣ်ထံ ဘၣ်ဃးဒီး နတၢ်မၤလၢ အလီၤလိၢ်လီၤလးတဖၣ် အဂ့ၢ်လီၤ.
ו
၆ အဝဲသ့ၣ် ကတဲဘၣ်ဃးဒီး နတၢ်မၤလၢ အလီၤကမၢကမၣ်တဖၣ်အဂ့ၢ်*
ဒီးယကတဲဖျါထီၣ်လၢ နမ့ၢ်ပှၤလၢအဒိၣ်ထဲလဲၣ်န့ၣ်လီၤ.
ז
၇ ဖဲအဝဲသ့ၣ် နီၣ်ဘၣ်က့ၤ နမၤဂ့ၤတၢ်ဒီဒူၣ်အခါ အဝဲသ့ၣ် အတၢ်ကတိၤ စံးထီၣ်ပတြၢၤတဖၣ် ကကလာ်ထီၣ်ဝဲ+ဒီးအဝဲသ့ၣ် ကကိးပသူထီၣ်လၢ တၢ်သးခုအပူၤလၢ နတၢ်တီတၢ်လိၤအဃိလီၤ.+
ח
၈ ယဟိဝၤယွၤန့ၣ် အသးဂ့ၤ, အသးကညီၤတၢ်,+တသးဒိၣ်ထီၣ်တၢ်ချ့ချ့ဘၣ် ဒီးအိၣ်ဒီး တၢ်အဲၣ်လၢအတီ ဒိၣ်မးလီၤ.+
ט
၉ ယဟိဝၤယွၤန့ၣ် ဂ့ၤဝဲလၢ ပှၤခဲလၢာ်အဖီခိၣ်+ဒီးတၢ်လၢအမၤဝဲခဲလၢာ်န့ၣ် ပာ်ဖျါထီၣ် လၢအအိၣ်ဒီး တၢ်သးကညီၤလီၤ.
י
၁၀ အိ ယဟိဝၤယွၤဧၢ, တၢ်လၢနမၤခဲလၢာ်န့ၣ် ကမၤလၤကပီၤနၤ+ဒီးပှၤလၢ အသးတီဒီးနၤန့ၣ် ကစံးထီၣ်ပတြၢၤနၤလီၤ.+
כ
၁၁ အဝဲသ့ၣ် ကစံၣ်တဲၤတဲလီၤ နဘီမုၢ် အလၤကပီၤအဂ့ၢ်+
ဒီးကတဲတၢ်ဘၣ်ဃးဒီး နစိနကမီၤအဂ့ၢ်+
ל
၁၂ ဒ်သိး ကဒုးသ့ၣ်ညါ ပှၤဂၤလၢ နတၢ်မၤလၢ အဒိၣ်အမုၢ်+ဒီးနဘီမုၢ် အလၤကပီၤလၢ အလီၤကဟုကညီၢ်အဂ့ၢ်လီၤ.+
מ
၁၃ နဘီမုၢ်န့ၣ် မ့ၢ်ဝဲဘီမုၢ် အထူအယိာ်ဒီးနတၢ်ပၢ ကအိၣ်ဝဲ လီၤထူလီၤယိာ်လီၤ.+
ס
၁၄ ယဟိဝၤယွၤ ဒုးဆၢထၢၣ် ပှၤလၢအဘူးကလီၤဃံၢ် ကိးဂၤဒဲး+ဒီးပှၤလၢ အသကူးလီၤအသး ခဲလၢာ်န့ၣ် အဝဲဒုးဆၢထၢၣ်ဝဲ ဘျၢဘျၢလီၤ.+
ע
၁၅ တၢ်သးသမူခဲလၢာ် အိၣ်ခိးကွၢ်လၢ်နၤဒ်သိးနကဟ့ၣ်လီၤ အဝဲသ့ၣ် လၢတၢ်အီၣ်တၢ်အီ ဘၣ်ဆၢဘၣ်ကတီၢ်လီၤ.+
פ
၁၆ နဟ့ၣ်တၢ်ညီဒိၣ်မး*
ဒီးနမၤလၢပှဲၤ တၢ်သးသမူခဲလၢာ် အတၢ်မိၣ်န့ၢ်သးလီတဖၣ်လီၤ.+
צ
၁၇ ယဟိဝၤယွၤ မၤတၢ်လၢအတီအလိၤထီဘိ+ဒီးတၢ်လၢအမၤဝဲခဲလၢာ်န့ၣ် ပာ်ဖျါထီၣ်လၢအအိၣ်ဒီး တၢ်သးတီလီၤ.+
ק
၁၈ ယဟိဝၤယွၤ အိၣ်ဘူးဒီး ပှၤလၢအကိးထီၣ်အီၤ+ဒီးပှၤလၢ အကိးထီၣ်အီၤလၢ တၢ်သူၣ်ဘျၢသးဘျၢ* အပူၤ ခဲလၢာ်လီၤ.+
ר
၁၉ ကစၢ်ယွၤ မၤလၢပှဲၤန့ၢ်ဝဲ ပှၤလၢအပျံၤအီၤတဖၣ် အတၢ်မိၣ်န့ၢ်သးလီလီၤ.+
အဝဲနၢ်ဟူ အဝဲသ့ၣ် အတၢ်ကိးပသူထီၣ်လၢ တၢ်မၤစၢၤအဂီၢ် ဒီးမၤပူၤဖျဲး အဝဲသ့ၣ်လီၤ.+
ש
၂၀ ယဟိဝၤယွၤ ဒီသဒၢဝဲ ပှၤလၢအအဲၣ်အီၤ ကိးဂၤဒဲး,+မ့မ့ၢ် ပှၤအၢပှၤသီန့ၣ် အဝဲကမၤဟးဂီၤကွံာ်ဝဲ ခဲလၢာ်လီၤ.+
ת
၂၁ ယကစံးထီၣ်ပတြၢၤ ယဟိဝၤယွၤလီၤ.+
မ်တၢ်သးသမူခဲလၢာ်* စံးထီၣ်ပတြၢၤ အမံၤစီဆှံ လီၤထူလီၤယိာ်တက့ၢ်.+
တၢ်ဂ့ၢ်အဘျဲၣ်တဖၣ်
^ မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် စံးထီၣ်ပတြၢၤတယုၢ်အံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
^ မ့ၢ်စ့ၢ်ကီး “တၢ်စိတၢ်ကမီၤ.”
^ အခီပညီလိၤလိၤ “နအိးထီၣ်နစု.”
^ မ့ၢ်စ့ၢ်ကီး “တၢ်မ့ၢ်တၢ်တီ.”
^ အခီပညီလိၤလိၤ “တၢ်ညၣ်ခဲလၢာ်.”
